( هجرب)
هجرب
مني أقرب
واخوض في اسراري
ولا تاني هغيب
عن عيني وأنظاري
مش هبعد عني تاني
وأعيش ورا ستاري
نفسي هحررها
وأعلي مقدارها
واسبح خلف أشعاري
مش هكتم جوايا
وأداري
وأخفي الحنين
المداري
صارحتني الدنيا
وأتاري
عاشقه
مستنيه أخباري
هلون كل حواديتي
واجدد لغتي وحديتي
وابني في السما بيتي
وابدل ليلي بنهاري
لأمتي هبقي مخاصمني
الحزن تملي راسمني
كبر عمري وزاد سني
وجفت كل أنهاري
هفتح كل شبابيكي
ويا دنيا هبقي
شباب بيكِ
اندهي وهلبيكِ
وهقضيكِ
بإصراري
بقلمي... السيد محمد صالح🌷
ليست هناك تعليقات:
إرسال تعليق