⚘الحياة ⚘ كلمات الشاعرة/ فاطمة عبد الشافي

((**الحياه**))
      **  **
 مش لونها وردي
لماتاخد صعب تدي

وأما هتعاندك هتتعب
واما بتصالحك بترضي

كل يوم بلون معانا
والأيام لازم تعدي

شفت منها كتير قساوه
ومش عارفه إيه ذنبي

نفسي مره فى يوم هناوه
   ونور ينورلى دربي

نفسي أشوفها بلون تاني
عايزه لونها يكون بمبي

ويرضى عني زماني
وحبايبي تكون جمبي

ومش عايزه حاجه تاني
غير إني أعيش ياربي

فى فرحه تملا كياني
والسعاده تكون نايبي

نفسي زماني يصالحني
والزعلان مني يسامحني
 وأفرح انا وكل حبايبي
.............................................    فاطمه عبد الشافي