⚘الفلاحة ⚘ كلمات الشاعر الراقي _ إسماعيل عبد الهادي

**★( الفلاحة)★**
محلاها    البنت    الفلاحه
ع الجسر ماشيه الصبحيه
علي  راسها  مايله   زلعتها
والضحكه    طالعه  بحنيه
تتعاجب  بجمال   خطوتها
ومعاها    بهانه     وفتحيه
والندي  فارد ...... ع الغله
مع   طلعة    نور  الفجريه
ونقش  الحنه علي أيديهم
والعيون ف الكحل  خايله
والورد     لونه   ع الخدود
والشفايف    نارها   قايده
والا رنة .......... الخلخال
بتهز الأرض كده ف ثانيه
وقلوب العشاق ف غيطانها
ده بيحرت وده عينه ع الساقيه
واللي  عينه  علي   فتحيه
واللي  قلبه  داب ف بهانه
مستني  اما

   يضم    الغله
ويروح  لام عيون  نعسانه
ويخبط دوغري   ع الباب
من غير  م يلف   ولا يدور
ويقول لابوها ياعم دياب
جوزني بنتك ست    بدور
والدوار   نملاه      بالزينه
وع الزراعيه   نعلق    نور
وكل  جيرانا  مع.  أهالينا
نقرا الفاتحه بهنا  وسرور
وتزغرد   فاطمه   وشلبيه
وعويس ح يولع ف بخور
ونفرق  ع الناس   شربات
والقلوب تزيد.......... محبه
ونخلف   صبيان    وبنات
ونعيش مع بعض   ونتهنا
بقلمي/اسماعيل عبدالهادي ابوالعلا