🍁عودتي قلبي 🍁 كلمات الشاعر/ مجدى الجندي

عودتي قلبي
بقلم..مجدي الجندي

عودتي قلبي ازاي يكون
طفل يتيم
يقبل بواقي المشتاقين
ويعيش مع شوية صور
علي ذكريات
من ماضي فات

عودتي قلبي اما تغيبي
يطفي ناره بانتظاره
ويخلقلك الف عذر

عودتي قلبي ازاي يهيم
في وشوش المشتاقين
م العاشفين
ويلم طيفك م الطريق
لجل مايكونله رفيق
في سكته وف رحلته
وانت معاه
ياهل تري شيفاه

عودتي طيفي يمسك
في ايدك في الخيال
ويحط شوقه جوه كفك
تقري في عينيه السؤال
يسمع اجابتك جوه حسك
قبل مايطبق ايديكي
عينه بتشاور عليكي
ياهل تري حساه