⚘مجنون يا وجع الجراح ⚘ بقلم الشاعر/ إبراهيم الحداد

مجنون ياوجع الجراح
فكرتنى شكاي .
أرسم بقلمى النواح
ويصاحبه شجن الناي
أنا اللى جرحى بحشايا
مصاحبنى صبح ومسايا
بضحك عليه بضحكايه
يتعجب ضحكت أزاى
مجنون ياوجع الجراح
فكرتنى شكاي .
فى القلب جارح مطارح
سكنت معاها الأه .
ملعون ياألمى ياسارح
ولا فى رحمه معاه .
قررت أنسى أمبارح
بكل مره وأساه
وأستنى بكره الجاي
مجنون ياوجع الجراح
فكرتنى شكاي .

كلمات  إبراهيم الحداد