⚘سبوبة ⚘ بقلم الشاعر/ طه حنفي

***سبوبة***
بكل مكان        سبوبة
وناس شاطرة   ولهلوبة
وناس تاكل   متعتقشي
وناس بجحة  متقنعشي
وناس الحيا ضاع   منها
وناس ظالمة للي  منها
عشان خاطر ده سبوبة
وفاكرة غيرها   أُلْعوبة
وناسية القيم    والدين
وناسية إنها في الطين
  لكن الدنيا     غرتهم
  وغرتهم      السبوبة
  وجَرِّتْهم       لأكذوبة
  لدنيا غش        وعار
وآخرها تروح       النار
مفكرها متاع      وقرار
بسبوبة تبيع       نفسك
وتعمل كل ما في نفسك
وممكن يتقطع     نَفَسك
ولا تنفعك        سبوبتك
يا ريت تختار   ولا تحتار
قضيتك جنة   واللا   نار
        بسبوبة
        تحياتي
همسات طه حنفي