⚘يا بتاع الروبابكيا ⚘ كلمات للشاعر/ ايهاب السقا

عم يا بتاع الروبابيكيا
كل جروحى تملى باكيه
عندك حاجه تكون سليمه ؟؟؟
شوفلى فرده م القديمه
شوفلى أى شىء مهم
يخلى جرح الروح يلم
شوفلى عندك  أى حاجة
تِسد خانه ف أى حانه
شوفلى بَدلّه،،،كارووه،،،وساده
جزمه بنى،،أو بياده
شوفلى أى شىء زياده
المهم أَرَجّع الذكريات
وأشوف إللى سابنى،،،مات
وأحس بإن ليا قيمه
مش مكتوب ف ال قسيمه
إنى عايش والسلام
عاوز أشوف إللى نام
وأحس بيه ف المنام
شوفلى أى حاجة باقيه
مش مهم موضه ولاّ راقية
حاسس إنى باجُر ساقيه
نفسى يرجع الزمان
يعود يعاود للمكان
واشكيله همى مهما كان
،،،،،إيهاب السقا،،،،،