💥أمي راح أدعيلك💥كلمات الشاعر / حسن السحماوي

 أمي .. ... ( راح ادعيلك )

أنا يا أمي .. لو جار الزمن بيا ..

اعود ليكي ..

تداوي جرح ما فيا .. تعافيني

تضميني بلمساتك .. بحنية

واحس بلمستك .. ليا

يعود نبض الحياة .. ليا .. بأمنية

تصحيني .. وأنا يا أمي .اوجاعك

وأحلامك .. وأيامك ..

ودنيا عشت ما فيها .. تناديها

عشان الفجر يتبسم

ونور الصبح ..مايقسم ..

ربوع الخير على بابك ..

تبات الضحكة فى عنيكي

وأمنية .. تصحي كل ما فيا

على دعاكي..

ولو مس الآذى بابي ..

فى صلاوتك بتدعي لي

يخاف الخوف .. ويهرب

من قصاد عيني .. ويتراجع

ذليل باكي ...

ودا لإنك .. بتدعي لي ..

مفيش بينك وبين المولى

ااي حجاب ..

ووصانا .. فى قرآنه نراعيكي

وأنا يا أمي دلوقتي راح ادعيلك

ياريت ااقدر على جمايلك .. أوفيكي

ورحمة ربنا يا أمي ..

ما حايعوضني

فى الدنيا .. حنان غيرك

( راح ادعيلك )

............ للشاعر ..

حسن السحماوى