كتب الشاعر/ صبري رسلان #عيون الحب #

عيون  الحب    ( 121)
...................
مسير  القلب 
من  تاني  من  تاني   ...
يرجع  شوق  سنين عمري
وينده  حلم  فات  ليلي  ونساااني
يدق  القلب  في  ميعاده 
وأتبسم   له  من  الفرحه 
ويرقص  وردي  على  خدي 
وأفضل  في  هواه  سارحه 
يا  طول  شوقي  اللي  بستناه 
وإمتى  أشوفه  وأتهنى
ما  عدا  شهور  ولساه  ما  جاه
وبعده  حرمني   من  الجنه   
بعد  الثانيه  والتانيه وصبر 
نفسي  هيجييني  ...
وليه  فاتني  وما  سألشي
وليه  كتر  دموع  عيني 
وبشكي  لحالي  من  حالي 
وبتصعب  على   نفسي 
لإمتى  هعيش  على  الأوهام
ويفضل  قلبه  بيك   خالي 
لا حس  في  يوم  ندى  شوقي
وسايب  حضني   وحداني
مسير  القلب 
من  تاني  من  تاني    ...
ينادي  حبيبي 
من  تاني  من  تاني
باعت  مرسال  مع  شوقه
كاتبه  بألمه  ودموعه 
ويحلف  عمره  ما  فاتني 
وغصبا  عنه  في  رجوعه 
يوصي  الليل  يكون  شاهد
على  جرحي  اللي كان  جواه
على  دمعه  فى  ضلام  قاسي
حرمني  يشوفني  وأبقى  معاه
لا  نور  عينه  هيلمحني 
وهفضل  ذكرى  في  خياله   ...
وقال  يبعد  عشان  أنساه 
وأعيش  وأسيبه  وفى  حاله
حبيبي  القلب 
لك  شاري  لك  شاري
هيفضل  في  هواك  على طول
ينور  لك  شموع    عمره 
وراضي   بحبه 
بيك   راضي
تشوف  بعيوني 
أحلى  وجود
بقلم  .. صبري رسلان