" ممنوعات جديدة تخطط لها حكومة نتنياهو !!؟؟" 🌇جان زهر 🌇بقلمي
***********************************
__ خيا ابو يوسف اذا ما بتفهمني شو اللي بدهم اياه نتنياهو والمحروسة وزيرة القضاء اييلت شاكد من العرب بعد، رايح اطق !!!.....
__ ول ول ول خيا ابو العبد على حد علمي قبل شوي كنت بكامل عقلك شو اللي صارلك تصرت تحكي مشقبع !؟؟؟
__ ولك يا خيا ابو يوسف ، لما بتسمع هالنتن ياهو وهو يقول : احنا منشدًد على تنفيذ قانون هدم البيوت اللي مش مرخًصة ،ومنهدها ، واليوم منشدًد الإجراءات على تطبيق قانون منع ظاهرة تعدد الزوجات وقال لهذه الوزيرة اللي اسمها اييلت شاكيد انها تعمل على تحضير الخطة لهالقانون الاعوج مثل خلقتهم ، كيف ممكن نتحمّل كل قرف هيك حكومة ورئيسها ووزيرته اللي بيقولو عليها وزيرة قضاء ولا تقرف ؟؟؟؟؟ ....
__ ولك خيا ابو العبد ، القصة وما فيها بالعربي المشبرح ، اطلب رخصة تبني ما بيعطوك ، واذا بنيت بيهدّوا بيتك ، اطلب حسب الشرع يسمحولك تتجوز اكثر من واحدة ما بيسمحولك ، واذا تجوزت بدون اذنهم بتكون خالفت القانون وبيحبسوك انت ونسوانك ، وبكره بيطلعوا قانون ممنوع العربي يخلّف اكثر من ولد وان غلط وحبلت مرته بالثاني ممكن يحبسوه ويطرْحوا هالمسكينه ، وممكن قوانينهم العنصرية توصل لدرجة منع الرجّال بالإجتماع بمرته الا باذن خاص من حكومة نتنياهو ،وحتى يتأكدوا من تنفيذ هذا القانون يضعوا على باب كل غرفة كامرة لمراقبة تحركات المرة وجوزها بالبيت وبسريرهم ،وبعد ، خيا ابو العبد قوانين هاي الحكومة العنصرية الله واعلم لوين رايحة توصل ، في براسهم قوانين عنصرية ومقلعطة كثيرة ، وممكن يفاجؤونا كل يوم بقانون جديد بسخافة عقولهم المريضة ، المهم يا خيا ابو العبد احنا رايحين نعرف بقوة ارادتنا كيف نتصرف مع هيك قوانين ونوقف هذول الناس اللي بشخبطوا هاي القوانين السخيفة سخافة عقولهم عند حدهم ، زي ما بيقولوا " الحكي عليه جمرك ؟؟؟؟" واما هاي القوانين اللي الها اول ومالها اخر بيقدروا ينقعوها ويشربوا ميتها كل يوم ثلاث جرعات بعد الاكل بتساعدهم على عسر هضم افكارهم الوسخة السخيفة والعنصرية ، اساسا يا خيا ابوالعبد هاي مستوى اخلاقياتهم وهالقد بيفهموا يعني عقولهم محدودة ومحصورة بطرق خراب بيوت العرب لدرجة ممكن توصل بالنهاية لخراب بيوتهم هم 😫😫😫
🌇جان زهر 🌇
***********************************
__ خيا ابو يوسف اذا ما بتفهمني شو اللي بدهم اياه نتنياهو والمحروسة وزيرة القضاء اييلت شاكد من العرب بعد، رايح اطق !!!.....
__ ول ول ول خيا ابو العبد على حد علمي قبل شوي كنت بكامل عقلك شو اللي صارلك تصرت تحكي مشقبع !؟؟؟
__ ولك يا خيا ابو يوسف ، لما بتسمع هالنتن ياهو وهو يقول : احنا منشدًد على تنفيذ قانون هدم البيوت اللي مش مرخًصة ،ومنهدها ، واليوم منشدًد الإجراءات على تطبيق قانون منع ظاهرة تعدد الزوجات وقال لهذه الوزيرة اللي اسمها اييلت شاكيد انها تعمل على تحضير الخطة لهالقانون الاعوج مثل خلقتهم ، كيف ممكن نتحمّل كل قرف هيك حكومة ورئيسها ووزيرته اللي بيقولو عليها وزيرة قضاء ولا تقرف ؟؟؟؟؟ ....
__ ولك خيا ابو العبد ، القصة وما فيها بالعربي المشبرح ، اطلب رخصة تبني ما بيعطوك ، واذا بنيت بيهدّوا بيتك ، اطلب حسب الشرع يسمحولك تتجوز اكثر من واحدة ما بيسمحولك ، واذا تجوزت بدون اذنهم بتكون خالفت القانون وبيحبسوك انت ونسوانك ، وبكره بيطلعوا قانون ممنوع العربي يخلّف اكثر من ولد وان غلط وحبلت مرته بالثاني ممكن يحبسوه ويطرْحوا هالمسكينه ، وممكن قوانينهم العنصرية توصل لدرجة منع الرجّال بالإجتماع بمرته الا باذن خاص من حكومة نتنياهو ،وحتى يتأكدوا من تنفيذ هذا القانون يضعوا على باب كل غرفة كامرة لمراقبة تحركات المرة وجوزها بالبيت وبسريرهم ،وبعد ، خيا ابو العبد قوانين هاي الحكومة العنصرية الله واعلم لوين رايحة توصل ، في براسهم قوانين عنصرية ومقلعطة كثيرة ، وممكن يفاجؤونا كل يوم بقانون جديد بسخافة عقولهم المريضة ، المهم يا خيا ابو العبد احنا رايحين نعرف بقوة ارادتنا كيف نتصرف مع هيك قوانين ونوقف هذول الناس اللي بشخبطوا هاي القوانين السخيفة سخافة عقولهم عند حدهم ، زي ما بيقولوا " الحكي عليه جمرك ؟؟؟؟" واما هاي القوانين اللي الها اول ومالها اخر بيقدروا ينقعوها ويشربوا ميتها كل يوم ثلاث جرعات بعد الاكل بتساعدهم على عسر هضم افكارهم الوسخة السخيفة والعنصرية ، اساسا يا خيا ابوالعبد هاي مستوى اخلاقياتهم وهالقد بيفهموا يعني عقولهم محدودة ومحصورة بطرق خراب بيوت العرب لدرجة ممكن توصل بالنهاية لخراب بيوتهم هم 😫😫😫
🌇جان زهر 🌇
ليست هناك تعليقات:
إرسال تعليق