كتب الشاعر/ عادل عوف .. الدنيا..

الدنيا لو ملهاش كبير إكبر لها
لَجِمْها وإحسن لجْمَها
واياك تأمن يوم لها او تنشغل
لتكون ضحية للكمها او لؤمها
الدنيا بتنقي الضعيف تستنذفه
وان يوم عصاها بتنسفه
ابليس خرج م الجنه مرمي علي الرصيف
والدنيا رفضت تكسفه
الدنيا بتخاف م القوى
تعمل حسابه في كل شئ
غفلها وإعمل فهلوى
تضيع فى لحظه وتبقى شئ
مالوش لزوم عبر الزمن
الدنيا دي لا تؤتمن
من فيها عاش مبسوط سعيد
مادفعش ضعفين التمن
الدنيا بوابه خروج بس بأوان
حسب الميعاد تلقي البيبان
بتنادي علي صاحب النصيب
ان كان ملك
او بهلوان
الدنيا لو تعرفها جد
هي مكان "الا مكان"

       #عفويات
#عادل____عوف