"أجمل تحية يابورسعيد"
-------------------------------
أجمل تحية يابورسعيد
بنهديهالك يوم العيد
عيدك يابلدي يام الشهيد
ياغالية علينا يابورسعيد
أجمل تحية يابورسعيد
أجمل تحية للجدعان
البورسعيدية الشجعان
صيتهم واصل كل مكان
فى قلوبهم قوة وإيمان
أجمل تحية يابورسعيد
دول أبطال ستة وخمسين
جوه قلوبهم عزم متين
صمدوا قصاد الغاصبين
هزموا جيوش المعتدين
أجمل تحية يابورسعيد
بنهديهالك يوم العيد
عيدك يابلدي يام الشهيد
ياغالية علينا يابورسعيد
-------------------------------
بقلمي؛ م/محمود الحريري
"قَلْبِي يَحِنُ"
---------------
قَلْبِي يَحِنُّ..
لِرُؤْيَةِ البَيْتِ الْحَرَامْ
فَلَقَدْ حَلَمْتُ بِأَنَّنِي..
أَمْشِي سَعِيدَاً..
بَيْنَ أَسْرَابِ الْحَمَامْ
إِنِّي نَوَيْتُ زِيَارَةً
وَدَعَوتُ رَبِّي..
كَي يُحَقِّقَ رَغْبَتِي
فَهَوَ الْعَلِيمُ بِحَالَتِي
وَبِأَنَّنِي..
مِنْ فَرْطِ شَوْقِي
لَا أَنَامْ..
الٰقَلْبُ يَدْعُو رَاجِيَاً
لِيَطُوفَ حَوْلَ الكَّعْبَةِ
لِيَكُونَ أَيْضَاً سَاعِيَاً
بَيْنَ الصَّفَا وَالْمَرْوَةِ
نَدْعُوكَ يَارَبَّ الْوَرَىٰ
يَامَنْ تُجِيبُ دُعَاءَنَا
يَِسِّرْ لَنَا أَحْوَالَنَا
وَافْتَحْ لَنَا...
أَبْوَابَ عَفْوِكَ رَبَّنَا
الْقَلْبُ يَحْتَرِقُ اشْتِيَاقَاً
لِلْحَبِيبِ مُحَمَّدٍ
خَيْرِ الْأَنَامْ
فَارْأَفْ بِهِ يَارَبَّنَا
حَقِّقْ لَهُ هَٰذَا الْمَرَامْ
فَالْقَلْبُ كُلُّ رَجَائِهِ
عَيْشَاً مَلِيئَاً..
بِالسَّكِينَةِ وَالسَّلَامْ...
يَدْعُو وَيَرْجُو رَبَّه
ُحُسْنَ الْخِتَامْ..
---------------------------
بقلمي؛
م/ محمود الحريري
شعر تفعيلة على بحر الكامل
🌷چيلان.يحيى. ليان🌷
دنيا حلوة وجت إلينا
كل لحظة بتنادينا
هي بنوتة .. وجميلة
مش حفيدتي ديه عنينا
چولي.أجمل ما فى نادينا
***
أما يحيى حفيد يجنن
ضحكته الحلوة بوادينا
فيها زرعة خير تغيثنا
فى الليالي و السنينا
ده حفيدي وإللي لينا
***
لي لي جاية بقلب أخضر
كله حب وشوق مالينا
صوتها نغمة جميلة تعلى
خضرت كل إللي فينا
ربي يكفيكم عادينا
***
🌷بقلمي/ صفاء الخواجة 🌷
إلى أحفادي والحب
مكتوب عليك الشقا
-------------------------
مكتوب عليك الشقا
يابوكف متشقق
ولاحد حاسس بحالك
مهما اللسان ينطق
عمرك مادقت الفرح
وتحاوطك الأحزان
والدنيا تلعب بيك
وفي الهموم تغرق
-----------------------
بقلمي؛
م/ محمود الحريري
"قلبي يحن"
---------------
قلبي يحن..
لرؤية البيت الحرام
فلقد حلمت بأنني..
امشي سعيداَ..
بين أسراب الحمام
إني نويت زيارة
ودعوت ربي..
كي يحقق رغبتي
فهو العليم بحالتي
و بأنني..
من فرط شوقي
لا أنام..
القلب يدعو راجيا
ليطوف حول الكعبة
ليكون ايضاَ ساعياً
بين الصفا والمروة
ندعوك يارب الورى
يامن تجيب دعاءنا
يسر لنا أحوالنا
وافتح لنا...
أبواب عفوك ربنا
القلب يحترق اشتياقا
للحبيب محمد
خير الأنام
فارأف به ياربنا
حقق له هذا المرام
فالقلب كل رجائه
عيشا مليئا..
بالسكينة والسلام...
يدعو ويرجو ربه
حسن الختام..
---------------------------
بقلمي؛
م/ محمود الحريري
شعر تفعيلة على بحر الكامل
"كفاية يادنيا"
----------------
قوليلي يادنيا واخدانا
ورايحة لفين
وليه دايماً معاندانا
بقالنا سنين
وليه بتمرجحي فينا
وترمينا شمال ويمين
مفيش مرة تراضينا
ولا مرة تواسينا
ولو جينا في يوم نضحك
نلاقيكي تبكينا...
قوليلي عملنا إيه فيكي
عشان دايماً تعادينا
يادنيا كفاية وسيبينا
نشوف حالنا
يادنيا بلاش تضرينا
كفاية علينا ماجرالنا
وكل اللي اتعمل فينا
ماكان يخطر على بالنا
ولا ف لحظة تخيلنا
في يوم نغرق
في بحر هموم
منلقاش حد يلحقنا
حرام والله يادنيا
نعيش في عذاب
وليه دايماً بتئذينا
بدون أسباب
ومن ظُلْمِك وجبروتِك
بقينا كلنا اغراب
وكان الحلم في إدينا
وضاع فجأة كأنه سراب
ماتيجي يادنيا نتصالح
كفاية خصام
ونتسامح عشان نعرف
نعيش في سلام
نشوف الفرحة حوالينا
ونتخلص من الاوهام
نعيش الحب في الواقع
وفي الأحلام..
-------------------------------
بقلمي؛ م/ محمود الحريري
---------------------
عُودِي إلَِىٰ قَلْبِي وَلَا تَتَرَدَّدِي
رِفْقَاً بِهَٰذَا الْقَلْبِ لَا تَتَشَدَّدِي
كُونِي كَطَيْرٍ عَادَ بَعْدَ غِيَابِهِ
وَلْتَعْزِفِي لَحْنَ الْغَرَامِ وَغَرِّدِي
لَا تَسْمَعِي لِلْحَاقِدِينَ حَبِِيبَتِي
وَدَعِي الظُّنُونَ فَأَنْتِ غَايَةُ مَقْصِدِي
وَكَفَىٰ بُعَادَاً فَالْبُعَادُ مُعَذِّبٌ
لَا تَتْرُكِينِي فِي الْحَيَاةِ بِمُفْرَدِي
مَاكَانَ قَلْبِي فِي الْغَرَامِ مُخَادِعَاً
أَوْ أَنَّنِي أَخْلَفْتُ يَوْمَاً مَوْعِدِي
الْحُبُّ نَادَىٰ.. فَانْصِتِي لِنِدَائِهِ
يَالَيْتَ قَلْبَكِ يَسْتَجِيبُ وَيَهْتَدِي
يَزْدَادُ قَلْبِي فِي هَوَاكِ صَبَابَةً
فِي وَصْفِ شَوْقِي قَدْ نَسَجْتُ قَصَائِدِي
قَلْبِي تَحَوَّلَ فِي غَرَامِكِ نَاسِكَاً
وَلَسَوْفَ أُنْشِئُ فِي فُؤَادِكِ مَعْبَدِي
عُودِي إِلَىٰ قَلْبِي لِنُنْقِذَ حُبَّنَا
لَاتَهْدِمِي صَرْحَ الْهَوَىٰ وَتُعَانِدِي
وَتَيَقَّنِي أَنِّي سَأَبْذُلُ طَاقَتِي
كَي أُبْعِدَ الْأَحْزَانَ عَنْكِ وَتَسْعَدِي
------------------------------------
بقلمي؛ م/ محمود الحريري
على بحر الكامل
🌹الحلم🌹
ممكن فى يوم تلقاه
وتحوله لنجاح
لو كنت لِيه عايز
دور وفيك إصرار
وبهمة ويا فلاح
ح تكون أكيد فايز
***
أحلم بعرض الكون
خليك بقلب حنون
لو انت إيش مايكون
ح تلاقي ليك الأيادي
تتمد حب وتفاني
فيها السند والعون
***
انده بعلو الصوت
وقول يارب الوجود
قويني و عافيني
يسر لي كل الأمور
زلل لي صعب الدروب
م الهم احميني
***
أصل الأمين ع الخلايق
وإللي الضمير له يشاور
فى قراره وأفعاله
ح ينول رضا الرحمن
ونجاحه يبقى كمال
والخير في أحواله
***
🌹بقلمي / صفاء الخواجة 🌹
خاطرة
😥راح ماعادشي 😥
ممكن اسألكم سؤال..؟
ليه بقينا فى دنيا وحشة
ليه محدش عاجبه عيشته
وإللي عايش لأجل يدي
كل يوم فى مرار بيشرب؟؟
***
والأصالة شيء مقزز
للي غاوي بس يشكي
وإللي دايما ماشي يشتم
وإللي مابيشكر ويرغي
واللي وده راح ماعادشي
***
ليه نحطم دوم أساسنا
والجذور ليها بنخلع
والإهانة ..جوه منا
للي بيقدم فى خدمة
وإللي مابيطلب مقابل
ليه غدرنا؟؟
***
نفسي أفوت الدنيا وأمشي
أصلي فيها ما ليا مطرح
وإللي أهلي بنوه فى قلبي
ماله خير ف الغير بيطرح
مش كآبة ومش تشاؤم
بس كل الناس بتجرح
***
قالوا للتفاؤل .. أرحل
والأمل بقى كله ينزف
من حاقدنا ومن كارهنا
من غليل عمره مايعزف
عن حياتنا وعن نفوسنا
كلنا بقى له بيغرف
والحياة مفيهاش مايفرح
***
نفسي أرحل ..
😥بقلمي/ صفاء الخواجة 😥
🍁 لما مات🍁
لما كنت ..واثقة فيه
والأمان ..مابين إيديه
كنت أنام الليل ..بطوله
سايبة أحلامي فى عنيه
يوم يفسر. يوم يحقق
عمري كله يروح إليه
لما قالوا إنه.. مات
إندهشت وقلت ليه؟
ليه يسيبنا وكله يبعد
والقلوب ..تبكي عليه
***
بعده ماتت .. المودة
والمحبة تقول ياريت
لو يعود لنفوسنا.. ليلة
تملا ..ريحته كل بيت
نتسند على بابه. نفرح
مرحبا هو أنت.جيت؟
لما مُت .. جوه منا
وانتبهنا..ليك دعيت
يوم رجوعك يا ضميرنا
ينتهي الشر المميت
***
🍁بقلمي / صفاء الخواجة 🍁
🦋 ألف صيت🦋
لما كان بالدنيا.. خير
قلبي عمره ماقال ياريت
كان أمان مالي بحياتنا
بركة .حب .فى كل بيت
بين جيراننا وبين صحابنا
والهنا له ألف صيت
***
كله يجري يواسي كله
والأذى يبعد.. بميل
كله عاشق .. للمحبة
والمساعدة زي سيل
عشرة حلوة. صافية دايما
وفى چيناتنا كل جيل
***
النهاردة الكره... سايد
والقلوب بيها حقد دايب
والأناني له .. مخالب
نهشها باين وصايب
بلطجة وكتير جرايم
والحياة بقى لونها عايب
ليه نسلم . ليه نطاوع
ليه نعيشها بالمصايب
يلا نرجع وفى حياتنا
كل خيرها مايبقى غايب
***
🦋بقلمي/ صفاء الخواجة 🦋
"مَتَىٰ الْلِقَاءُ"
----------------------
مَاذَا يَكُونُ لَو انْتَهَىٰ هَٰذَا النَّوَىٰ
وَبِلَا عِتَابٍ نَلْتَقِي فِي رَوْضِنَا
مَاذَا يَكُونُ إِذَا الْقُلُوبُ تَسَامَحَتْ
وَبِكُلِّ حُبٍّ نَسْتَعِيدُ وِصَالَنَا
سَيَكُونُ يَوْمَاً مَارَأَيْنَا مِثْلَهُ
فَسَتَلْتَقِي بَعْدَ الْفِرَاقِ قُلُوبُنَا
وَلَسَوْفَ نَسْبَحُ فِي بُحُورِ مَحَبَّةٍ
وَغَدَاً يَعُودُ إِلَىٰ الْوُجُودِ غَرَامُنَا
وَنَكُونُ مِثْلَ الطَّيْرِ فِي أَوْكَارِهِ
نَشْدُو وَكُلُّ النَّاسِ تَسْمَعُ شَدْوَنَا
لَوْ يَنْتَهِي هَٰذَا الْبُعَادُ سَتَخْتَفِي
كُلُّ الْهُمُومِ وَتَنْتَشِي أَرْوَاحُنَا
وَالزَّهْرُ فِي الْبُسْتَانِ يَبْدُو ضَاحِكَاً
وَالشَّمْسُ تُشْرِقُ كَي تُنِيرَ حَيَاتَنَا
هَيَّا نُعِيدُ إِلَىٰ الْعُيُونِ بَرِيقَهَا
وَلْنَبْتَهِلْ كَي لَا يَطُولَ فِرَاقُنَا
وَلْنَنْسَ أَسْبَابَ الْبُعَادِ وَنُقْسِمُ
أَنْ نَجْعَلَ الْأَحْزَانَ خَلْفَ ظُهُورِنَا
إِنِّي بِشَوْقٍ كَي أَرَاكِ حَبِيبَتِي
فَمَتَىٰ الْلِقَاءُ لِكَي نُجَدِّدَ حُبَّنَا
----------------------------------
بقلمي؛ م/ محمود الحريري
على بحر الكامل
❤️وياك❤️
صفاء
*********
وياك الدنيا ....بجد
لها طعم جميل بالحب
وسعادتي معاك والفرحة
نسوني مرار الغلب
****
محمود
********
وياكي الدنيا نعيم
بستان مليان بالورد
وياكي القلب يهيم
ف حبك فاق الحد
_____
صفاء
********
وياك أنا طايرة بهمسة
بتقولها بصدق الصدق
وعشانك روحي بترخص
والقلب مابطل.. دق
****
محمود
********
وياكي العمر بيجري
وسنينه تعدي ثواني
والحب ف دمي بيسري
انغام وامال واغاني
________$
صفاء
********
وياك النبض..بيعزف
بياتي ..وشوقك..جمر
والطير علشانا بيرقص
وبيدعي بطول العمر
****
محمود
********
وياكي الروح،، سيباني
وشايفها عليكي بتجري
ولا كنت ف حبي اناني
وسلمت لقلبك امري
_______
صفاء
*********
وياك أنا بِعت.. همومي
وزرعت سعادة وفرح
ومعاد الجني ..لقيتك
بفراقك كان . الجرح
****
محمود
********
الدنيا القاسيةخدتني
ف مشوارها يطول الشرح
لهموم وف بحررمتني
نستني طعم الفرح
________
صفاء
********
ع الذكرى الحلوة أنا عايشة
فى نهاري وجوه الحلم
شايفاها فى سيرة سيرتك
يحكيها الخال والعم
****
محمود
********
ارجوكي لقلبي تسامحي
اناعارف انه اناني
اوعاكي تنسي ملامحي
يمكن يرجعلك تاني
»»»»»»»
كلمات كلا من
الشاعرة صفاء الخواجة
ومحمود عمار الزلباني
»»»»»»»»»»»»»»
دويتو بين الشاعر/ محمود عمار الزلباني
والشاعرة/ صفاء الخواجة
*******
محمود عمار
أنا لسه فاكر حبكم
ولا يوم ليكو نسيت
إذا كنت فاكر فرحكم
لما أنا للدنيا جيت
***
صفاء الخواجة
ومين يقدر على النسيان
وفرحة كانت فى الزمان
يوم ماجيت لدنيا حلوة
مالية قلبي ♥️ بالحنان
***
محمود عمار
دموع فرحكو شوفتها
متبعترة لما مشيت
تاتا وأخطي بين إيدكم
والسعادة تقول ياريت
***
صفاء الخواجة
فاكرة أول كلمة أأقولها
ماما .. سُكرة الوجود
ويا بابا.. كمان أقولها
فرحة مالها ياناس حدود
***
محمود عمار
أكبر مابين قلوبكم
وأبقى ليكم أحلى بيت
فاكر حروفكم مش ناسيها
فاكر فرحكم لما حبيت
***
صفاء الخواجة
أول مرة.. فيها أَحبي
بسمة كانت فى العيون
لما أتسند.. و أمشي
كل دعواتكم .. ديون
***
محمود عمار
فاكر يا أمي حنانك
إللي من صدرك إرتويت
فاكر يابابا كلمتك
لما عليا فى يوم ناديت
***
صفاء الخواجة
فاكرة كل دعاكو ليا
والتمني بدون حدود
من قلوب بابا وماما
والعطاء ده بكل جود
***
محمود عمار
يلا يا ابني همتك
جريت وفى حضنك ارتميت
مش عارف ليه سبتوني بدري
أنا بعد منكو كتير بكيت
***
صفاء الخواجة
ياما منكو.. بهمة كانت
كل خطواتي ..ونجاحي
لاجل تبقوا بحب تحكوا
عن نجاحاتي فى حياتي
***
محمود عمار
الحزن خلى الدمع يجري
ونار بعدكو بيها اتكويت
طعم الهنا من غيرك مر
بعت فرحي وحزني اشتريت
***
صفاء الخواجة
والفراق ليكم هدمني
لما سبتوني وبعدتم
الدموع بالقلب باتت
والسعادة ليا فارقت
***
محمود عمار
أشكي لمين ف البعد همي
وعمري لغيركم ما أشتكيت
قولت آجي فى وسطكم
وحلمت إن إحنا في بيت
***
صفاء الخواجة
شكوتي فى القلب باتت
كُلي حزن معاه دموع
وإنطفت جوايا فرحة
والليالي بدون شموع
***
محمود عمار
أخضر والحيطان مدهونة زيت
وعصافير متلونة ألف لون
ومية حلوة منها إرتويت
***
صفاء الخواجة
جوه حلمي اشوفكو دايما
زي دنيتنا ما كانت
كلها بالخير بتسعى
وأدعي ليه .. ليا مادامت؟
***
محمود عمار
وحشتوني جدا جدا كتير
ومن غدر الدنيا بيكو إحتميت
خلوني نايم جنبكو
من هم البعد أنا إستويت
***
صفاء الخواجة
كل دعواتي الجميلة
تبقوا فى الجنة الكبيرة
والتقيكم يوم وفيها
ترجع الفرحة العزيزة
ربي يجمعنا بجنانه
بكل خيراتها الكتيرة
***
الشاعر/ محمود عمار الزلباني
الشاعرة/ صفاء الخواجة
"لن أعود"
--------------
أنا قد رحلتُ ولن أعودْ
وتحررَ القلبُ الجريحُ
من القيودْ
فلقد سئمتُ من الجحودْ
ومن التلاعبِ بالعهودْ
ولن أعانى مجدداً..
فلم أعدْ..
ذلكَ الشخصُ الودودْ
و أقولُها بلا ترددِ..
لن أعودْ..
مهما تَوَسَّلْتِ..
أو ذرفتِ من الدموعْ
مهما تحايلتِ..
أو تصنعتِ الخضوعْ
مهما فعلتِ..
فلا سبيلَ إلىٰ الرجوعْ..
كانَ القلبُ يرقصُ
حينَ تراقصيني...
وكانتْ الدنيا تغني
حينَ تداعبيني...
والبسمةُ فوقَ ثغري
حينَ تمازحيني...
وتَبَدَّلَت كلُ الأمورْ
والحزنُ أوغلَ في الصدورْ
وفى بستانِ قلبي
تَيَبَّسَتْ الزهورْ
وسيطرَ الشكُ المريبُ
علىٰ الشعورْ
أنا لمْ أَخُنْ يوماً
أو تقلْ مَحَبتي
بَلْ أنتِ التي..
أنْهَتْ يداكِ حكايتي
هانَتْ عليكِ صَبابتي..
وسَخَرْتِ مني..
ومِنْ غرامي ولهفتي.
أنا قد وأدْتُ هواكِ
داخِلَ مُهجَتي.. .
ورحلتُ عنكِ ...
ولا سبيلَ لعودتي
-------------------------
بقلمي؛
م/ محمود الحريرى
"أرض الخير"
-------------------
بكره أرض الخير هتطرح
والأمل يلاقيله مطرح
بكره كل الدنيا تضحك
والقلوب ترتاح وتفرح
من ظلام الليل هيخرج
نور على الأحباب يصَبَّح
والطيور ترجع تغني
والزهور على طول تفَتَّح
رُوح على هدفك وكمل
سيب كلاب الأرض تنبح
إوعي تيأس مهما يحصل
فى النهاية أكيد هتنجح
إملا قلبك بالإيمان
ربنا يساعدك وتفلح
مهما طال الظلم لازم
يجي يوم نلاقيه يرَوَّح
لما نخرج من كهوفنا
نلقى نور الحق أوضح
---------------------------------
بقلمي؛ م/ محمود الحريري
🤲العشم فى الله🤲
رغم أي شيء.. تقيل
صعب أو كان مستحيل
بالأمل..نوصل لغايته
حلمنا من جيل ..لجيل
رغم كل شيء حزين
مر جوه دموع أنين
نسأل.. الله السلامة
رد قول يلا. آمين
رغم ..أحزان السنين
والضياع إللي إحنا فيه
رغم.. عمر راح وولى
وحلم ياما عشنا بيه
الأمل ما فارقش روحنا
كل خطوة نروح إليه
والعشم ف الله واخدنا
والتوكل دوم عليه
لو فى دنيا شحيحة توهنا
بكره فى الجنة نلاقيه
🤲كلماتي / صفاء الخواجة 🤲
"الأمل"
---------
رغم ضياع الحلم الوردي
اللي ياما حلمنا بيه
رغم أيامنا الحزينة
رغم كل اللي احنا فيه
فيه أمل مدفون ولازم
كلنا ندور عليه
لأجل يوم يصبح حقيقة
ويلاقينا ... ونلاقيه
-------------------------------
بقلمي؛ م/ محمود الحريري
"الحب نعمة"
----------------
لما الحب يزيد ويفيض
يبقى ده شئ مكتوب ومقدر
حاجة منلمسهاش بالإيد
بس تخلي حياتنا تنور
عمر الحب ماله مواعيد
نلاقيه فجأة علينا مسيطر
يدخل جوه القلب ويسكن
ومع الوقت يسيطر أكتر
واللي يحب بيبقى سعيد
وميبقاش ابداَ متكدر
طعم الحب بيبقى جميل
أحلى كمان من طعم السكر
بس عشان الحب يعيش
لازم نقدر عنه نعبر
ويكون بينا مودة ورحمة
و الخلافات لازم تتبخر
أصل الحب ده نعمة كبيرة
واللي يفرط فيه يتحسر
---------------------------------
بقلمي؛ م/ محمود الحريري
"الأسعار نار"
--------------
أنا عقلي خلاص
تعبه التفكير
الأسعار نار
والهم كبير
شفنا الأسعار
عمالة تزيد
وفلوسنا ياناس
على طول بتطير
نفسنا نتهنى
بلقمة عيش
أونلقى علاج
من غير تكدير
حد يعرفني
ازاي هنعيش
دي الحالة صعبة
والوضع خطير
---------------------
بقلمي؛
م/ محمود الحريري
🇸🇾هي حب الشقاينين🇸🇾
مصر مش ممكن تهون
ع إللي مش لاقي الفطور
هي هانت ع المقاول
وإللي ساكنين القصور
***
ع الممثل ..وإللي بارع
يرسم الدمع فى عيون
بس مهما قالوا أو يحاولوا
هي ساكنة فى الجفون
***
أصحوا. فوقوا و يلا نبني
شعب.. ويا جيش وندعي
تبقى هامة ده نيللها شامة
أم الدنيا.. دمانا تفدي
***
🇸🇾بقلمي/ صفاء الخواجة 🇸🇾
🇸🇾إعتذر له🇸🇾
أوعى تزعل م إللي هانك
لو أصيل كان طبعه صانك
بره يطلع ليه؟ يا خاين
إبن بلدك عمره باعك؟
****
ده لزبالتك هو شايل
ولنضافتك ولأمانك
حقه فوق الراس تشيله
مش عشانه لأ عشانك!
****
ياللي وجهت.. الإهانة
للي زيك.. ف الكرامة
إعتذارك ليه ده واجب
أيوه ادفع ..للغرامة
****
وأوعى تاني تهين لمصري
ابن فرعون والأصالة
كبرياءه من ..كرامتك
إحنا مش عايشين ف غابة
****
🇸🇾بقلمي/ صفاء الخواجة 🇸🇾
🐥شلة الأزمات🐥
ديك البرابر صاح
الرحمة ياناسي..
تقتل ولادي...ليه؟
وتهد.أعشاشي.!
****
لو كان على الكتكوت
اكله قليل ويفوت
لقمة..وطبيخ..م البيت
ياكل ويبقى القوت
****
حجتكوا إيه يافساد
ليه تعملوا فتوات ؟
وتقولوا مافي اعلاف
ياشلة الأزمات.
****
ليه تعدموا الكتاكيت
والأكل له فتافيت
وقفوا له.. بالنبابيت
والضرب بالشلاليت
وعجبي يافراخي
****
🐥بقلمي/ صفاء الخواجة 🐥
✨بلاش تبخل✨
باب السعادة حزين
من فُرقة الأحباب
والدمع سيل وأنين
والقلب كله عذاب
****
ياللي حباك بالسعادة
بلاش كده تبخل
شارك لناسك وأهلك
لا السعد ليك يرحل
****
✨بقلمي/ صفاء الخواجة ✨
♥️عيون الله♥️
ومهما الغل كان باين
وواضح حقد حسادنا
ح نمشيها...ونبعدهم
ولا ح يطولوا لفراقنا
****
يارب بيك ح نتقوى
ونمشي السكة وننور
ضلام الليل مانتكدر
عن الإشراقة ح ندور
****
عيون الله ح تحرسنا
تقدرنا.. و تحمينا
وتكسرها .. تدمرها
ولا تطولنا.. و لا تجينا
****
♥️بقلمي/ صفاء الخواجة ♥️
🌹في عيد ميلادها🌹
ياقلبي ياعقلي
ياروحي ياكلي
يانسمة جميلة
كلامك ياكلني
**
وأرجع أشوفك
تنادي ..عليا
ولو تلمحيني
بتجري عليا
**
يتهته لسانك
تقولي يابابا
ويستنى شوقي
تقولي يا ماما
**
تشق.السنان
تعبها. بيألم
لقلبي ونبضي
وربي إللي يعلم
**
شوية .بشوية
أشوفك قصادي
تخطي ..وتاتة
سعادتك دي زادي
**
وندخل حضانة
ونقعد. .. نذاكر
خجولة و عنيدة
وكلك. يكابر
**
وعدت ..سنين
وراها .السنين
ودايما عشانك
بقلبي . ألين
**
وأحلم.. أشوفك
عروسة جميلة
في كوشة وفرحة
وليلة..سعيدة
**
ومنك.. رزقنا
حفيدة أميرة
لقلبي وروحي
واعيد تاني حلمي
**
بنفس إللي شوفته
معاكِ.. ياسارة
يابنتي.. وأختي
تدومي.. منارة
**
🌹بقلمي/ صفاء الخواجة 🌹
💥رغم.. رغم💥
رغم أيامنا..الحزينة
والألم ويا الوجيعة
جوه منا.. آمال لبكره
ماسكة أحلامنا..البعيدة
كنز جوه... قلوبنا ساكن
نفسه نبقى قلوب سعيدة
💥بقلمي/ صفاء الخواجة 💥
مبارزة في الشعر مع الأخت الفاضلة والأديبة المبدعة اللامعة صفاء الخواجة
قصيدتها : __
📝 رسالة أمل📝
القلم زهقان وعاصي
يكتب الحروف بسنه
والكلام هربان وناسي
إنه مني . وإني منه
الملل كتير .. وفارس
كل وقتي وأي ميللي
والليالي.. فاردة خيمة
من ألم عشش بسني
بس عايزة.. أأقول وأنبه
الدموع دي .. مش لمثلي
رافضة يأسي والصحاري
والسراب ح يفوتوا ضلي
بكره جاي الفجر.. صابح
ينهي قهري ويعلى ضحكي
🖍️بقلمي/ صفاء الخواجة 🖍️
أ/ مرسي محمد ************
أنا قلت للقلم أكتب
عشان هيكون هو ذاكرتي
في ألمي عايش مرارتي
وهو إللي هيفكرني بسعادتي
************
صفاء الخواجة
قوله يكتب كل فرح
يبعدك عن كل جرح
قوله يبني معاك. يعلي
والسعادة تكون له صرح
************
أ. مرسي محمد
هو قلمي وبيسمع كلامي
لكن الأيام ملهاش أماني
تبكي العين أيام وليالي
وتبسط الجسد الفرح ثواني
************
صفاء الخواجة
لأ ياعين.. وليه بكاكِ
ده الأمل مخلوق عشانكِ
أصبري وأكيد.. تنولي
كل فرح وفيه شفاكِ
***
أ. مرسي محمد
الأمل من صفاتي
والتفاؤل جوة ذاتي
هو شفائي ونجاتي
والتشاؤم ف قاع آهاتي
**************
صفاء الخواجة
أيوه حافظ.. ع التفاؤل
خلي تاجه يحيط حياتك
تلقى معنى جميل لدنيا
فيها ح تحقق لذاتك
***********
أ. مرسي محمد
أنتِ جنبي مش ورايا
ولحياتي أنتِ المرايا
وتفاؤلك عندي مزايا
صار في وجداني هدايا
************
سجال بقلم الشاعرين/ مرسي محمد وصفاء الخواجة
🇸🇾نور بلادي🇸🇾
خلي صوت الحق عالي
قلمي طاير ف العلالي
كل كلمة من .. حروفه
شاهدة دايما.ع الأماني
اللي جوه قلوب ولادنا
غاوية تشهد نور بلادي
🇸🇾بقلمي/ صفاء الخواجة 🇸🇾
✨طعم الذكريات✨
القلم مبقاش بيعرف
إلا طعم ..الذكريات
ياما فيها عاش بيكتب
كل دمعة فى الساعات
واللي راح مبقاش نصيبنا
كله عدى ووقته فات
✨بقلمي صفاء الخواجة ✨
✍️القلم✍️
القلم ح يقول ويحكي
عن حياتنا م الجذور
والحروف ح تساعده يكتب
من عروضنا والبحور
المحبة شيء ..داخلنا
زي بستان الزهور
والتحدي ده .. حياتنا
مهما ترعبنا النسور
م البداية .. للنهاية
حتى وإحنا ف القبور
✍️بقلمي / صفاء الخواجة ✍️
🌹هات الأولىَ
الست جميلة.. بسلامتها
عاملة لنا حوار
قال ايه المية ف شقتها
يلزمها الزار
دي ضعيفة لا تغسل غسلتها
وفاتورة من نار
وتزعق على فاتح ..مية
وعراكها شرار
ياما قولنا ماتورك للأزمة
حلو ومش ضار
وبلاش لعراكنا اللي يخسر
جارتك والجار
****
والست عزيزة كمان عاملة
موال حكايات
ويوماتي خناقة ورافعة لنا
أزماتها.رايات
الغاز بقى.. غالي وأنبوبته
ماتكفي ساعات
سخانها بيسحب ..كهربته
وفضيحته صاجات
وحياتها مشاعها على جيرانها
زي الأفيشات
ما تلمي لنفسك ياحبيبتي
والصبر تاجات
***
جوه شارعنا ..كتير أوجاع
حوجة وجهل صراخ وهياج
مش بالعافية.. نحل مشاكل
ولا بكآبة وفرض سياج
لازم نتعلم ..وعقولنا
ح نشغلها دي هي التاج
حكم مخك.. وأدرس حاجتك
خلي خشبنا بدال العاج
هات الأولىَ.. يليه الأولىَ
وبلاش شكوى وسوء لمزاج
أنا مش جاية.. عليكم أبدا
ح يحلها واحد ..فراج
***
🌹بقلمي/ صفاء الخواجة 🌹
🇸🇾هي مصر🇸🇾
إحنا كنا زمان .. جسارة
ناس قوية بتوع حضارة
نجبر العالم ..يطاطي
فى العلوم خدنا الجدارة
***
بكره نرجع .. للإمارة
نبقى فالحين وببراعة
أصل چيناتنا فيها قوة
ترفض إنصياع لجارة
***
اسألوا عنا .. التاريخ
مش بنعرف مستحيل
كل كبوة وليها..قومة
حرب أكتوبر ..دليل
***
لينا يركع .. كل غاصب
إبن فرعون مش ذليل
عمر الأكوان... وعلم
عمره ماكان فى يوم بخيل
***
المدرس والمهندس والطبيب
ف البلاد ..رغم الكفيل
مدوا إيد بالحب ..تدي
ف العطاء باعهم. طويل
***
لما ييجوا ..و يوصفونا
دوم يقولوا صديق خليل
هي دي مصر .. الأصيلة
نيلها جاري.. أمين
***
🇸🇾بقلمي/ صفاء الخواجة 🇸🇾
♥️طمنوهم♥️
طمنوها ...وطمنوه
قلبي دايما يدعي ليهم
بين صلاتي وفى قيامي
روحي بتطفطف عليهم
***
طمنوها..وطمنوه
مش شاغلني غير ودادهم
وأعرف إيه أخبار حياتهم
لو فى قربي أو بعادهم
***
طمنوها... وطمنوه
حبي للدنيا عشانهم
وإني أبقى جنب منهم
خايفة دايما يوم وداعهم
***
لما عمري نهايته تيجي
والفراق يبقى نصيبي
ابعدوا الحزن وسنينه
طيف فرحكم ح يناجيني
***
طمنوها.. وطمنوه
قلبي دايب حب فيهم
ولولادهم دوم حنيني
يجري ويسلم عليهم.
طمنوهم
***
♥️بقلمي/ صفاء الخواجة ♥️
بنتي حبيبتي
------------------
بنتي حبيبتي ياغالية عليا
فرحة عمري وضي عنيا
إنتي النور اللي دخل بيتنا
ربنا بعتك لينا هدية
بوجودك زادت فرحتنا
ياللي مليتي علينا الدنيا
من صغرك والناس بتحبك
ماهو قلبك مليان حنية
ولما كبرتي لقيت قدامي
أجمل بنت وأحلى صبية
لما بشوفك قلبي بيفرح
والدنيا تنور حواليا
ربنا يطرح فيكي البركة
ويبعد عنك أي أذية
عاوز اقول لك كلمة ف ودنك
علشان عيشتك تبقى هنية
جوزك حطيه جوه عنيكي
خليكي جنبه وكوني قوية
واولادك دايما تراعيهم
ربيهم أحسن تربية
وامك دايماً تفتكريها
وابقي ادعيلها كل شوية
خليكي دايماً نبع محبة
وكوني لاخوكي أمه التانية
وانا بدعيلك ربي يصونك
وتكوني دايماً متهنية
-------------------------------
بقلمي؛ م/محمود الحريري
يوم ميلاد المصطفى
--------------------------
صلوا على خيرِ الورىٰ
المصطفىٰ المبعوثِ
من أجلِ البشرْ
صلوا علىٰ مَنْ جاءنا
بالرحمةِ المهداةِ
من ربِّ البشرْ
صلوا على مَنْ نورُهُ
محا ظلاماً مستديماً
وانتصرْ...
في يومِ ميلادِ
الحبيبِ المصطفى
إيوانُ كسرى قدْ سقطْ
والسحرُ أُبطِلَ واندثرْ
والنورُ في الدنيا
تراءَىٰ وانتشرْ
في يومِ ميلادِكَ يامحمدْ
نارُ المجوسِ.. أُطْفِئَتْ
أصنامُ مكةَ.. حُطِّمَتْ
لَمْ يبقَ عرشٌ قائمٌ
إلا تهاوىٰ وانكسرْ
محمدٌ..
ياخاتمَ الأنبياءِ المُنتَظَرْ
أنتَ الأمينُ الصادقُ
في كلِّ قَولٍ أو خبرْ
صلىٰ عليكَ اللَّٰهُ
يانوراً غَمَرْ..
غطىٰ علىٰ نورِ القمرْ..
-------------------------
بقلمي؛؛
م/ محمود الحريري
"يَوْمُ مِيلَادِي"
----------------
وَيَأْتِي يَوْمُ مِيلَادِي
بِلَا أَمَلٍ يُدَاعِبُنِي
وَضَاعَتْ كُلُّ أَحْلَامِي
وَكَادَ الْيَأْسُ يَسْحَقُنِي
لِأَنَّ حَبِيبَتِي غَابَتْ
وَنَارُ الْبُعْدِ تَحْرِقُنِي
فُؤَادِي صَارَ مَكْلُومَاً
وَأَوْجَاعِي تُلَازِمُنِي
يَفِيضُ الدَّمْعُ مِدْرَارَاً
وَفِي الْأَحْزَانِ يُغْرِقُنِي
يَئِنُّ الْقَلْبُ فِي صَمْتٍ
بِآهَاتٍ تُعَذِّبُنِي
خَرِيفُ الْعُمْرِ أَقْضِيهِ
بِلَا رُوحٍ تُسَانِدُنِي
فَقَدْ كَانْتْ مُنَىٰ عَيْنِي
بِكُلِّ الْحُبِّ تَغْمُرُنِي
أَيَا مَنْ كُنْتِ لِيْ عَوْنَاً
حَنِينِي سَوْفَ يَقْتُلُنِي
غِيَابُكِ زَادَ أْحْزَانِي
جِرَاحُ الْقَلْبِ تُؤْلِمُنِي
وَحُبُّكِ فِي دَمِي يَسْرِي
وَطَيْفُكِ لَا يُفَارِقُنِي
سَأَقْضِي يَوْمَ مِيلَادِي
وَأَشْوَاقِي تُصَارِعُنِي
شُمُوعُ الْعُمْرِ قَدْ ذَابَتْ
وَأَوْهَامِي تُلَاحِقُنِي
سَأَلْتُ الْلَّٰهَ مِنْ قَلْبِي
ثَبَاتَاً قَدْ يُسَاعِدُنِي
سَأَمْضِي الْعُمْرَ أَهْوَاكِ
وَنُورُ هَوَاكِ يُرْشِدُنِي
وَسَوْفَ
بِقَلْبِي لَنْ تُزَايِلَنِي
-------------------------
بقلمي؛
م/محمود الحريري
على بحر مجزوء الوافر
#"نصرٌ مِنَ اللّٰهِ"
--------------------------
نَصْرٌ مِنَ اللّٰهِ.. وفَتْحٌ مُبِينْ
وصُبْحٌ تَجَلَّىٰ.. بِنُورِ اليَقِينْ
رِجَالٌ عِظَامٌ.. بِعَزْمٍ مَتِينْ
أَطَاحُوا بِخَطٍ.. قَوِيٍ حَصِينْ
كَسَيْلٍ أَزَاحَ.. الْعَدُوَ اللَعِينْ
تَرَاهُمْ أُسُودَاً.. لِيَحْمُوا الْعَرِينْ
وبِالْحَقِّ ثَأَرُوا.. مِنَ الْمُعْتَدِينْ
بِقَلْبٍ قَوِيٍ.. وَعَقْلٍ رَصِينْ
رَجِعْنَا لِنَبْنِي.. بِعَرَقِ الْجَبِينْ
وَنَمْحُو آثَارَ.. الظَّلَامِ الْحَزِينْ
وَلَنْ نَأْلُو جَهْدَاً.. وَلَنْ نَسْتَكِينْ
وَسَوفَ نُحَقِقُ.. حُلْمَ السِّنِينْ
---------------------------------
بقلمي؛؛ م/ محمود الحريري
🌹مرفوض🌹
خايفة؟ يمكن.بس قادرة
أمحي خوفي من طريقي
وإن عصاني.. أو لاوعني
لا إنحني ولا أهين جبيني
****
عمري كله .. ما طاوعته
رعب قلبي م. اللي جاي
وإن فى يوم الخوف حاوطني
سجدة واحدة ..تقوله باي
****
ليه تخافوا .. أو تطاوعوا
أي حاجز.. أو سدود
عدوا..خطوا... بقلب جامد
و اعملوا مرسى و حدود
****
🌹بقلمي/ صفاء الخواجة 🌹
==========
إللي يمسك حبل ربه
يبقى دربه كله نور
واللي يغفل يبقى ذنبه
إن قلبه فيه غرور
ليه نعيش الوحدة وإحنا
بإيدنا نزرع أي بور
اقل شوكة تزيد جروحنا
لو حياتنا ملانه زور
السدود للمية فايدة
والسدود بالهجر جور
الحياة مش بالمكايدة
كن مسامح كن صبور
كن مسامح كن صبور
===============
...... عوني هشام
-----------
............. صفاء الخواجه
كن مسامح ..لاجل ربك
تلقى كل الدنيا حور
والسدود تنزال ويهدم
أي شر وأي زور
==============
المسامح دا كريم
عمره مابيعرف غرور
فى الغضب تلاقيه حليم
وقت شدة يكون جسور
عمره مابيعرف معاندة
وف وجوده تلاقي نور
قلبه مليان بالمحبة
وعمره مابيشهد بزور
..... وعجبي
..... عوني هشام
---------------
.......... صفاء الخواجه
التسامح شامة حلوة
لو جميع الخلق بيها
نلقى طعم الدنيا يحلى
والسعادة جوه فيها
=============
السعاده معانا وإحنا
بعيد ودايما غفلانين
مهما جينا مهما رُحنا
فى خيانة وفى أمين
واللي بيداوي جروحنا
هم دول الصادقين
..... وعجبي
...... عوني هشام
......صفاء الخواجة
ربي يرزقنا فى طريقنا
كل صادق.. قول آمين
ينشر النور ويساعدنا
طول حياتنا.. والسنين
*****
سجال بين الشاعر
أ/ عوني هشام
والشاعرة أ/ صفاء الخواجة
🦜أنا حرمت🦜
آه...حرمت القسوة الجامدة
على أعصابي ياناس والنفس
أدي وأسامح. كل حياتي
و
🦜بقلمي/ صفاء الخواجة 🦜
------+++ (٣)كلاكيت باب السعاده +++------
يا داخل باب السَّـعاده بِشْوِيش على الأٌُكْرَه
حاسِب تكْـسَرها إيدَك والباب لدَخْلِتَك يِكْرَه
وادخُـل برِجلَـك اليِمِين وسَلِّم على المَـطْرَح
خليها لحُصان سَعدَك المَرْمَح .. ليومَك وبُكْرَه
د. سمير خليل
-
بَـاب السـعاده يـسـاع من الحَـبايِـب ألـف
إفتَحُه ع البَحرى ولا تواربُه لرُكْبَه وكِتْف
ودخَّـل الحَبايب هالَه بالَه من غِير صَـف
ولو ليه شِباك خلَّـيهم شَـبابِيك تِـصْـطَف
د. سمير خليل
🪶يوم الوفاء🪶
لما قالوا.... إنه مات
قلت ع الصدق السلام
أصله كان صاحب مباديء
فى المواقف والكلام
قلبه طاهر ..ضحكه صافي
روحه مابتعرف ملام
هو ده شاهر.ده شاعر
حرفه مليان بالعلام.
****
ربي راضي عن أصالته
عن رجولته وصدق قلبه
عن مواقف شوفنا فيها
جندي جاي بيوفي وعده
حرفه كان دانته وسلاحه
شغل ..شاغل كل وقته
****
🪶بقلمي/ صفاء الخواجة 🪶
...*( آهات ومعاني)*...
.......................
كلمة آه ليها ألف معنى
ياما كتير كلنا قولناها
ياما شكينا بيها آلامنا
واتمنينا ف يوم ننساها
بس وراها نلاقي آه
ندوب فيها وبنعيشها
ونلاقي آه تداوي آه
تسعد قلوبنا وتنعشها
آه من بعد وهجر جارح
و آه بتصرخ م المواجع
واللي راح باع البراح
واتسجن ولا عدش نافع
أنهو آه ممكن نقولها
ومين راح يدفع التمن
وآه ساكنها وعايش فيها
وألف آه من الزمن
قولولي ياناس مين فيكم
يداوي الآه ويشفيني
وأي آه بنظره ح ارضا
وأي ضحكة ح تكفيني
************
رحم الله شاعرنا الخلوق الأستاذ /احمد شاهر
بقلمي/اسماعيل عبدالهادي ابوالعلا
😢النورس😢
الاسم أحمد واللقب شاهر
للصدق كان مغوار و فارس
القلب أبيض.. والحرف عامر
للشعر كان مقدام و دارس
كان للمحبة ..صاحب مدارس
جوه بعيونه. ربان وحارس
أحبابه ياما.. شاهدين وقالوا
كان للمباديء. ساقي وغارس
مش جاية أقوله وداع ياشاعر
والدنيا بعدك . هم و متارس
أنا جاية أأقوله بقلوبنا دايم
نورس معلم.. لنفوسنا آسر
😢بقلمي/ صفاء الخواجة 😢
💥يلا نبني💥
الكفاح فى الدنيا لازمه
حبة ياما م. الدروس
نرعى رب الكون وندي
حب صافي بدون فلوس
نرعى ديننا ...وبصلاتنا
نحيي قلوب ويا النفوس
نبني دايما ...بالمحبة
نلقى دنيا مافيها سوس
💥بقلمي/ صفاء الخواجة 💥
✨ياساتر✨
إيدين ممدودة .. تكرهنا
وناسية مودة ومحبة
قلوبهم من سواد الليل
مفيش م الخير ولا حبة
✨بقلمي/ صفاء الخواجة ✨
💥إللي هادينا💥
ياللي طبعك الخيانة
قولي إمتى راح تفوق
تعرف إن ليك ..نهاية
بعدها منك ..نروق
****
ياللي طبعك.. النفاق
والتسلق..والغرور
إمتى تعرف كله زايل
ليه بتظلم؟ ليه تجور؟
****
ياللي حقدك بان عليك
والغليل جوه ف عنيك
لو تعود ..لطريق مودة
تلقى جنة بين إيديك
****
دنيا حلوة .. بتنادبنا
نبعد الشوك من وادينا
نمحي حزن.. وكتر ذل
يوم نعود لله.. هادينا
****
💥بقلمي/ صفاء الخواجة 💥
😢حديث الشجون😢
كُتبت تأثرآ لوفاة الأخ والصديق المحترم الشاعر الكبير أ/ أحمد شاهر.
💧💧💧💧
لما يغيبوا الصحاب
الدنيا تبقى وحشة
والضحكة تبقى غايبة
وتجينا كتير آهات.
لما يغيبوا الصحاب
حكايات كتيرة تبعد
فيها نجاحات بتسعد
ومعاها الذكريات
والدمعة ..تبقى فينا
بقلوبنا ..مش عنينا
مدفونة ..جوه منا
وناقصنا كتيرحاجات
أحلامنا تروح. وترحل
أمانينا برضه تصعب
تحقيقها شيء محال
تايهين جوه الساحات
(أحمد) كان نسمة حلوة
والطيبة فايحة منه
والضحكة جميلة صافية
وعلومه خد و هات
(شاهر).. وصفاته حلوة
وصداقته فيها قوة
تسند للضهر.. تسعد
ليه قالوا إنه ..مات؟؟
ياقبر ياللي .. نازلك
ده جميل السيرة أوعى
تلقاه... إلا بمحبة
خليه بأمان ..يبات
وصيتك إيد ..تطبطب
والتانية..بيها سطب
أعماله ..
ومكانه فى الجنات
😢بقلمي / صفاء الخواجة 😢
همسة هجر : ♥ ♥ ♥ ♥ ♥ ♥♥ ♥ ♥ وئد الأمل فى مهده .....ودفنت نفسي فى ثراه ومضى الربيع كأننا لم نلتق .عصف الخريف بما بناه والقلب شيبه الجفاء ......
