الجمعة، 31 يناير 2020

كتب الشاعر الأسطورة/ طارق السيد #جوه الفنطاس #

جوه
الفنطاس
قرب قرب خش إتفرج
ناس بتفلفص في الفنطاس
الشرقان ويا الغرقان
والعوام ويا الغطاس
ناس زهقانة وناس طهقانة
وناس بقليلها ياناس فرحانة
وناس بقاليلها تبقلل لينا
وإن كترنا تطرشأ  فينا
وناس بتعك وناس بتلك
وناس شايلانا وناس بتفك
وناس مشاءة وناس عداءة
وناس عرجانة وناس بتزك
وناس بتهز وخدمة غز
وناس بتوز في ودنك وز
وناس مندوهة وناس مكروهة
وناس تتعز وناس 100 طظ
وناس مؤذية وناس مأذية
وناس شمتانة في أي أذية
وعالم ذرة مايلزمناش
وأحلى تحية لأي غازية
وناس بتبص وناس بتغطي
وناس بتعري على المتغطي
وناس مسحولة وناس مذلولة
وناس بتدهوس ع إللي يوطي
وناس يسعدها نقول الآه
وتقول فانتاستيك أولالا
وناس بترمي فلوس ع الأرض
وناس محتاجة بتقول لله
وناس تستاهل تبقى الناس وناس مش ناس من أصله ياناس
وبعد الفرجة ياخلق بقول
سلامي ختامي من الفنطاس
بقلم طارق السيد
في

ليست هناك تعليقات:

إرسال تعليق

الاشتراك في: تعليقات الرسالة (Atom)

🧚لحظة🧚كلمات الشاعرة/ صفاء الخواجة

 😢لحظة😢 سأبحث عنك مابين الشقوق وفوق الصخور وبين العدم يالحظة حنان طواها الزمان  فباتت بسقم تعاني الندم *** 😢بقلمي/ صفاء الخواجة 😢