⚘دمعة قلب ⚘ بقلم الشاعر/ عبد الحميد السماحي

دمعة قلب
بقلمي / عبدالحميد السماحي

بعد ليل قاسي يا ناسي
حطتني فى ويل المجروحين
راحت من عينيا الفرحه
معرفتش أنا أبقى مين
آه من السراب اللى فى عيونك
ظنونك رمت الورد فى الطين
وطفيت شموع المسا
ومشى قلبي يبكي حزين
يبص فوق جبال الشوق
يلقى الشوك مغروس فى الجبين
بكت عيون القمر بالآه
أخدنا التواه لليل المجروحين
عمري ماهيشوف قلبي العتمه
والصدمه لكل الغدرين
هتمسح ايدي دمعتي
وفرحتي مستنظره دعوة أمين
عيوني من عيون القمر
والجمال ماهيفارق الطيبين
والشمس اللى بشوفها أماله
خياله يفوق كل الموجودين
العزه والكرامه مهجتي
وإن بكت ماهتكون تحت الرجلين
والقسوه راح تنتهى أمالها
ومن رحيلها نقطف الورد من السنين
بقلمي
عبدالحميد السماحي