🌺وحشتيني يا أمي 🌺 كلمات للشاعر م/ محمود الحريري

"وحشتينى ياأمى" 
بقلم : م/ محمود الحريرى
-------------------------------
ياأمى كتير وحشتينى
ياروح الروح يانور عينى

وحشنى كلامك الطيب
وصوتك لما تنادينى

تخافي عليا م النسمة
ودايماً كنتِ تحمينى

تغطينى برمش العين
وجوه عنيكِ تشيلينى

سهرتِ ليالى ياأمى
وانا تعبان تداوينى

تشاركينى فى أفراحى
ولما احزن تواسينى

دا عمرك كله تضحيات
وياما تعبتِ علشانى

ولما رحلتِ ومشيتِ
بقيتْ فى الدنيا وحدانى

حياتى بدونك اهتزت
وقلبى جراحه وجعانى

يارب تكونى فى الجنة
وروحك ساكنة وجدانى

وحشتينى ياأغلى الناس
ياأحلى حاجة فى زمانى
------------------------------------