كتبت للشاعرة/ صفاء للخواجة ¥مسحراتي إسكندرية ¥ بعد تحديثها عن سابق كتابتها

¥مسحراتي إسكندرية ¥
برضه نقراها بنغمة الفنان سيد مكاوي..

أصحي يا نايم...وحد الدايم
      رمضان كريم
أنا بأسحر...دايما..... يوماتي
بس النهاردة..سحور....ذواتي
علي الشواطىء الحلوة..ديا
ف إسكندرية الحلوة..المريا
وحي بحري....أحبابه.....ياما
والقلعة واقفة..تشهد..بماضي
جميل وكله..قوة...ونضارة..
رجالة حلوة.....ستاتها غنوة..
و ف الشهامة..جمال.. أصالة
إسكندرية..مناطقها.حلوة....
تشهد لك أنت يا أم الحضارة
أسأل عليهم..كوبري العوايد..
كرموز وحضرة..قباري..مرسي
وف سيدي جابر...وسيدي بشر
ح تلاقي ناسها قوة..وعراقة..
أبو قير ونزهة..لبان..ميامي....
عصافرة..رشدي.واستانلي.يشهد
 بحضارة...تانية..
مولات. مسارح..فنار.. ومينا....
والضحكة رايقة ف سان استفانو
ومين يقولي....عن..مكتبتها؟؟
وسر. دايم...بالحب..ساري..
حلوة المطاعم..حلوة المصانع
واسكندر اللي....نشاكِ أنتِ
منسوبة لاسمه...يامرمرية...
و أكله حلوة. م.البحر طالعة..
سمكة مياسة.....وصيادية...
       عليك.. تنادي
والا. البسارية..ف صينية حلوة
        اكيلة نادت..
محلاكِ أنت ساعة...العصاري
كورنيش بيشغي.....بالبحراوية
مصيف ورايق....جميل وهادي
والكل عاشقك...صبية..حلوة..
      يااسكندرية
يا تيتة فاطمة إحكي لنا يلا
ست مديحة منتظرة تسمع
وأنت يا صافي للبحر عاشقة
وَجدي حبيبي ..سَمعني يلا
لو قلت..لسه..ح اقول حكاوي..
كفياكوا أهلي...يا تاج ف راسي
وسحوركو عندي وكمان فطاركوا
جندوفلي ماشي..صبيت. كابوريا
واصحي يانايم....وحد الدايم...
           رمضااااااااان.. كريم
((بقلمي/ صفاء الخواجة  ))