.💓نصيحة مني💓
القراءة على نغمة المسحراتي
.. سيد مكاوي ..
مسحراااتي جاي الليلة دي
وعندي ليكم نصيحة غالية
اوعوا تسيبوا أخلاق زمان
أجري لجارك ف حزنه دايما
وقبل فرحه أكيد.. كمان
أوصل لرحمك لو هما قطعوا
خليك مطيعه كل الآوان .
واتمني دايما الخير لغيرك
ده الحقد آخره ذل وهوان
و اوعى يكون لك.. غير
وش واحد.. املاه حنان
و كل مطرح تدوسه رجلك
وزع محبة. فيها الأمان.
راعي اليتيمة وإبعد لئيمة
الشر فيها زي الغيلان.
راعي لوالدك والوالدة ليها
تكون جناحها رحمة وإيمان
خليك لوعدك صاين وحافظ
سند لصاحبك ومش جبان
واصحى يانااااايم
وحد الدااااااايم
رمضااااان كرررررريم.
💓بقلمي/ صفاء الخواجة 💓
ليست هناك تعليقات:
إرسال تعليق