"حواديت جدتي"
---------------------
أنا لسه فاكر جدتي
بتلمنا على سطح البيت
والحب باين في عينيها
تحكيلنا مجموعة حواديت
والكل سرحان بخياله
يتمنى يتغير حاله
ويلاقي نفسه بطل حواديت
فينا اللي متخيل نفسه
عنتر زمانه وشايل سيف
والخوف شعور مايقربله
ولاعمره أبدا يبقى ضعيف
والتاني يحلم بالمصباح
ويلاقي نفسه علاء الدين
يحلم يكون دايما مرتاح
والجني بيجيبله الملايين
كان فينا واحد نفسه يكون
سلطان وعنده جواري كتير
يعرف أميرة بقلب حنون
ويخلي شعبه سعيد وبخير
وأنا ياما كنت أتمنى أكون
فارس شبيه بصلاح الدين
أخبار شجاعتي بتملا الكون
وفي قلبي قوة وعزم متين
باحلم بيوم فيه نتوحد
نقف قصاد جيش الملاعين
على كلمة واحدة بنتجمع
نزحف على القدس وحطين
نرجع لأحضان الأقصى
ونحرر الغاليةفلسطين
------------------------------
بقلمي ؛
م. محمود الحريري
ليست هناك تعليقات:
إرسال تعليق