⚘اسمعيني ⚘ كلمات الشاعر/ وحيد أحمد ابراهيم

اسمعينى بدون كلام
اسمعيني باحساسك
حسى بنبض الغرام
هيقول لك كل الكلام
 لما ايدك تلمس ايدي
تحرك النبض في وريدي
 وقلوبنا بلغتها تتكلم
 وتصحي حروفها الاحلام
واحساسي يسافر يبوسك
 ينور قمرك في ليلك
 تشرق في نهارك شموسه
تعطر خدودك ورودك
تضوي اللمعه فى عيونك
تتزين بالفرحه طقوسك
ويزيد ما بيننا التماسك
 مهما نقول من كلام
مش هيوصف اللي حاصل
 لكن احساسي الغرام
بين قلوبنا له تواصل
 اصلي للكلام لغه
لكن للاحساس لغات
ما تسمعش يا حبيبتي
 الا فى صمت وسكات
الاحساس يقرا اسرار
لها فى القلب سكنات
واحنا حبنا أرواح
واخد احساسها البراح
يعرفك بدون مايلمسك
عايش حواليكِ

يحرسك

غذاء الاحساس روح
تحيي فى الحب المناسك
واللى يعجز عن وصفه الكلام
هيقدر يسمعه أحساسك
***********
وحيد احمد