🍁 لما مات🍁
لما كنت ..واثقة فيه
والأمان ..مابين إيديه
كنت أنام الليل ..بطوله
سايبة أحلامي فى عنيه
يوم يفسر. يوم يحقق
عمري كله يروح إليه
لما قالوا إنه.. مات
إندهشت وقلت ليه؟
ليه يسيبنا وكله يبعد
والقلوب ..تبكي عليه
***
بعده ماتت .. المودة
والمحبة تقول ياريت
لو يعود لنفوسنا.. ليلة
تملا ..ريحته كل بيت
نتسند على بابه. نفرح
مرحبا هو أنت.جيت؟
لما مُت .. جوه منا
وانتبهنا..ليك دعيت
يوم رجوعك يا ضميرنا
ينتهي الشر المميت
***
🍁بقلمي / صفاء الخواجة 🍁
ليست هناك تعليقات:
إرسال تعليق