⚘لما عشقتك ⚘ بقلم الشاعر/ محمد غبن

( لما عشقتك)
بقلمى الشاعر / محمد غبن
            شاعر آل غبن
            20/7/2020

لما عشقتك وفرقوا  بينا
الكل  قالى روح  وسافر  بعيد
يمكن تكون الغربه هى
سلاحك والمسكن        الوحيد
هتلاقى نفسك وقتها
بتهدى والحب بينكم       يزيد
ربما تكون سبب يساعد شوقك
يرجع والعقل يبقي         سعيد
لابس توب الفرحه مبسوط
حقق نجاح من جوف عقل  عنيد
حاول يهدم حب قلبين كل
أحلامهم يعيشوا مع بعض  أتنين
كإنهم ملايكه او روح لطيرين
بتضلل بجناحتها وبتعيش الحنين
إوعاك تزعل بس وتفكر  إن
لما سافرت قلبي فيه         آسيه
بالعكس قلبى بيحبك وأنت
دون الخلق كلك عطف     وحنيه
يبقى إزاى أنساك وانت اللى
خليت ليا كيان            و   هويه
أبقى مجنون رسمى واستحق
أتعاقب قدام محكمه        دوليه
ولا إنى أجرح قلب عمل لحياتى
معنى ووجود  وسط     البشريه
عموما من هنا ومن بين الحروف
بهديك روحي واعتبرها     هديه