🌾 دنيتنا 🌾سجال دويتو بقلم الشاعر مهندس/ محمود الحريري والشاعرة/ صفاء الخواجة

 سجال دويتو بعنوان

😥 دنيتنا 😥

بين الشاعرين

أ. صفاء الخواجة 

م. محمود الحريري 

------------------------

م. محمود

إتملت دنيتنا غش

فيها ناس بألف وش

الأمان ضاع من زمان

والسمك بيطارده قرش

أ. صفاء

هي بس فيها ..غش

فيها غدر وقاللي كش 

المعالم فيها.. ضاعت

والضمير باعوه بقرش

م. محمود 

النفوس صبحت خرابة

والضمير زي الكاوتش

الضعيف مهموم بحاله

والقوي عمال يِحِش

أ. صفاء 

والأمان ضايع.. وتايه

له ديوك منفوشة نفش 

الفقير مش لاقي ياكل

والغني عمال يقش 

م. محمود 

ناس جعانة وماشية حافية

وناس كتير بتربي كرش

ناس بتتعشى استاكوزا

وناس غداها عيش ومش

أ. صفاء

ناس تكمل جوعها نوم

غيرها كل يوم يحش 

ع الرصيف نايمة الطفولة

يحدفوها بطوب ودبش 

م. محمود 

ناس تعيش جوه القصور

وناس بيوتها خوص وقش

الغني بيكنز في ماله

والفقير عمال ينش

النفاق بقى شئ طبيعي

والحقيقة مكانها نعش

واللي يسرق عينه بجحة

مايرتعش له أي رمش

أ. صفاء 

المنافق .. دبلوماسي

والصريح سجنوه ف حرش 

واللي يهبش قوت ولادنا

بالهنا عاملين له عش 

م. محمود 

لو قلوبنا تبقى صافية

لو نبطل يوم نغش

كنا عشنا بخير ورحمة

والحُب يدخل كل عش

أ. صفاء 

لو نعود للمولى . خيرنا

يبقى جوه بيوتنا فرش

دي الحياة بالحب دايما

كل حزن تقوله هش

--------------------------------

بقلم؛ 

🌻أ. صفاء الخواجة 

🌻م. محمود الحريري

🌾 دنيتنا 🌾بعد التعديل بقلم الشاعرة/ صفاء الخواجة

 😥 دنيتنا 😥

هي بس فيها ..غش

فيها غدر وقاللي كش 

المعالم فيها.. ضاعت

والضمير باعوه بقرش 

والأمان ضايع.. وتايه

له ديوك منفوشة نفش

الفقير مش لاقي ياكل

والغني عمال يقش

ناس تكمل جوعها نوم

غيرها كل يوم يحش 

ع الرصيف نايمة الطفولة

يحدفوها بطوب ودبش 

المنافق .. دبلوماسي

والصريح سجنوه ف حرش 

واللي يهبش قوت ولادنا

بالهنا عاملين له فرش

لو نعود للمولى خيرنا

يبقى جوه بيوتنا عش

دي الحياة بالحب دايما

كل حزن تقوله هش

😥بقلمي/ صفاء الخواجة 😥

رداً على رائعة م . محمود الحريري واللينك بأول تعليق..

ونصب هذا بعد التعديل

🌾دنيتنا🌾بقلمي/ صفاء الخواجة

 😥 دنيتنا 😥

هي بس فيها ..غش

فيها غدر وفيها حقد

المعالم فيها.. ضاعت

والضمير مالهوش حس

والإيمان ضايع.. وتايه

والأمان ف طريقه سد

الفقير مش لاقي ياكل

والغني بملايينه قش

ناس تكمل جوعها نوم

غيرها كل يوم بشكل

ع الرصيف نايمة الطفولة

مالها جوه الدنيا متر

المنافق .. دبلوماسي

والصريح مكروه ف سجن

واللي يهبش قوت ولادنا

يعملوا له 100 تريند 

لو نعود للمولى خيرنا

يملا كل بيوتنا ود

دي الحياة بالحب دايما

مفروشة لنا بكل فرح

😥بقلمي/ صفاء الخواجة 😥

رداً على رائعة م . محمود الحريري واللينك بأول تعليق

🌹دنيا الغش 🌹كلمات الشاعر مهندس/ محمود الحريري

 "دنيا الغش" 

----------------

إتملت دنيتنا غش

فيها ناس بألف وش

الأمان ضاع من زمان

والسمك بيطارده قرش

النفوس صبحت خرابة

والضمير زي الكاوتش

الضعيف مهموم بحاله

والقوي عمال يِحِش

ناس جعانة وماشية حافية

وناس كتير بتربي كرش

ناس بتتعشى استاكوزا

وناس غداها عيش ومش

ناس تعيش جوه القصور

وناس بيوتها خوص وقش

النفاق بقى شئ طبيعي

والحقيقة مكانها نعش

الغني بيكنز في ماله

والفقير عمال ينش

واللي يسرق عينه بجحة

مايرتعش له أي رمش

لو قلوبنا تبقى صافية

لو نبطل يوم نغش

كنا عشنا بخير ورحمة

وحُب يدخل كل عش

--------------------------------

بقلمي؛ م/ محمود الحريري

🌾نجوى ضالتي🌾كلمات الشاعر الكبير د. سمير خليل

 -------+++ نجوى ضالتى +++--------

بَحَثْـتُ فى أيْنَما وعَمَّـا ضَـالَّتِى

وهِىَ صورَةٌ تؤرجحُ نفسى بروازهـا

من ريح نجــوى الهــوى والتى

بها أتقى شمس الحب عند هجيرها

د. سمير خليل

🌹دعوة صلاتي 🌹بقلم الشاعرة/ صفاء الخواجة

 ♥️دعوة صلاتي♥️

لروحي.. وحبيبي 

هقول كلمتين

ده أنت..لقلبي 

ونبضه تزين

***

وكلي.. عشانك

بقلب السنين

أحبك.. وعنك

أزيح الأنين

***

وأفرح.. لفرحك

حبيبي.. وألين

نجاحك بيسعد

عيون الوتين

***

وكلمة ..هقولها

مافيها أهين

هتفضل صغيري

وفلذي الثمين

***

يابني وصديقي

وعمري الفطين

ودعوة صلاتي

بحفظك أمين

***

♥️بقلمي/ صفاء الخواجة ♥️

🪶الغالي🪶بقلم الشاعرة / صفاء الخواجة

 😥الغالي😥

أبويا اللي فاتني

وغاب من  سنين

ماكنش .. بخاطره

يسيب لي الحنين

***

ببالي.. وفكري

وقلبي . الحزين

وعمري ما انسى

وداعه . بأنين

***

وشعري إللي شاب

وضهري إللي مال

وسندي إللي كان لي

كشيء من محال

***

حنانك . ياغالي

مدفي القلوب

وصوتك وصورتك

ماليهم .. غروب

***

وَاحشني. ودايما

مبادئك . معايا

وغرسك وحبك

يا ابويا.. هنايا

***

ودعوة . صباحي

وأخر . مسائي

أأقابلك فى جنة

تكون لي عزائي

***

😪بقلمي/ صفاء الخواجة 😪

##

بعد التعديل##

🪶الغالي🪶كلمات الشاعرة/ صفاء الخواجة

 😥الغالي😥

أبويا اللي فاتني

وغاب من  سنين

ببالي.. وفكري

وقلبي . الحزين

***

وشعري إللي شاب

وضهري إللي مال

وسندي إللي كان لي

كشيء من محال

***

حنانك . ياغالي

مدفي القلوب

وصوتك وصورتك

ماليهم .. غروب

***

وَاحشني. ودايما

مبادئك . معايا

وغرسك وحبك

يا ابويا.. هنايا

***

ودعوة . صباحي

وأخر . مسائي

أأقابلك فى جنة

تكون لي عزائي

***

😪بقلمي/ صفاء الخواجة 😪

🌹قلب أبيض 🌹بقلم الشاعرة / صفاء الخواجة

 😥 قلب أبيض 😥

ياقلبي.. نقاءك

جايب لي الكلام

لامتى .. تعشش 

وتسمع..ملام

لكل إللي كاره

ويرمي..السهام

وأبعد..تقرب

لجرح. وآلام

يقولوا.. يعيدوا

و حزنك..  دوام

ياقلبي ..كفاية

حنانك ده خام

وناسك ضميرها

إللي باعك ونام

😥بقلمي/ صفاء الخواجة 😥

🪶العامية🪶بقلم الشاعرة / صفاء الخواجة

 🪗العامية🪗

كون مباشر ف الحروف

ليه تلف.. وليه تدور

فصحى كانت أو بعامي

خلي حرفك له.. حضور

***

مش بنكتب لأجل يبقى

بكتابتنا فيه غرور

أو نقول ألغاز و فزر

ياللي تقرا لنا السطور

***

وأنت ياللي تعيب قلمنا

ناسي بيرم ليه وجاهين؟

لما تبقى . الكلمة راقية

أبقى شجع . للرنين.!

***

حتى لو خاطرة وفكرة

أوعى برضه ف يوم تهين

ده المخاض للحرف مؤلم

ليه ترخص ف الجنين

***

🪗بقلمي/ صفاء الخواجة 🪗

♥️ياساكن القلب♥️كلمات الشاعر مهندس/ محمود الحريري

 "يَاسَاكِنَ الْقَلْبِ" 

--------------------

يَاسَاكِنَ الْقَلْبِ كَمْ أَهْوَاكَ لَوْ تَدْرِي

يَامَنْ سَكَبْتَ غَرَامَاً فِي دَمِي يَسْرِي

رِفْقَاً بِقَلْبِي وَلَاتَلْعَبْ بِهِ يَوْمَاً

مَالِي سِوَاكَ وَأَنْتَ النُّورُ لِلْبَصَرِ

يَابَاسِمَ الثَّغْرِ يَا مَنْ كُنْتَ لِي أَمَلَاً

إِرْحَمْ فُؤَادِي وَكُنْ كَالْغَيثِ كَالنَّهْرِ

كُنْ كَالضِّيَاءِ وَبَدِّدْ ظُلْمَةَ الْلَيْلِ

وَارْسِلْ لِقَلٰبِي شُعَاعَ الحُبِّ فِي الْفَجْرِ

وَازْرَعْ زُهُورَاً فِي أَرْجَاءِ مَمْلَكَتِي

وَانْشُرْ عَبِيرَ الْهَوَىٰ فِي الْقَلْبِ وَالصَّدْرِ

قَلْبِي يُنادِي عَلَىٰ قَلْبٍ يُنَاجِيهِ

فَاسْمَعْ نِدَاءَ الْهَوَىٰ يَا أَجْمَلَ الْبَشَرِ

لَاتَبْتَعِدْ عَنْ قَلْبِي.. أَوْ تُفَارِقْهُ

وَكُنْ رَفِيقَاً لَهُ فِي رِحْلَةِ الْعُمْرِ

إِنِّي بِشَوْقٍ لِمَنْ أَسْكَنْتُهُ قَلْبِي

زَادَ اشْتِيَاقِي مَتَىٰ تَرْسُو عَلَىٰ بَرِّي

إِرْجَعْ إِلَيَّ فَإِنَّ الشَّوْقَ يَقْتُلُنِي

وَالْقَلْبُ يَشْكُو مِنَ الْحِرْمَانِ وَالْهَجْرِ

إِنِّي نَقَشْتُ عَلَىٰ جُدْرَانِ أَوْرِدَتِي

أَنِّي أُحُبُّكَ يَاعُمْرِي وَيَاقَدَرِي

----------------------------------------

بقلمي؛ م/ محمود الحريري 

على بحر البسيط التام

🌾المتادي🌾كلمات الشاعر الكبير د. سمير خليل

 ---- +++ المنادى +++----

سمعت ٱهــات أهل الغرام

جريت على بيت المداوى

العارف بالعلَّه ودواه هيام

لمن كح من غرامه بـلاوى

سمَّاعْتُه عارفه  ٱه  الألام  

وياما  ألِّـف فـيها  غناوى

ياللى بلاك الغـــرام بالسَّهر

تناجى فيه  أعز  الأحـباب

نافخ فى قِربَة م   الحَجر

بسُـهد قَــلِّب عليك العتاب

فكرك ترجَّع للكفيف البَصر

ولا تفتح لصوت الهوا باب

مهما صوتك حيَّانى وبيَّاتى

على باب فاضى م الجايين

ولا صوتك بيلضُم سُكوتى

فى إبره خيطها لها خُرمين

تخيَّط (لقيس وليلى)غناوى

طاقِيه واحده تلبِّس راسين

د. سمير خليل

🔥وآه ياعشقي🔥كلمات الشاعرة/ صفاء الخواجة

 ☕وآه ياعشقي☕

محرومة منك والضغط عالي

وأنا بحُبك دايما أشاور

ولامتى نفضل بعاد وشوقنا

مالهوش أول ولا لهوش آخر

☕بقلمي/ صفاء الخواجة ☕

👏أوراق لهفتي👏كلمات الشاعر الكبير د. سمير خليل

 ----+++ أوراق لهفتى +++----

حــاولَتْ لهْفَـتِى تُرَتِّبُ أوراقها

فى سِـجِـلِّ  أشواق  سَـجِيَّتِى

فانطبق الغـلاف فوق  أصابعها

فتراجعت رؤيتها ... لبديِهَتِى

د. سمير خليل

♥️من يضاهي حبيبتي♥️كلمات الشاعر مهندس/ محمود الحريري

 "من يضاهي حبيبتي" 

-----------------------------

نَظَرْتُ للْأَزْهَارِ فِي بُسْتَانِهَا

عَلَىٰ الغُصُونِ تَعَدَّدَتْ ألْوَانَا

تَمَايَلَتْ تَحْتَ النَّدَىٰ أَوْرَاقُهَا

تَسَاءَلَتْ.. مَنْ مِثْلُنَا زَيَانَا 

هَلْ بِالْوُجُودِ مَنْ لَهَا إشْرَاقُنَا

وَمَنْ يُضَاهِينَا فِي فَحْوَانَا

إنَّ الْجَمَالَ كُلَّهُ فِي رَوْضِنَا

وَتَنْتَشِي الْقُلُوبُ مِنْ نَجْوَانَا

وَتَهْدَأُ النُّفُوسُ فِي أَجْوَائِنَا

فَمَنْ مَشَىٰ بالروضِ لَا يَنْسَانَا

أَجَبْتُهَا بِكُلِّ فخرٍِ قَائِلَاً

حَبِيبَتِي.. جَمَالُهَا فَتَّانَا

غَطَّتْ عَلَى الزُّهُورِ فِي إِشْرَاقِهَا

وَعِطْرُهَا.. أَدْمَنْتُهُ إدْمَانَا

وَلَيْسَ فِي الْوجُودِ مَنْ فِي حُسْنِهَا

وَالْكُلُّ.. يَسترضيهَا وَلْهَانَا  

لَٰكِنَّهَا.. لَمْ تُخْفِ عَنِّي حُبَّهَا

وَأَصْبَحَ الْقَلْبُ.. بِهَا نَشْوَانَا

قَدْ ذُبْتُ عِشْقَاً عِنْدَمَا أَحْبَبْتُهَا

وَقِصَّتِي.. عَزَفْتُهَا ألْحَانَا

جَعَلْتُ مِنْ أَوْرِدَتِي.. بَيْتَاً لها

وَقَلْبُهَا..قَدْ صَارَ لِي عُنْوَانَا

----------------------------------

بقلمي؛؛ م/ محمود الحريري

على بحر الرجز

من ديواني "أمواج الشوق"

🌹زرع الأماني 🌹كلمات الشاعر الكبير د. سمير خليل

 ---+++ زرع الأمانى +++--

زَرْعِ  الآمَانى  طَرَحْ 

 للى   بَدَر   أراضِيه

يُوم الحَصاد  صَبَحْ

فَرَحْ ...  لِلى جَانِـيه 

د. سمير خليل

🔥سنة خاطرة🔥كلمات الشاعر الكبير د. سمير خليل

 ----+++ سِنَةُ خاطِره +++-----

سَبَـحْتُ فى سِنَةِ لُجَّــةِ خاطِرَه

فكَشَفَــتْ عَن  سَــاقيْها غِـيَّـتِى 

أبْــهَرتْنِى  نظــراتُها  الحــائِــرَه

فَتلَّقَّفَـتها فى المــٱقِى  مـَعِيَّتِى

د. سمير خليل

♥️أوصاني قلبي ♥️كلمات الشاعر مهندس/ محمود الحريري

 "أوصاني قلبي" 

-------------------

أَنَا أَهْوَاكِ يَاعُمْرِي

وَحُبُّكِ يَغْزُو وجْدَانِي

لَهِيبُ الشَوقِ يَلْفَحُنِي

يُزَلزلُ كَلَّ أَرْكَانِي

غَرَامُكِ فِي دَمِي يَسْرِي

بِأوْرِدَتِى وَشُرْيَانِى

غَرَامٌ أَنْعَشَ الْقَلْب

وَحُبٌ جَاءَ أَحْيَانِي

أُحِبُّكِ يَامُنَىٰ قَلْبِي

وَنُورُ هَوَاكِ يَغْشَانِي

أُحِبُّكِ وَرْدَةً فَاحَتْ

بِعِطْرٍ جَابَ بُسْتَانِي

كَأَحْلَىٰ زَوْرَقٍ يَرْسُو

عَلَىٰ بَرِّي وَشُطْآنِي

وَيَحْمِلُ قَلْبِى أَشْوَاقاً

وَحُبَّاً زَادَ إيمَانِي

أَحِنُّ إلَيكِ يَاحُلْمَاً

بِكُلِّ الٰحُبِّ نَادَانِى

تَعَالَي وَامْسَحِي دَمْعِي

فَإنَّ الْبُعْدَ أَعْيَانِي

ظَلَامُ الْلَيلِ قَدْ طَالَ

وَإِنَّ النَّوْمَ جَافَانِي

وُجُودُكِ سَوْفَ يُفْرِحُنِي

وَسَوفَ تَزُولُ أَحْزَانِي

فَعُودِي وَاسْعِدِي قَلْبِي

فَإِنَّ الْقَلْبَ أَوْصَانِي

بِأَنْ أَرْعَاكِ يَاعُمْرِي

وَأَنْ أَرْوِيكِ بِحَنَانِي

------------------------

بقلمي ؛

م/محمود الحريري 

على بحر مجزوء الوافر

من ديواني 

"أمواج الشوق"

♥️عناق القلوب♥️كلمات الشاعر مهندس/ محمود الحريري

 "عناق القلوب" 

--------------------

عُيُونُكِ سِحْرُهَا قَدْ نَالَ مِنِّي

وَحُسْنُكِ مَا رَأَيْتُ لَهُ مَثِيلَا

فَيَخْتَرِقُ الْهَوَىٰ طَيَّاتِ قَلْبِي

كَسَهْمٍ طَائِشٍ يُرْدِيْ قَتِيلَا

وَكَانَ الْحُبُّ قَبْلَاً حِينَ يَأْتِي

أَرَاهُ يَظَلُ فِي قَلْبِي قَلِيلَا

فَأَعْرِفُ أَنَّهُ مَاكَانَ حُبَّاً

وَأَعْلَمُ أَنَّ قَلْبِي لَنْ يَمِيلَا

وَلَمْ يَمْكُثْ بِقَلْبِي أَىُّ حُبٍّ

لِأَنَّ الْقَلْبَ يَسْأَلُهُ الرَّحِيلَا

وَلٰكِنِّي رَأَيْتُكِ فِي مَنَامِي

وَقَلْبِى فِي هَوَاكِ غَدَا عَلِيلَا 

فَأَبْحَثُ عَنْكِ فِي كُلِّ الدُّرُوبِ

لَعَلَّ الْلَّٰهَ يَهْدِينِي السَّبِيلَا

فَلَيْسَ سِوَاكِ مَنْ يَهْوَاهُ قَلْبِي

وَمَا لِهَوَاكِ فِي الدُّنْيَا بَدِيلَا

يَذُوبُ الْقَلْبُ شَوَقَاً لِلِّقَاءِ

وَيَحْمِلُ دَائِمَاً حُبَّاً جَزِيلَا

وَكَانَ لِقَاؤنَا عِيدَاً وَعُرْسَاً

سَأَلْتُ الْلَّٰهَ أَنْ يَبْقَىٰ طَوِيلَا

تَعَانَقَتْ الْقُلُوبُ بِكُلِّ حُبٍّ

وَكَانَ عِنَاقُهَا حَقَّاً جَمِيلَا

وَصِرْنَا فِي نَعِيمِ الْحُبِّ نَحْيَا

وَبُعْدِي عَنْكِ أَصْبَحَ مُسْتَحِيلَا

------------------------------------

بقلمي؛؛ م/ محمود الحريري 

على بحر الوافر

من ديواني " أمواج الشوق"

🌹الخوف من الحب🌹كلمات الشاعر مهندس/ محمود الحريري

 "الخوف من الحب" 

------------------------

بقالى سنين باخاف م الحب

لَ يرمينى ف طريقه الصعب

يغَرَّقنى فى بحر الشوق

ويجرحنى ف صميم القلب

ولو صدفة حكيت مع بنت

أخاف لَ القلب فيه يندَّب

ولو مرة بخيالى سرحت

تدور جوايا أكبر حرب

وكنت باقول على العشاق

حياتهم صعبة كلها غُلب

وكنت بافكر إنى تمام

وإن الحب أكبر ذنب

وفجأة صحيت من الأوهام

لقيت أفكارى كلها كذب

لأنى قابلت أحلى ملاك

وقلبى خلاص عمَلها وحَب

-------------------------------

بقلم : م/ محمود الحريرى

من ديواني "رضينا بالمقسوم"

🔥مرسال الجفا🔥كلمات الشاعر الكبير د. سمير خليل

 -----------------------------+++  مِرسال الجفا  +++--------------------------

يا طِير  حـــِمَى  شِعرِى أنا  زجَّال ... باعِت   غَـــناوِى  غِيِّتِى  مِرسال

تَحت  الجِناح   رابِــط   مَواوِيلى ... والهَجْر  نِسرِك  فى الهَوا جَــوَّال

دافِن  على   عْــنِيه    جــواسِيسُه ... ونا  حُبِّى  على عْنَيَّا  مِش خَوَّان

نايم   على   رَدِّى   هــَوَى   إنسان ... لحْن قابيل لهابيل حِكمِتُه مَوَّال

خَطْـوِة  عُيون  بَسْمِة  رِضا أمْيال ... سارْقَه رُموش نَـظْرا مِن  الدُّبال

تــــــِمْـلا  بِــلا رابِـــط  ولا   وَزَّان ... غَـــالِـى التَّـــمَن خــِفَّا بلا  كيَّال

حارِس  على  حُْدود  الجَـفا  لـكِن ... عُمْر الجــَفا ما تْـــحَدِّدوا أجْفان

د القَــلب  حارِس  مُهْجتُه  هَجَّان ... سَـــجَّان  ألاعِيب  الأمَل  بالفال

غاوْيَا سُحور هَجْرِك على صُومِى ... واطْرَح لنَخلِــة مَــغْرِبِك عُــومِى

وانتى  أدَانِك   مِن  صَدَى   ناسِى ... صُوت زَمَن راسِى على هْمومِى

تُصُوم   وتِفطر  بَصَل  مَثل شايِع ... وحَـبيبَك العَسل ما تِلحَسو  كلُّه

مَـهما   تُجوع    إبْقِى على   حُبُّه  ... واعْمِـل مَلِك ما يْبَصَّرَك  كُـومِى

د. سمير خليل

🌹جائزتي الكبرى🌹كلمات الشاعر مهندس/ محمود الحريري

 "جائزتي الكبرى"..

---------------------

إشتقت إليك وناديتُ

فتعالي حققي آمالي

وضعي بصماتكِ فى قلبي

مع دفءٍ يسري بأوصالِي

قولي كلماتٍ كالشعر

وتغَنِّي بأحْلَىٰ الأقوالِ

إعطيني حباً وحناناً

يغمرني مثل الشلالِ

إهمالك صار يعذبني. 

ماأقسى عذاب الإهمالِ

فالقلب بِحُبِّكِ يلتهبُ

كنيرانٍ بعَد الإشعالِ

من أجلك سابيعُ الدنيا

سأصارعُ كلَّ الأهوالِ

لأفوزَ بقلبك سيدتي

ويبدلُ حبُّكِ أحوالي

فالحبُ ضياءٌ يتجلَّىٰ

يملؤنا بخيرٍ وجمالِ

حبُّكِ جائزتي الكبرى

أغْلَىٰ من كل الأموالِ

---------------------------

بقلمي : 

م/ محمود الحريرى 

من ديواني 

"أمواج الشوق"

🔥 الأزمة كبيرة🔥 كلمات الشاعر مهندس/ محمود الحريري

 "الأزمة كبيرة" 

------------------

الأزمة كبيرة ومالها حدود

معقولة البركة ف يوم هتعود

مش طايلين قرصين طعمية

ولا حتى المش المليان دود

...... 

يرحم أيام البركة زمان

والخير حوالينا ف كل مكان

بيقولوا جنيهنا بيتعوم 

اتاريه ياحبيبي صبح غرقان 

....... 

الحد الأدنى مع العلاوات

والدنيا بقت كلها أزمات

حتى السكر ومعاه الزيت

أسعارهم وصلت للسماوات

........ 

تمن البيضة بقى خمسة جنيه

حد يعَرَّفني الأسباب إيه

واللي اسمها إيه عند الجزار

السعر رهيب مقدرش عليه

........ 

إرحمنا يارب الكون يامُعين

إمتى قلوب التجار هتلين

أسعار بتزيد من غير رحمة

خلت فيه ناس بيناموا جعانين

------------------------------------

بقلمي؛ م/ محمود الحريري

🔥راضيين🔥بقلم الشاعرة/ صفاء الخواجة

 🤲راضيين🤲

راضيين يارب الكون

بكل شيء مقسوم

عايزين ننول .العون

وطريق يكون معصوم

من الزلل.. وتصون

ولا أكون ف يوم مهموم

🤲بقلمي/ صفاء الخواجة 🤲

🍮 إدمان 🍮بقلم الشاعرة/ صفاء الخواجة

 ☕إدمان☕

عاشقاكِ يا سمرة

يا أم العيون حلوين

إدماني ما له.. دوا

والكل له .عارفين

☕بقلمي/ صفاء الخواجة ☕

🔥عين المها🔥كلمات الشاعر الكبير د. سمير خليل

 ----------------------------+++ عِـــين المَـــها +++--------------------------

يامُّ العُيون رِمْشِك هَوى  قَـــتَّال ... ونَــــا   على   عِين  المَـها   نَـبَّال

سَهمِى  بيْعَدِّى  للرِّضَــا   شَــطِّك ... عايِم  على  نَظْــره  من الــدُّبَّال

فارْدا شِــراع  ودِّى على النِّيـنِّى ... قَـــاصِد  ضِيَا  بَســْمَه  على بَرِّك

ونَــا  مَــرَاكْـبِى  بَـشْــتِهِـى  بَحـْرِك ... شايِل لموجِك شَبْكِتى خُلخال

عدِّيت الرَّجا عايِم على عُومِك ... غـــاوِى بْحــُـور الهَــجْر أو لُومـِك

ونا    بَمِـد    الإيد  على  شـِطِّك ... دايْـــبَــا    تِــبَــلِّــل  بـــــَلِّتِى   كونِك

تاهِــت يِمِـين مَدِّى على جــَزْرِك ... لمَّـــا سَحــَبْـتِ الَّلمْس مِن لمْسِى

ونَـــا   حــَعــَوِّم   بالقَسَــا   حِسِّى ... ولا  أعَــوِّم  حُبِّى على  وْعُودِك

نَظْــرِةْ عُــيونِـك للــرِّضَـــا مِرسال ... مـُهْـرا   تْطالِب   للهَــوَى   خَيَّال

كابِــحْ جِمَـــاح نَظْـــرة مَراسِـيلِك ... رامِى   شـِباك  عِـزِّ  الصِّبا  نبَّال

ونَـــا سِـــهَام عِـــينِـى على خَـــدِّك ... صايْدا يمِين  وشْمال أسارِيرُه

شَـــايِف سُحُـورِى من عَنَــاوينُه ... صَـايِم  لمَغْـرِب فَرْحِتِك عُقْبال

د. سمير خليل

♥️جوه عيونك♥️كلمات الشاعر مهندس/ محمود الحريري

 "جوه عيونك"  

------------------

جوه عيونِك كل حكايتِك

توصف حالتِك زى مرايتِك

زعلِك..فرحِك..حتى مشاكلِك

حبِك..عشقِك.. كل مشاعرِك

........ 

جوه عيونِك شُفت شجون

شُفت غرام وحنين مكنون

شُفت حنان بيكفى العالم

يُبدُر حب في كل الكون

.......... 

جوه عيونِك ضوء وضَّاح

ينشر بهجة ف كل صباح

وألمح جوه عيونِك بسمة 

ونظرة مريحة بتشفى جراح

............. 

جوه عيونك قصة طويلة

بدإت يومها بنظرةجميلة

وعشنا الحب ودوبنا معاه

ولا حَدُوتَه.. من ألف ليلة 

---------------------------------

بقلم : م/ محمود الحريرى 

من ديواني "رضينا بالمقسوم"

🍁منذ الرحيل🍁كلمات الشاعر مهندس/ محمود الحريري

 "مُنْذُ الرَّحِيلِ" 

----------------

إِنِّي وَجَدْتُ الْعَيْشَ بَعْدَكَ مُؤْلِمَا

وَهَوَاكَ يَسْكُنُ فِي الضُّلُوعِ وَفِي الدَّمِ

مُنْذُ الرَّحِيلِ تَحَطَّمَتْ كُلُّ الْمُنَىٰ

وَالْحُلْوُ أَصْبَحَ طَعْمُهُ كَالْعَلْقَمِ

تَبْكِي الْعُيُونُ صَبَابَةً وَبِلَوْعَةٍ

وَمَرَارَةٌ بِالْحَلْقِ تَقْبَعُ فِي الفَمِ

بِالْأَمْسِ كَانَ النُّورُ يَغْمُرُ حُبَّنَا

وَالْيَوْمَ صَارَ الْقَلْبُ كَالْمُتَفَحِّمِ

وَتَأَجَّجَتْ نَارُ الْفِرَاقِ بِأَضْلُعِي

وَتَحَوَّلَ الْقَلْبُ السَّعِيدُ لِمَأْتَمِ

الْكَوْنُ أَمْسَىٰ مُظْلِمَاً مُتَجَهِّمَا

وَالْقَلْبُ أَصْبَحَ كَالْهَشِيمِ مُحَطَّمِ

مُنْذُ الرَّحِيلِ غَدَاٰ الْفُؤَادُ مُعَذَّبَا

لَايَتَّقِي طَعْنَ الرِّمَاحِ وَأَسْهُمِ

يَارَبَّنَا أَرْجُو رِضَاكَ وَرَحْمَةً

تَغْشَىٰ حَبِيبَاً كَانَ مِثْلَ الْبَلْسَمِ

وَاكْتُبْ لَنَا أَنْ تَلتَقِي أَرْوَاحُنَا

فِي ذَٰلِكَ الْيَوْمِ المَهِيبِ الْأَعْظَمِ

------------------------------------

بقلمي؛ م/ محمود الحريري 

على بحر الكامل

من ديواني "أمواج الشوق"

♥️باب الهوى ♥️كلمات الشاعر الكبير د. سمير خليل

 ---------+++ باب الهوى +++---------

باب  الحبيب ... فى الهوى ٱخر دور

طلعت له حافى ... سلمـه  المكسور

لقيت بابه متسكَّر  ... بترباس الجفا

نزلت وعرض القفا ... للعِيش تَـنُّور

د. سمير خليل

♥️ارتاح ياقلبي♥️كلمات الشاعر مهندس/ محمود الحريري

 (٣٤)"إرتاح ياقلبي"

------------------------

أنا كل مااقول نسيته

قلبي يفكرني بيه

واقول لقلبي يسكت

يقول وحشاني عنيه

والله حرام ياقلبي

تفضل متعلق بيه

وكل شوية تبكي

وتقول طمني عليه

قوللى بصراحة ياقلبي

عاوزني أحكيلك إيه

أحكيلك عن عذابي 

واللى بحاول اخبيه

والا أقول لك خدعني

ودبحني كمان بإديه

وف لحظة رماني وباعني

ولا حتى صعبت عليه

عرفت انا ليه ياقلبي

مش عاوز افكر فيه

أو اقابله في أى مكان

أو عيني تيجي في عنيه

وباحاول اداوي جراحي

والدمع كمان اداريه

ارتاح بقى يلا ياقلبي 

وبلاش تسألني عليه

--------------------------

بقلمي؛

م/ محمود الحريرى 

من ديواني 

"رضينا بالمقسوم"

🍁ويا الغيام🍁كلمات الشاعرة/ صفاء الخواجة

 🌞ويا الغيام 🌞

تايهين فى دنيا القلوب

والناس مترحمشي

طفينا كل الشموع

والعين مبتنمشي

لامتى نعيش الحياة

حرمان ميرحلشي

****

هي عيشة والسلام

مهما نوصل من علام

جوه متر قياس لعرض

بيتنا فيه حتى القيام

يبقى ليه نتعب نفوسنا

ليه نعيش ويا الغيام

****

ليه لضوء الشمس نطفي

والضلام يبقى الدوام ؟؟

يلا عيشوا الدنيا بسمة

فيها يحلى لنا المقام

والزمان يبقى لنا أجمل

صدقوني ده مش كلام

****

🌞بقلمي/ صفاء الخواجة 🌞

🍁ويا الغيام🍁بقلم الشاعرة/ صفاء الخواجة

 🌞ويا الغيام 🌞

تايهين فى دنيا القلوب

والناس مترحمشي

طفينا كل الشموع

والعين مبتنمشي

لامتى نعيش الحياة

حرمان ميرحلشي

****

هي عيشة والسلام

مهما نوصل من علام

جوه متر قياس لعرض

بيتنا فيه حتى القيام

يبقى ليه نتعب نفوسنا

ليه نعيش ويا الغيام

ليه لضوء الشمس نطفي

والضلام يبقى الدوام ؟؟

يلا عيشوا الدنيا بسمة

فيها يحلى لنا المقام

🌞بقلمي/ صفاء الخواجة 🌞

🍁محبوس في القفص🍁كلمات الشاعر مهندس/ محمود الحريري

 -"محبوس في القفص"

من وحي الصورة 

-------------------------

محبوس مكانك في القفص

محروم من الطيران

فى الحبس حاسس بالألم

وباعاني م الحرمان

حسيت ياطير بعذابك  

وأنتَ ورا القضبان

إفرد بسرعة جناحك 

وروح أَبْعَد مكان

إنفد بجلدك وسافر

وابعد عن السجان

محبوس مكانك في القفص

محروم من الطيران

ومهما طال الزمن

ماتهدني الجدران

هامسح دموع عنيا

وادوس على الأحزان

واصرخ بعزم ما فِيَّا

وأقول أنا إنسان

من حقي أعيش ف الدنيا

ويكون لي فيها مكان

----------------------------

بقلمي؛ 

م/ محمود الحريري

ملحوظة.. الصورة من صفحة الصديق العزيز ابراهيم السيسي