👍إيه إحساسك 👍 بقلم الشاعرة/ سحر أحمد محمد

إيه إحساسك.         خواطر
************
إيه إحساسك لما تقف في
مفترق الطريق
لما تكون تحت الميه
مش لا قي قشاية تتشبث
بيها ويضيع آخر أمل ليك
وتموت غريق

ولما تشعر إنك ماليكش لازمه وإن
حياتك كلها عبارة عن
مشكله وأزمة ولما تكون
الدنيا عليك فاضية وتتعارك
معاها وتديك الضربة القاضية

ولما الأبواب تتقفل عليك
وتحس إنك عايش مع
الجدران وتصرخ ولا حد سامعك
حتي السجان
تبقي في الآخر هيه دي حياة الإنسان
إيه يعني لو مريت يوم بضيق
بكرة تفرج وينفتح لك ألف طريق وطريق
        #سحر أحمد محمد