--+++ رسالة للمُلحد +++--
الرُّوح فى خَلْق الله
من أمْر رَب الكُون
ليه يا مُلحِد مِكَذِّب
ومصدَّق (رِيمُوت)
يخَللى الحَديد يتكلِّم
بالصُّوره (وفون)
ويمشِى فُوق السَّما
ونجوم المَلكوت
وتَحت الأرض
يُنْكُش على مَكْنُون
فى عُمْق البحار
زى السَّمك والحُوت
العِلم هُدَى من الخلَّاق
بأمر كُن فيَكون
سُبحانُه مسخَّرلَك كونُـه
بكل حرَكَه وصُوت
خَلْق ربَّك مِش وهْم
ولا ظَن ظنون
خَلَقَك مِن حَمَأ مَسْنون
مِش مِن أشْتاتَك أشْتوت
يا مُلحِد .. الظن لا يُغنى
عن حَق شِئ الشِّئُون
الرُّوح بيد ربَّك (كالريموت)
بضغطَه يا تعيش يا تموت
د. سمير خليل
ليست هناك تعليقات:
إرسال تعليق