"جوه عيونك"
------------------
جوه عيونِك كل حكايتِك
توصف حالتِك زى مرايتِك
زعلِك..فرحِك..حتى مشاكلِك
حبِك..عشقِك.. كل مشاعرِك
........
جوه عيونِك شُفت شجون
شُفت غرام وحنين مكنون
شُفت حنان بيكفى العالم
يُبدُر حب في كل الكون
..........
جوه عيونِك ضوء وضَّاح
ينشر بهجة ف كل صباح
وألمح جوه عيونِك بسمة
ونظرة مريحة بتشفى جراح
.............
جوه عيونك قصة طويلة
بدإت يومها بنظرةجميلة
وعشنا الحب ودوبنا معاه
ولا حَدُوتَه.. من ألف ليلة
---------------------------------
بقلم : م/ محمود الحريرى
من ديواني "رضينا بالمقسوم"
ليست هناك تعليقات:
إرسال تعليق