زادت قوي
بقلمي محمد عنانى
الهم زاد بالقوي
بالجمله ومفرق
وكوتنا نار الغلا
بالغرب ومشرق
وشمال ولا جنوب
في الكل بقا طايح
ما عاد فيها الجيوب
واخدنا فين رايح
ولا منه فيه مهروب
ومكتر في الفضايح
في الغُلب دوبنا دوب
وتعبنا من النصايح
فلوسنا على قدها
بمحايله بالعافيه
فى الكون مفيش زيها
يومين يادوب كافيه
أما بقيت الشهر
بسُلَف ومد الإيد
واليوم يعدى دهر
والفقر سيفه شديد
والناس حتعمل إيه
وتمشي حالها ازاي
وازاي تعيش وبإيه
دلوقتي واللي جاي
يارب من عندك
إفرجها واسترنا
هونها من فضلك
واصلح لنا حالنا
بقلمي محمد عنانى
ليست هناك تعليقات:
إرسال تعليق