😥 دنيتنا 😥
هي بس فيها ..غش
فيها غدر وفيها حقد
المعالم فيها.. ضاعت
والضمير مالهوش حس
والإيمان ضايع.. وتايه
والأمان ف طريقه سد
الفقير مش لاقي ياكل
والغني بملايينه قش
ناس تكمل جوعها نوم
غيرها كل يوم بشكل
ع الرصيف نايمة الطفولة
مالها جوه الدنيا متر
المنافق .. دبلوماسي
والصريح مكروه ف سجن
واللي يهبش قوت ولادنا
يعملوا له 100 تريند
لو نعود للمولى خيرنا
يملا كل بيوتنا ود
دي الحياة بالحب دايما
مفروشة لنا بكل فرح
😥بقلمي/ صفاء الخواجة 😥
رداً على رائعة م . محمود الحريري واللينك بأول تعليق
ليست هناك تعليقات:
إرسال تعليق