-----+++ دمعة فرحتى +++-----
شِريانى مَرْكب دَمعِتى
لما عامِت
من شِبر مَيَّه م الأنِين
يا راسْيَه بَحر العِنين
ليه تِشتِكى
عَرشِك سحابَه فى رياح الحَنين
ويَّا شَمس السِّواقِي فَرشا البُطين
لمَّه النَّدى ... من بُــردِتى
ضَىْ لامِـــم ... حُرقـِتك
كورَه رامْـــيا ... جِتِّتِك
ف شباكها حارس سِنين
إسمُه رُؤيتِى
ما تِسبقِيش دَمعِة حَكم
ما يهمِّنيش مِين انهَزم
حتى لـو كـــان الحَــــكم
وسْط الجـــِبين
لو كُنْتى دَمعِــة فَرحِتِى
أو حُزن غَمَّض ضِحْكِتى
فيا خَصْله تهمِّك شِفِّتى
خَدْ مِين ف الآخر يبْتِسِم
خَدْ مِين ف الآخِر يبْتِسِم
د.سمير خليل
ليست هناك تعليقات:
إرسال تعليق