"يامهنيني بحُبَّك"
-----------------------
يامهنيني ف جنة حُبَّك
أحلى سنيني بعيشها بقربك
سحر عنيك دايماً بياخدني
عند بحور الشوق ويسيبني
لما إيديك تحضنها إيديا
بالقى الدنيا بتضحك ليا
أحلى عيون شفتها في الدنيا
وحبك ليا أغلى هدية
يامهنيني ف جنة حُبَّك
أحلى سنيني بعيشها بقربك
......
وانا وياك بافتحلك قلبي
واوصفلك أشواقي وحبي
عاوزك دايماً تفضل جنبي
إوعى تداري هواك وتخبي
دقت معاك طعم الأشواق
وأنت قصادي باكون مشتاق
قلبي ميستحملش فراق
يلا نعيش عيشة العشاق
يامهنيني ف جنة حُبَّك
أحلى سنيني بعيشها بقربك
........
أنا باهواك من يوم ماعرفتك
عمري مادقت غرام من قبلك
إحكيلي عن كل مشاعرك
عرفني إيه اللي ف قلبك
ربى يديم الهوى ف قلوبنا
ويبعد عنا اللي يفرقنا
ولا تفضل حاجة تكدرنا
أو تتعكر بيها حياتنا
يامهنيني ف جنة حُبَّك
أحلى سنيني بعيشها بقربك
-----------------------------------
بقلمي؛ م/ محمود الحريري
ليست هناك تعليقات:
إرسال تعليق