"لغز اللحمة"
--------------
اللحمة بقت لغز يحير
أسعارها يومياتي بتتغير
أسعار فلكية ومجنونة
والناس بتبُص وتتحسر
.........
كان الغلبان ياكل كرشة
أو حبة ممبار مع فشة
دلوقت ياعيني على الغلبان
مش طايل حتة من العفشة
..........
أسعار مجنونة وراكبة صاروخ
وقلوبنا بقت مليانة شروخ
كل مانسمع سعر اللحمة
تتخبط رجلينا وبندوخ
........
عايشين في عذاب جوه الأزمة
ونسينا خلاص طعم اللحمة
ورفعنا شعار ضد الجزار
خلي في قلبك ذرة رحمة
----------------------------------
بقلمي؛ م/ محمود الحريري
ليست هناك تعليقات:
إرسال تعليق