كتبت الشاعرة / صفاء مصطفى الخواجة مسحراتي ¥لا للإرهاب ¥

مسحراتي علي نغمة الفنان/سيد مكاوي

¥لا للإرهاب ¥

أصحي يانايم..وحد الدايم
        رمضان كريم
أسمع كلامي..وإفهم مرادي
مسحراتي دايما بالطبلة..داير
علي جيراني. بأفوت... ليلاتي
جوه الشوارع..والدنيا ضلمة
باقول ياصالح..خليك مصالح
أعرف وأعمل.  خير للأهالي..
إرهاب و مالي سينا الحبيبة
عايزينا نركع ...ونقوم نسلم
لأجل ما نبقي لقمة ف إيديهم
سايغة وسهلة لتقسيم ...بلادي
وجراب لحاوي عمال يزايد
مرة بأزمة...وغلاء..لسلعة..
     تهم الأهالي
أو كذبة جارية..... وتشيع بفتنة
مسيحي. مسلم. وتقوم..مجازر
مسجد..كنيسة. دايما ينادوا 
إصحي يابلدي ويا أهل بلدي
خليكِ شوكة ف زور الاعادي
       مصر الأبية
متخليهمشي يفوزوا..عليكِ..
جرجس وأحمد عمدان قوية
مايهدهمشي بني..الصهاين..
ولا أمريكا..ولا الدواعش. 
يا حبايبي انتوا وكل ناسي
 وعوا ....الغلابة وحياة نبينا
دي بلدنا آمنه ف إيديكم إنتم
أوعوا الأمانه...تهون وترخص.
ويا جيش بلادي فداكم إحنا.
دايما وراكم.. ووصالنا دايم
ولادنا راحوا.. للجنة يجروا
أصل الشهادة تليق عليهم
أما اللي خاين ذليل وبايع
خسارة دفنه بتراب بلادي.
مسحراتي.. منكم وليكم ..
يا كل أهلي وكل..ناسي..
قوموا بسرعة ده الفجر آتي
وكلام نبينا..علينا.  يمشي
وأصحي يانايم وحد الدايم
   رمضان كريم
((بقلمي/صفاء الخواجة  ))