بركان
جوايا بركان
كلام كتير
كلام كبير
مكتوم من زمان
القلب شايله
واللسان..
مش عاوز ينطقه
بس القلم
عاوز يكتبه
وبيترجانى كمان
وسطورى ملهوفه
وبتصرخ وتنادى عليه
اوله الاه كتبتها
وانفجر البركان
وهات ياصراخ
وهات يادموع
زى الحمم ماتسيل
من البركان
والكلام عاوز يرجع
للزمان للمكان
والسطور بتشده
هى كمان
ونا وياهم
نفسى ارجع
واجرى واحضنه
وقول له خدنى
وماترجعنى
انا تعبت
ولسه تعبان
عاوز ارتاح
من الايام
من ظلم الانسان
لاخيه الانسان
من الناس اللى
عامله حبايبك
وهما زى الشيطان
ينهشوا فى لحمك
وبوجعوا قلبك
يكسروا خاطرك
هما مش عارفين
انك انسان
بتحس زيهم كمان
اه ياانسان
لو ترحم اخوك
الانسان
ولا عاوز ترميه
فى البركان
اه ياانسان
بركان/ نبيل المصرى
ليست هناك تعليقات:
إرسال تعليق