كتب الشاعر/ عبد الحميد السماحي .. قلبي الضعيف..

قلب الضعيف
بقلمي
فاكر دموع الأمل
لما اتظلم قلبي الضعيف
وأنا بنادي وأقولك نادي
وأنا بدور عالرغيف
ياما سهرت الليالي فى العمل
وانت شايف جسمي النحيف
والخوف من بكره اللى تاه
وسط الفراق ياخفيف
عمري ماتعلمت السخافه
ولاكنت فى عمري يوم سخيف
أنا اللى تاه عمري مني
علشان عيونك ياظريف
آه وألف آه عالحب اللى ضاع
هو اللي باع بدون تكليف
ياحسره عالحب اللى مات
وجنزته واقفه عالرصيف
بتشيعه كل القلوب  المتبعتره
حتى الطيور وكل شريف
فى وسط المحاكم مات انقهر
والقاضي بيحكم تحت التكيف
والرصاص بيموت فى الشعوب
والدم نازل شلال نزيف
ماتت خلاص دنيا البراءه
والفيتوا مابيتنطقشي غير عالضعيف
فاكر دموع الأمل
لما اتظلم قلبي الضعيف
بقلم
عبدالحميد السماحي