"سنيورة على الشط"
----------------------------
ماشية على الشط بتتمخطر
سنيورة جميلة وتتدلع
وعليها جمال الله أكبر
سبحان من صورها فأبدع
وسمعت ياناس دقات قلبي
وأنا واقف مذهول بجمالها
ودعيت ربنا تقبل حبي
وتشوفني.. فارس أحلامها
وساعتها الفرحة تكون أكبر
ونقول للحزن بلاش يرجع
ماشية على الشط بتتمخطر
سنيورة جميلة وتتدلع
جَمَّعت شجاعتي وقلتلها
أنا قلبي اختارك ياصبية
ولما لَمَحْت ابتسامتها
إحلوت في عيوني الدنيا
أنا أصلي خلاص إرتحتلها
وبسرعة بقت غالية عليا
هاعطيها حنان وأمان أكتر
وفي عش غرامنا هنتجمع
ماشية على الشط بتتمخطر
سنيورة جميلة وتتدلع
وعليها جمال الله أكبر
سبحان من صورها فأبدع
---------------------------------
بقلمي ؛
م. محمود الحريري
ليست هناك تعليقات:
إرسال تعليق