( الناس طبقات ) م/عبد الحميد سالم
بنات طالعة ع الساحل طيران
وف يومها وليلها بتصرف الألافات
أكل وشرب وسهر ف الحفلات
وبنات من قبل النهار م يبان
طالعة محشورة ف ميكروباص
بتشقى ف عز الحر عشان جنيهات
راضيين بالفقر حتى الفقر م سايبهم
كان نصيبهم غدر وموت بتيريللات
وم بين اللي مولودين بمعالق دهب
واللي الفقر واخد من جتتهم راقات
بتلقاهم كلهم ولاد وطن واحد
لكنه فضل طبقة على باقي
الطبقات
ليست هناك تعليقات:
إرسال تعليق