⚘الغربة ⚘ بقلم الشاعر/ محمد يونس

العامة

الغربة
مين اللى قال
ان الغربة  غربة جسد
دى الغربة
غربة روح
وفراق الحبيب
اصعب من طلوع الروح
وفى قربه جنة
منها العبير بيفوح
مين اللى قال
الغربة غربة  جسد
دى الغربة غربة روح
واكيدة
وحيدة فى بستان
الهموم بتنوح
وخولى هجر ورد
بستانه بالجسد والروح
دى رسالة دوا
كتبها طبيب الهوى
لحبيب مجروح
فين مكانك..فين زمانك
فين كلامك
سبت نارك جوه دارك
ببعدك سنين
فيه ناس من بعدك
مش ناسية وعدك
ليه زودت الانين
هجرت اهلك وناسك
مين فى الغربة
مين من بعدك
يملا كاسك
تعالى ازرع ارضك
بفاسك  تطرح حب وحنين
مين هيحس  ويفهم كلامى
ده انت سهدى
وقلقى فى منامى
ببعدك طنين النحل زاد
وانت طولت البعاد
ليه بس العناد
ارجع
تعالى ابعد النحل عنى
ده انت بس
اللى قريب منى
ليه فى بعدك
تسيب دبور يهنى
ارجع
مش عايزة مال
مش عايزة جاه
مش عايزة انوح
ده مال الدنيا كله

بييجى ويروح
ارجع ..ارجع
ياروح الروح
بقلمى
محمد يونس