كتب الشاعر/ إبراهيم الحداد .. ندا عليا..

ندا عليا .

ندا عليا جميل وبرمش كحيل . نعمين. 
نعمين وقلبى يميل . ولعشقى دليل .أه ياعين. 

جماله مش معقول .والورد يقول .سلامين.
سلامين تلاته كمان . ياعود ريحان . عطرين .
عطر بورد الخد. ولازيك حد . ده فين .
فين ياللى مالكش زي .' وصوتك ناي . ياحنين .
ياحنين خلانى أدوب .يامالك لقلوب . عاشقين .

ندا عليا جميل وبرمش كحيل .نعمين.
نعمين وقلبى يميل .ولعشقى دليل .أه ياعين .

جانى حبيبى وقال . ياعاشق الموال . ياحزين .
ياحزين حزنك أهو زال. غني الموال . برنين .

رنين كما الخلخال . ياواصلنى وصال . غرامين .
غرامين وقلبى أنا مال. عشقك ف الحال . ياسنين.
 
نهايته وأخر القول. بعشقك مقتول . مسكين. 
حن على الغلبان. ياأبو صوت كروان. تفانين .

ندا عليا جميل وبرمش كحيل. نعمين .
نعمين وقلبى يميل. ولعشقى دليل .أه ياعين .

كلمات  إبراهيم الحداد.