🌹سجال🌹بين الشاعر أ/ عوني هشام والشاعرة أ/ صفاء الخواجة

 🌹مرفوض🌹

خايفة؟ يمكن.بس قادرة

أمحي خوفي من طريقي

وإن عصاني.. أو لاوعني

لا إنحني ولا أهين جبيني

****

عمري كله .. ما طاوعته

رعب قلبي م. اللي جاي

وإن فى يوم الخوف حاوطني

سجدة واحدة ..تقوله باي

****

ليه تخافوا .. أو تطاوعوا

أي حاجز.. أو سدود

عدوا..خطوا... بقلب جامد

و اعملوا مرسى و حدود

****

🌹بقلمي/ صفاء الخواجة 🌹

==========

إللي   يمسك   حبل   ربه

يبقى    دربه   كله     نور

واللي يغفل     يبقى ذنبه

إن قلبه      فيه      غرور

ليه نعيش  الوحدة وإحنا

بإيدنا    نزرع      أي بور

اقل شوكة تزيد جروحنا

لو حياتنا     ملانه    زور

السدود     للمية    فايدة

والسدود   بالهجر    جور

الحياة   مش   بالمكايدة

كن مسامح      كن صبور

كن مسامح      كن صبور

===============

...... عوني هشام 

-----------

............. صفاء الخواجه

كن مسامح ..لاجل ربك

 

تلقى كل الدنيا حور

والسدود تنزال ويهدم

أي شر وأي زور

==============

المسامح      دا      كريم

عمره    مابيعرف    غرور

فى الغضب تلاقيه حليم

وقت شدة   يكون جسور

عمره    مابيعرف  معاندة

وف وجوده   تلاقي   نور

قلبه    مليان       بالمحبة

وعمره    مابيشهد     بزور

..... وعجبي

..... عوني هشام

---------------

.......... صفاء الخواجه

التسامح شامة حلوة

لو جميع الخلق بيها

نلقى طعم الدنيا يحلى

والسعادة جوه فيها

=============

السعاده   معانا   وإحنا 

بعيد   ودايما  غفلانين

مهما  جينا مهما   رُحنا

فى خيانة   وفى أمين 

واللي بيداوي جروحنا

هم    دول   الصادقين

..... وعجبي

...... عوني هشام

......صفاء الخواجة

ربي يرزقنا فى طريقنا

كل صادق.. قول آمين

ينشر النور ويساعدنا

طول حياتنا.. والسنين

*****

سجال بين الشاعر

 أ/ عوني هشام

والشاعرة أ/ صفاء الخواجة

🪶 أنا حرمت🪶كلمات الشاعرة/ صفاء الخواجة

 🦜أنا حرمت🦜

آه...حرمت القسوة الجامدة

على أعصابي ياناس والنفس 

أدي وأسامح.  كل حياتي

و

الغير يحرق دمي وبس

🦜بقلمي/ صفاء الخواجة 🦜

🤣كلاكيت باب السعادة ٣🤣بقلم الشاعر د. سمير خليل

 ------+++ (٣)كلاكيت باب السعاده +++------

يا داخل  باب  السَّـعاده  بِشْوِيش على الأٌُكْرَه

حاسِب تكْـسَرها إيدَك والباب لدَخْلِتَك  يِكْرَه

وادخُـل برِجلَـك اليِمِين وسَلِّم على  المَـطْرَح

خليها لحُصان سَعدَك المَرْمَح .. ليومَك وبُكْرَه

د. سمير خليل

🌹باب السعادة ٢🌹كلمات الشاعر د. سمير خليل

 -

---+++ (٢) كلاكيت باب السعاده +++----

بَـاب السـعاده يـسـاع من الحَـبايِـب ألـف

إفتَحُه ع البَحرى ولا تواربُه لرُكْبَه وكِتْف

ودخَّـل الحَبايب هالَه بالَه من غِير صَـف

ولو ليه شِباك خلَّـيهم شَـبابِيك تِـصْـطَف

د. سمير خليل

😢يوم الوفاء😢كلمات الشاعرة/ صفاء الخواجة

 🪶يوم الوفاء🪶

لما قالوا.... إنه مات

قلت ع الصدق السلام

أصله كان صاحب مباديء

فى المواقف والكلام

قلبه طاهر ..ضحكه صافي

روحه مابتعرف ملام

هو ده شاهر.ده شاعر

حرفه مليان بالعلام. 

****

ربي راضي عن أصالته

عن رجولته وصدق قلبه

عن مواقف شوفنا فيها

جندي جاي بيوفي وعده

حرفه كان دانته وسلاحه

شغل ..شاغل كل وقته

****

🪶بقلمي/ صفاء الخواجة 🪶

😢آهات ومعاني😢كلمات الشاعر/ اسماعيل عبد الهادي

 ...*( آهات ومعاني)*...

    .......................

كلمة آه ليها ألف معنى

ياما كتير كلنا قولناها

ياما شكينا بيها آلامنا

واتمنينا ف يوم ننساها

بس وراها نلاقي  آه

ندوب فيها وبنعيشها

ونلاقي آه تداوي آه

تسعد قلوبنا وتنعشها

آه من بعد وهجر جارح

و آه بتصرخ م المواجع

واللي راح   باع  البراح

واتسجن ولا عدش نافع

أنهو   آه  ممكن   نقولها

ومين راح يدفع   التمن

وآه ساكنها وعايش فيها

وألف  آه من  الزمن

قولولي ياناس مين فيكم

يداوي الآه  ويشفيني

وأي آه بنظره ح ارضا

وأي ضحكة ح تكفيني

        ************

رحم الله شاعرنا الخلوق الأستاذ /احمد شاهر

بقلمي/اسماعيل عبدالهادي ابوالعلا

🪶النورس🪶كلمات الشاعرة/ صفاء الخواجة

 😢النورس😢

الاسم أحمد واللقب شاهر

 للصدق كان مغوار و فارس

القلب أبيض.. والحرف عامر 

للشعر كان مقدام و دارس

كان للمحبة ..صاحب مدارس 

جوه بعيونه. ربان وحارس

أحبابه ياما.. شاهدين وقالوا

كان للمباديء. ساقي وغارس

مش جاية أقوله وداع ياشاعر

والدنيا بعدك . هم و متارس 

أنا جاية أأقوله بقلوبنا دايم

نورس معلم.. لنفوسنا آسر 

😢بقلمي/ صفاء الخواجة 😢

🪶يلا نبني🪶كلمات الشاعرة/ صفاء الخواجة

 💥يلا نبني💥

الكفاح فى الدنيا لازمه

حبة ياما م. الدروس

نرعى رب الكون وندي

حب صافي بدون فلوس

نرعى ديننا ...وبصلاتنا

نحيي قلوب ويا النفوس

نبني دايما ...بالمحبة 

نلقى دنيا مافيها  سوس

💥بقلمي/ صفاء الخواجة 💥

✨ياساتر✨بقلم الشاعرة/ صفاء الخواجة

 ✨ياساتر✨

إيدين ممدودة .. تكرهنا

وناسية مودة ومحبة

قلوبهم من سواد الليل

مفيش م الخير ولا حبة

✨بقلمي/ صفاء الخواجة ✨

🤲 إللي هادينا 🤲 كلمات الشاعرة/ صفاء الخواجة

 💥إللي هادينا💥

ياللي طبعك الخيانة

قولي إمتى راح تفوق

تعرف إن ليك ..نهاية

بعدها منك ..نروق

****

ياللي طبعك.. النفاق

والتسلق..والغرور

إمتى تعرف كله زايل

ليه بتظلم؟ ليه تجور؟

****

ياللي حقدك بان عليك

والغليل جوه ف عنيك

لو تعود ..لطريق مودة 

تلقى جنة بين إيديك

****

دنيا حلوة .. بتنادبنا

نبعد الشوك من وادينا

نمحي حزن.. وكتر ذل

يوم نعود لله.. هادينا 

****

💥بقلمي/ صفاء الخواجة 💥

😢حديث الشجون😢بقلم الشاعرة/ صفاء الخواجة

 😢حديث الشجون😢

كُتبت تأثرآ لوفاة الأخ والصديق المحترم الشاعر الكبير أ/ أحمد شاهر.

💧💧💧💧

لما يغيبوا الصحاب

الدنيا تبقى وحشة

والضحكة تبقى غايبة

وتجينا كتير آهات.

لما يغيبوا الصحاب

حكايات كتيرة تبعد

فيها نجاحات بتسعد

ومعاها الذكريات

والدمعة ..تبقى فينا

بقلوبنا ..مش عنينا

مدفونة ..جوه منا

وناقصنا كتيرحاجات

أحلامنا تروح. وترحل

أمانينا برضه تصعب

تحقيقها شيء محال

تايهين جوه الساحات

(أحمد) كان نسمة حلوة

والطيبة فايحة منه

والضحكة جميلة صافية

وعلومه خد و هات

(شاهر).. وصفاته حلوة

وصداقته فيها قوة

تسند للضهر.. تسعد

ليه قالوا إنه ..مات؟؟

ياقبر ياللي .. نازلك

ده جميل السيرة أوعى

تلقاه... إلا بمحبة 

خليه بأمان ..يبات

وصيتك إيد ..تطبطب

والتانية..بيها سطب

أعماله ..

الحلوة فرشة

ومكانه فى  الجنات

😢بقلمي / صفاء الخواجة 😢

♥️مش هنساك♥️كلمات الشاعر/ محمود عمار الزلباني

 =====مش هانساك=====

ليه بتقولي يا روحي إنساني 

ليه مستعجل ع النسيان 

ليه مش قابل بس حناني

ورافض حبي برضو كمان 

كل جوارحي ليك وخداني 

وقلبي فى حبك بقى هيمان 

ناوي

تفوتني كده وحداني

وتخلي القلب يبات حيران 

دا إنت يا روحي كل كياني 

وانت لعيني فرح زمان 

أنا فكرتك جاي عشاني 

تسعد قلبي وبيك فرحان

وفاكر قلبك يوم يهواني 

وأتاريك بتفكر ف الهجران 

أنا مش هانسى إنت انساني 

أصل ياروحي أنا إنسان

------محمودعمارالزلباني

🖍️سطور حكاوي🖍️بقلم/ نورهان فؤاد

 

✨زمن المحمول✨كلمات الشاعرة/ هوي الامام

زمن المحمول

زمان لما ييجب الضيف

كان الجودة بالموجود

لحم او حتى مش بدود

وكان البيت مفتوح

اللي طالع واللي داخل

وما تعرف مين فيهم

صاحب الدار

وكانت الدنيا عمار

والليل فيها زي النهار

وما كان حمل ولاارهاق

وكانت المحبة بالمحبة 

والزيارات صلة أرحام

والآن صبح كله بالمحمول 

 التعازي والافراح

 ‏وحتى الأعياد بالمحمول 

 ‏وغابت فرحة الزوار

 ‏وصبحنا جوه الدار

 وما حد عارف ايه

 ‏الاخبار

 ‏ وحتى الجار

 ‏ما عاد عارفين مرتاح

 ‏ولا تعبان

 ‏ونسمع عن فلان مات

 ‏من خمس أيام والريحة

 ‏طلعت من الشباك

 ‏هو ده الزمن الجديد

 ‏اللي جاي بكل جديد

 ‏النت والمحمول

 ‏اللي

باعد بين الناس

 ‏وقفل الأبواب بالترابيس 

 ‏وكله ايه يفيد

 ‏لو ما فيه طاعة

 ‏للرحمن ونهج

 ‏للنبي العدنان

                   هوى الإمام 

 ‏

 ‏

⭐ أنت حبي⭐كلمات الشاعر/ صلاح سعد

 *** أنت حبي ***

===========

شييء فيهما ينقلني

خلف أسوار دنياي

يسافر عبر أعماقي

رغم آلام البداية

يبعث النسيم قبلا

يشق مغاليق النوايا

في ثبات الليل يسري

معلنا فى القلب غاية

لاتقل أنت حبي

فحبي بين أحضان ندى

في رياض العمر يسري

شمس دربي للنهاية

ومن شذى الصبح يمسي

بين جدران المرايا

وهدى العين ضياءٓ

يستحي منها ضحاي

والندى نبض قلبي

فيها سطرت الحكاية

من شجوني زار شوق

دار حبي ومنايا

فخلت ان فى يداها

اسبح عبر حلو السجايا

فاذا بالديك يصدح

معلنا فجر الهداية

ففتحت عيني بكفي

فوضأني

دمع بكايا

بقلم : -

**صــــــــلاح الدسوقى سعـــــد**

🌹كلاكيت باب السعادة 🌹بقلم الشاعر الكبير د. سمير خليل

 ----+++ (١) كلاكيت باب السعاده +++----

يا بَـخْـت من دقَّـت السَّعاده على بابه

وفَـتَـح ورحَّب  بِـزوَّارُه  وكل أحبابُـه 

الدُّنْـيا إيه غِير لحـظِة في

أَبَد الخلود

إفتح لسَعْدك فيها الحدود .. بلا بوَّابه

د. سمير خليل

💥ملاك حارس💥بقلم الشاعر/ صابر الخواجة

 ملاك حارس

أنا ملاككِ الحارس

بدون ما تحسي بوجودي

بأغنيلكِ علي عودي

واقولكِ بالرضا جودي

أنا جنبكِ وحواليكي

وأنا النني اللي في عنيكي

وأنا السند اللي في إيديكي

وانا الخطين اللي فوق كفكِ

أنا ملاككِ الحارس

بداوي لو هوى جرحكِ

وأفرح لو مر طيف فرحكِ

وأغطيكي من الهوى الخداع

وبأحميكي م اللي جار أو باع

ولو نبضكِ في يوم إحتار

أو قلبكِ بكا في نهار

بأكون للقلب ميت فارس

بسيف مغوار 

صابر الخواجة

🌹غياب القمر🌹كلمات الأديب مهندس/ نواف الحاج علي

 غياب القمر

يقول النجم !! هذا قدر !!

حتى وان غاب القمر ؟

يظل قطار الحياة يسير !!

يحمل في الدرب أفواج البشر !!

يطل هلال من بعيد !!!

ويبزغ في الفجر صبح جديد ؟؟

***

ترى هل يعود القمر !!؟؟

وقد أعياه طول السفر

بعد أن ضل الطريق !!

وقد ذاق طعم الفراق ؟؟

فلا أنيس لديه ولا رفيق

أدرك أن لا حياة بلا رفيق ؟؟

صار يصارع الأحزان ينادي كالغريق

أين الصديق الأصيل ؟؟ بالحب خليق

⭐رحمتك يارب⭐كلمات الشاعر/ وافي اسماعيل الشلبي

 رحمتك يا رب

_________

يا رب استرنا

أسترنا يا رحمن

واحفظ لروحنا هنا

من إنس كان أو جان

رميت بذور فرحتي

طرحت رضا وحنان

رويتها لحظة غضب

شاطت في كل مكان

العبرة مش بالكلام

قالوا زمان يازمان

خليك على محبتك

وسط بني الإنسان

وإرمي حمولك عليه

قوم ناجي للرحمن

وإن جيت في يوم تشتكي

ما تشكي غير لله

ماتذل يابني في روحك

غير للكريم في علاه

حافظ على الصلوات

إرمي الشيطان في ممات

أذكر لرب الورى

صلي على حبيبه

بالنسبة للأرحام

صلها في كل مكان

خليك كدا سَباق

متقولش غيري ملاك

دا كلنا م البشر

مهما حصل أو حاك

يارب استرنا

ندعوك فأغفر لنا

وارحم بمن فينا

ضعيف وقلبه برييء

⭐خلف جدار الحلم⭐كلمات الشاعر/ عادل زرقوط

 خَلفَ جِدَارِ الحُلُمْ

عادل زرقوط

خَلفَ جِدَارِ الحُلُمْ...

لَستُ مَن انهَزَمْ

وبَعدَ حُدُودِ العَتَمْ

بِأوَلِ خُطوَةٍ لِلقَدَمْ

أحسَستُ بِالعِظَمْ

لَن أكُونَ مَنْ كَظَمْ

فأنَا مَن انتَقَمْ

أخرَجتُ وَلاَعَةَ القِيَمْ

ورَمَيتُ كُلَ الشِّيَمْ

بِالتَّأكِيدِ...

القَرَارُ انحَسَمْ

وأحرَقتُ النَّدَمْ

مَعذِرَةً...

كَانَ لَهُ كُلُ الكَرَمْ

وبِكُلِ مَالاَ يُعَدُ مِن نَعَمْ

لا تَكُن مَن كَتَمْ

فَقُل حَتَى لِلغَنَمْ

بِاللَّحنِ وَالنَّغَمْ

زِدهَا بِالنُّظُمْ

إن شِئتَ عَمِمْ

فِي جَوٍ قَتِمْ

مِن أسفَلِ الهَرَمْ

أتَى واقتَحَمْ

سَارَ وهَجَمْ

لِلحَطَبِ هَشَمْ

للزُّجَاجِ حَطَمْ

لِلجِدَارِ هَدَمْ

ولتَكُن حَمرَاءُ 

يَا حَكَمْ

مَعَ كُلِ النِّقَمْ

فَلاَ شَيءَ أَهَمْ

مِن أن يَحيَا العِلمْ

ويبَقَى العَلَمْ

خَلفَ جِدَارِ الحُلُمْ...

كَتَبتُ بِالقَلَمْ

لاَفِتَةً لِلأُمَمْ

عَلَى أورَاقِ العَدَمْ

لَيسَ لِي أيُ حُلُم

يَفنَى كُلُ شَيءٍ

وَأينَ إرَمْ

خَلفَ جِدَارِ الحُلُمْ...

قَاضَيتُ العَالَمَ

بِكُلِ التُّهَمْ

خَلفَ جِدَارِ الحُلُمْ...

لاَ ظُلمًا ولاَ سَقَمْ

وبَعَد آخِرِ رَقَمْ

فَالقَدَرُ مَن رَسَمْ

خَلفَ جِدَارِ الحُلُمْ...

أخِيرًا...

الجَهرُ قَد تَمْ

وَنَامَ الصَّمتُ بِالفَمْ

وعَن كُلِ هَمْ

آهٍ كَانَ مِنهُ كَمْ

بقلمي_عادل زرقوط_Adel Zerkout

الجزائر

🌹هيا قلبي إلى الربى🌹كلمات الشاعر أ/ إبراهيم جعفر

 ** هـيــا قـلـبـي.. إلـى الـرُبـى***

******************************

***بقـلـمـي / إبراهيم جعفر***

///////////////////////////////

هـيـــا قـلـبـــــي .. إلى الــرُبـى

إلى فـضـاء رحـب ..إلى فــلاه

إلى غـابـة ..أو شـــاطـيء نهـر

إلى جـبـــل .. نـعــتــــلـي ذُراه

فقد أمـسـيـتُ غريـبـا ،حزيـنـا

شـــريـــداً ..في هذي الحـيـــاة

الـنفـــوس .. تــجـرعــتْ . . .

كأس الفسوق حتى مُنـتهـاه

والعـدل أمـسـى كـســـــــيــحـاً

يمشى الحُبى .. تتـعـثر خُطـاه

والنـفــــاق .. امـتــدت جُــذوره

والـظُــــــــــــــلــم فـــــاق مـــداه

في الكلام ريــاء يخفي سُـمـا

تــحــت اللــســــــــــان ..لا نـراه

وأكثر الناسِ صُـورٌ تـجــمـلـتْ

بالعـيـــون .. لـغـايـةٍ أو لـجـاه

فالشيـطان .. أســكـب خـمـره

والعُـقول اسـتعـذبـت طـــلاه

امـــتــلكـــت راحـــهُ الأبــــــدان

فـنـال  منهـا ، مـأربـهُ .ورجــاه

صار الـشـرُّ بالبشر يــسُـوقـهـا

كـالـدواب ، وقــطـعــان رُعـاه

صمت الآذان عـن صـــــــوتٍ

يُــنــادي لطــريــــــــق الـنـجـاة

وعمـيت البصــيرة والإبـصـار

وذاك شـــــــــــــــــأن  الـبُـــغــاه

وأنت يـا قــلبـــي  حــزيــــــــنٌ

تـتـلـظى بكـل دربٍ لما تــراه

فالإنـسـانـيــة ، بـاتـت لفـظـا

يُــردد ، ولا إدراك . لـفـحـواه

وكُـل يــوم نــــداءٌ للوئــــــــام

يـضــيع ، ولا رجْــعَ لصـداه

الدماء  تُــنـزفُ هُنـا وهُـنـاك

فـارتوى الكوكب وقتُم ثـراه

وضـجـت أحـشـاؤه بجماجم

بـغـيـا .. لم تُمـتـع بـالـحـيـاه

قـتالٌ يدور .. شـرقا وغـربـا

وأيـنما نذهـب وكُل اتـجـاه

ورائـحـة البــارود بـالأُنــوف

حلتْ مـحل الزهـر وشـذاه

بــات للــردى .. ألـــف ذراع

وبكل صوب .. فاغرا فـيـه

فـهـيـا قلبي .. إلى الـرُّبـى

لفضاء رحب .. إلى فــلاه

إلى غابة . أو شاطيء نهر

إلى جبـل ٍ .. نـعـتلي ذراه

نـغــرس . ورداً .. وقـمـحـاً

وفى المـســــاء ، نـبـتـهـل

لخالق الـبـدر في ســمـاه

مع الفجر نستحم عـطـرا

تُـنـعـشــنـا قـطــرات نداه

نــبــنـي كُـوخـــاً ، نُـصـلـي

ونشــــــكر ، ونعـبـد الإله

/////////////////////////

بقلمي / إبراهيم جعفر

من ديوان ( آنـات قـلـب )

مخطوطا لم يُطـبـع بـعـد

🌟كن ورعا🌟كلمات الشاعر/ صالح جليد

 كُنْ وَرِعاً

لا تخافنَّ غَدْرَ الزمان  مَهما طالَ

فاللهُ أقوى وأعظمٌ من الغدرِ 

ماواجهتْكَ منْ مصاعبَ  جمَّةٍ

فالرَّبُّ قد يُهَوٍّنها بعد ذاك العُسْر 

هذا قضاءٌ و تصاريفُ الزمانِ 

ولله من قبلُ ومن بعدُ كلَّ أمر 

ستزول مصاعبك وإِنْ كَثُرَت

 وسينصرك الله عظيمَ النصر 

ستذكر أنك عشت المتاعب و

تخطَّيْتَها قوياً من حيث لمْ تدرِ

ستنقضي أيامُك كالبرقِ مُسرعةً 

و حَتماً مآلك محتومٌ إلى قبرِ

إياك وترك صلاةَ الجٌموعِ عُنوةً 

هُبَّ إليها و خاصّةً عند الفجر 

رمضانُ كريمٌ صُمْه وقُمْ لياليه 

فعددها قليلٌ لا يزيد عن الشهرِ

حقٌّ المساكينِ في مالِكَ أدِّه 

لا تبخلْ عليهمْ  مالَكَ مِنْ عُذْرِ

و إن استطعت فَشٌدَّ الرِّحالَ 

حَجَّةً مفروضةً مرة في العُمْرِ

كلُّ هذا مع شهادةٍ واستغفارٍ

للهِ لعلك ألاَّ تكونَ في خُسْرِ

أما النوافل فلا تستصغرها 

ربّما بها تنجو من نارٍ و جمرِ.

       صالح جليد المغرب

💥لا تقرأي شعري💥كلمات الشاعر/ يحيى عبدالفتاح

 قصيدة ( لا تقرأي شِعري )

لا تقَرأي  شَِعري  فإنَّ

أشبـاهَ  المسخِ

لا تُحْسِنُ التَّرتيلْ

مِلؤ فيكِ  مـِلـحٌ

فهل لشفاءِ الجرحِ

بالـملـحِ  سبيلْ

مِلؤ  فيكِ سُمٌّ مميت

يسـري على حـرفي

زعافاً   يسـيـلْ

كلُ  القصائدِ تصرخُ وجَعَاً

إن  المسخَ

لا  يحسِنُ  التأويلْ

.........     ....... .    ...... ... 

يا امرأةً قـَتَلَـت كلَ 

أغاني  العـشـقِ

وراحـَتْ ترقـُصُ فَرَحـا

ما  أبـقـت  إلا  صوت

أنـيـنٍ  في الأفقِ

أهاجَ  أنـيـنُهُ  جُرحَا

أطْبـقَ  الموتُ عـلـيه

وجـَثـَا على الصدرِ

مـثـلُ  الرَّحَى

فـمـحا  كلَ تباشيرِ

الضُّـحـى يـُمْسي عليلَ

القلبِ  كما  أصبحَ

..........    .... ...      ..... ..

أغوانـي  سرابٌ ما  حَسِبتُ

أن  الشهدَ من  فيكِ سمومْ

فأقبلْتُ  أنْهَلُ  حتى  ارتويتُ

فأصبحتُ بملحِكِ جرحي سقيمْ

لا  تقرأي  يا  امرأةً  أتتْ

بالمُرّ  من  قلبِ  الكرومْ

حسِبتُ  لمعةَ  النّصْلِ  نورَ

الصبحِ  من  عينيكِ  يدومْ

حتى  غَارَ  في  كبدي فألفيتُ

في  حشاي  جرح  أليمْ

........     .........     .... .......

لا  تقرأي  شِعري

فإن  الراهبَ  ألقى

بسَفَرِ الرواحْ

وأن  مليكتي  ماتت

وأن  الصبحَ  المسافرُ

لا  يُسْتَباحْ

وبعد  الليلِ  سيأتي

ظلامٌ  وبعد  الظلامِ

يموتُ  الصباحْ

كأني  بليلٍ  طويلٍ

بطيئٍ  يشعلُ

ملحُكِ  فيهِ  الجراح

بقلمي (يحيى عبد الفتاح )

👏أرفض الانصياع👏كلمات الشاعر الراقي م. محمود الحريري

 "أرفض الانصياع" 

----------------------

لاتَتَوَهَمِي أنى وقلبى .. 

قد نعودُ إليكِ ..

لاتتَوَهَمِي أنى سَأجْثُو 

راكعاً بينَ يديكِ .. 

لاتتوَهَمِي أنِّى سأنسىٰ 

عذابَ حُبِّكِ ..

فمازالت دِمَائى .. 

تصبغُ راحَتَيكِ..

لاتتوَهَمِي أنى سأعفو .. 

بعدَ أنْ سقطَ القناعْ 

وتركتِ قلبي وحيداً

فى مَتاهاتِ الضياعْ 

ليصارعَ المجهولَ.. 

ويحتدم الصراعْ .

لاتتوَهَمِي أنى سأقبلُ

أنْ يدومَ عذابُ قلبي .. 

أو تضيعَ مِنْ قدمِي

تفاصيلُ دَرْبِي .. 

فسوفَ أُعْلِنُ التَحَدِّي  

وأرفضُ الانصياعْ.. 

-------------------------------

بقلمي؛ م/محمود الحريري

من ديواني "أمواج الشوق"

🌹 تقليد 🌹بقلم الشاعرة/ صفاء الخواجة

 💥تقليد💥

آه ياني أحوالنا بقت نيلة

والدنيا كئيبة ومسكينة

مع ناس مليانة بدي الحيرة

عاطيين لعقولهم تعسيلة

****

لا نهار بالشغل راحوا أهتموا

 ولا دين ف ليالي بيشغلهم

ولا فيش بالقلب الا مشاكل

من كتر الغيرة اللي ف بالهم

****

علشان ما نصلح من حالنا

يلزمنا نغير .. أحوالنا

ونعود لأصولنا.. وموالنا

وعاداتنا الحلوة تنورنا

****

تقليد الغرب ده خسرنا

لبيوتنا ولولادنا وجارنا

والعيبة بتكتر فى بلادنا

برجوعنا لربنا ده مكسبنا

****

💥بقلمي/ صفاء الخواجة 💥

🤲حي على الفلاح ٧🤲كلمات الشاعر الكبير أ/ فاروق الباشا

 حي على الفلاح.."٧" بقلم الغيث الوفير فاروق الباشا

                حي على الفلاح"٧"

حصل  ثوابا   ولو  كدت  بلوغ آخر رمق

ولا تستصغر المبذول فقد يكون عظيما

الحسنة بعشر إن تأتها في ميزان الاجور

فالوزان يوم الحساب رب علمناه  كريما

و السيئة  جزاؤها  وتر  لاثاني  له يمحها

معروف تأتيه يمناك عفي الرياء وطهورا

فشمر  لتقريب  معروف  وإقصاء   منكر

فالمأل  حق  مؤجل  وروده  أمرا   يقينا

فهلا أعددت ليوم الخلال فيه ولاشفاعة

تأتيه  يوم   القيامة  منفردا     ووحيدا

فكن  متفردا  بين  من  عملوا    ابتغاء

وجه كريم أعد للطائعين جنات ونعيما

      مع ارق تحيات فاروق الباشا

🤲اليسر بين عسرين🤲كلمات الشاعر الكبير د. سمير خليل

 ---+++ اليُسْرُ بينَ عُسرَيْن +++----

إذا ضاقَـت علَيكَ ... دُنْيَاك والمَطْرحْ

ففكر بقَول الله تَعالى ... ألَـمْ نَـشْرَحْ

فاليُسرُ قَـابَ قَـوسٍ ... مِن العُسْرَيْن

فانْصُبِ إلى ربِّـك العَينَيْنِ ... تَـفْـرحْ

د. سمير خليل

✍️رسالة أمل ✍️بقلم الشاعرة/ صفاء الخواجة

 📝 رسالة أمل📝

القلم زهقان وعاصي 

يكتب الحروف بسنه

والكلام هربان وناسي

إنه مني . وإني منه

الملل كتير .. وفارس

كل وقتي وأي ميللي 

والليالي.. فاردة خيمة

من ألم  عشش بسني 

بس عايزة.. أأقول وأنبه

الدموع دي .. مش لمثلي

رافضة يأسي والصحاري

والسراب ح يفوتوا ضلي

بكره جاي الفجر.. صابح

ينهي قهري ويعلى ضحكي

🖍️بقلمي/ صفاء الخواجة 🖍️

✨بتواسينا✨بقلم الشاعرة/ صفاء الخواجة

 ✨بتواسينا!!✨

بعد إيه وإزاي.. وليه

ياما قالوا كتير زمان

أي كسر وجرح لازم

ننسى نزفه بالحنان

ننسى كل خطاوي فيها

كات دموعنا بتناجينا

نبعد أي إيد.. بتدبح

وجاية تاني بتواسينا

ياللي رايح ياللي جاي

أوعى تجرح يوم لقلب

أو لصاحب.. أو قريب

تلقى سكة ماليها رُعب

✨بقلمي/ صفاء الخواجة ✨

🌹حب الناس🌹سجال بقلم الشاعر م. محمود الحريري والشاعرة/ صفاء الخواجة

 سجال "حب الناس" 

بين الشاعر م. محمود الحريري

والشاعرة أ. صفاء الخواجة 

---------------

محمود

لما تكون بتحب الناس

تلقىٰ الناس كلها بتحبك

صفاء

تعرف حب الناس ده بإيه

بيكون دايما.. كله مودة

محمود

لما بتسعي لعمل الخير

عمر الدنيا ف يوم ماتذِلَّك

صفاء

لما نحب ..الخير.. للغير

نلقى إيدين الدنيا مهاودة 

محمود

أصل الحب ده حاجة جميلة

لو حبيت الحب يصاحبك

صفاء

لما ننادي .. الحب يجينا

حلم جميل شايل. أمانينا

محمود

أما الحقد ده شيء مكروه

عمر الحاقد يوم ما يحبك

صفاء

يقطع إسم الحقد ويومه

يبعده عنا وعن ليالينا

محمود

إبعد عنه وعن أحقاده

أصل بحقده أكيد هيضرك

صفاء

نفسي الحاقد يعرف دايما

مش ح ينول الحب بغله

محمود

لما يشوفك يوم فرحان

غِله يسوقه ويقتل فرحك 

صفاء

اوعى تآمن.. يوم لنداه

أو يغريك بهزاره و ضحكه

محمود

ولما فى يوم تحصَلك أزمة

تلاقيه يفرح ويزيد همك

صفاء

آه وياناس.. منه ده بوريه

له أسافين.. وعلينا تدله 

محمود

لما ياصاحبي تكون محبوب

روحك تصفى ويفرح قلبك

صفاء 

نفسي الكل يكون بوضوح

شاري لناسه وبايع إثمه 

محمود

ربي يبارك فيك ويعزك

والناس كلها تفضل جنبك

صفاء

لما تكون محبوب حبوب

إبليس يبعد عني و عنك

محمود

أصلك لما تحب الناس

تلقى الناس كلها بتحبك

صفاء

أيوه أكيد ده بحب الغير

تلقى الخير بيقرب منك

******

بقلم الشاعر م. محمود الحريري

الشاعرة أ. صفاء الخواجة

🌹باب السعادة🌹كلمات الشاعر أ/ اسماعيل عبد الهادي

 ♥باب السعادة♥ 

باب السعادة بيفتح

مره على سهوه

واللي انكتبله السعد

يدخل   ويتهنا

ويابخته اللي اتوعد

وحاله من حالنا

حيلاقي الورد فتح

وبعطره يتحنا

  ********

اصل السعادة  وعد

وقسمة   مع مقسوم

واللي  ملهوش نايب

ماليه   علينا      لوم

واللي  قلوبهم  حجر

فيها الوداد معدوم

لا عمره يحس بيها

ويعيش كمان محروم

  ********

باب السعادة مراده

يفتح   لكل   الناس

بس الناس اللي ناسيه

انه   بلا      ترباس

محتاج نخلصله النية

الحب فيها اساس

وبكلمة حلوه يفتح

والرك ع الإ

حساس

  ********

بقلمي/ اسماعيل عبدالهادي ابوالعلا 

اسعدكم الله اصدقائي وفتح الله لكم كل ابواب السعادة

🤲حب الله🤲كلمات الشاعر الكبير د. سمير خليل

 -----------------+++ حُب الله +++-------------------

حُبِّى لرَبِّى كتَبتُه بجْبِينِى ... فى  صَفْـحِــة السَّـجْـدَه

باخلاص  التَّشَهُّد ... واصْباعِى مُوَحِّدُه  على الفَخْدَه

قَفَلت كِتاب الفَرْضْ بالسُّــنَّـه ... م العِشا لفَجر دُنْيانَـا

ونِيِّتِى للذى سَوَّانا ... أشَمَّــر مِئْـزَرى واشِدُّه للهَجْـدَه

د. سمير خليل

♥️حب الناس♥️كلمات الشاعر/ م. محمود الحريري

 "حب الناس" 

---------------

لما تكون بتحب الناس

تلقىٰ الناس كلها بتحبك

لما بتسعي لعمل الخير

عمر الدنيا ف يوم ماتذِلَّك

أصل الحب ده حاجة جميلة

لو حبيت الحب يصاحبك

أما الحقد ده شئ مكروه

عمر الحاقد يوم مايحبك

إبعد عنه وعن أحقاده

أصله بحقده أكيد هيضُرَّك

لما يشوفك يوم فرحان

غِلُّه يسوقُه ويقتل فرحك

ولما ف يوم تحْصَلَّك أزمة

تلاقيه يفرح ويزيد همك

لما ياصاحبي تكون محبوب

روحك تصفىٰ ويفرح قلبك

ربى يبارك فيك ويعزك

والناس كلها تفضل جنبك

أصْلَك لمَّا تحب الناس 

تلقىٰ الناس كلها بتحبك

--------------------------------

بقلم : م/ محمود الحريرى

من ديواني "ابتدا بحبك صباحي"

🌹سجال إرتجال🌹بقلم الشاعرة/ صفاء الخواجة والشاعر/ عوني هشام

 سجال ارتجال مباشر

 في أحد المنتديات

بيني.. صفاء الخواجه 

والأستاذ الشاعر  .. عوني هشام 

===================

......... صفاء الخواجة 

باعترف لك 

إني لسه محتاجة لك 

رغم غدرك. رغم هجرك 

رغم بُعدك فجأة عني 

وإني مش عارفة أفسر 

أو أأقدر. ليه بعدنا 

بس لسه قلبي هايم 

لسه بيغني كلامك 

يوم ما كنت وموعودة لك 

عيني يملاها بكايا 

لما تصحى مشتاقة لك 

نفسي أعرف إيه جنيته 

خلى ف الهجر. النهاية 

لما أفكر بألقى نفسي 

لازم أنسى!

كل وعد وعدتهولي 

كل عهد أخدتهولي 

بس حبي بقلبي .صادق 

شوقه قاسي 

عايزة أنسى كل حاجة 

بيها أفتكرك وأحزن 

بس ويلي من حنيني 

لما شوقي بيناديلك 

أنت من عيني سقط

بس قلبي لسه برضه 

حبه طاير 

لسه شوقه يوم ما حط 

نفسي أنسى كل ظلمك 

أو تقولي ليه هجرت؟

========

.................عوني

عايز  أنسى   وأنسى  ليه

هو   قلبي    عملك     إيه 

نازله     بتحطي       عليه

وكل   حاجة   من  خيالك

رغم  بُعدك    رغم  هجرك

هو    برضه   لسه   فاكرك

وف هيامه    برضه ذاكرك

بس  إيه    غير  فى  حالك

عاش   بحب   وكان  ماليه

نفسه  شوق   يتغطى   بيه

وانتى       دايما      تبعديه

هو    فين    راح     كلامك

الوعود    زادت     وفاضت

والقساوة   معاكي   زادت

كل دا    وانا برضه   ساكت

صارحيني    انتي     مالك

واخده   ركن    فى   البعيد

قولي   حاجه   فى   المفيد

انا   قلبي      مش    جديد

ياما خد    مني       وشالك

بس ذاكري   فى اللي   راح

لما        زودتي      الجراح

خلاص   مفيش بينا  مباح

لازم   انسى     ومكتوبالك

..... وعجبي

...... عوني هشام 

-------------------------

....... صفاء الخواجة 

كل حاجة... من خيالي

ناسي هجرك لي وآلامك

ويا غدرك. وإشتياقي

ناسي ليلي معاه عذابك

جاي بتدافع ...وتظلم

فين دموع قلبي بهوانك

روح ياظالم. وابعد أحسن

مش عشاني . لأ عشانك

--------------

.............عوني

مش هارد   بأي      قسوة

رح ازيد   الحرف   نشوى

عن غرامي بشوق ونجوى

واللي شيلته معاك عشانك

أي  ذنب     عملته     فيك

افتكر    جرحي     بايديك

تبتعد     أنده          عليك

وأنت     بتسد ف   ودانك

ذنب    واحد  كنت  عارفه

حبل ودك   ساب    بطرفه

وكل  سطر    مال  بحرفه

لما طار    عقلي    بجنانك

وانا صابر

..... وعجبي

...... عوني هشام

_____________

......... صفاء الخواجة

ليه تبرر . ناسي عهدك

لما هجرك دام و خُنته

فين غرامك.ليه بتكدب

فاكرة ظلمك إللي عشته

روح لغيري ..بكره تعرف

فرق حبي اللي أنت بعته

--------------

........... عوني هشام 

انا    واثق     من    كلامي

مش رح اكشف  عن آلامي

لما  خنتي   يوم     غرامي

ودا   كان   بخلاف  لوعدك

كنتي طير  وهجرتي عشك

عمر     ما فكرت     اهشك

ولا يوم    فكرت     اغشك

وكل فكري كان  فى سعدك

انا   شفتك     ويا     غيري

ساعتها    حددت    مصيري

عشان   نكرتي   كل  خيري

عايزاني  ارجع  لا دا  بعدك

...... وعجبي

..... عوني هشام

-------------

.........   صفاء الخواجة 

مين لغدرك نفسه يرجع

أنت حالم .ناسي غشك

والخيانة..دي فى ..طبعك

لاصقة فيك.. كنيتها اسمك

اللي زيي.. توبها يعشق 

الوفاء..  وكرهت عشك

...................

بقلم أ. عوني هشام

أ.  صفاء الخواجة

🌹نية العمل🌹كلمات الشاعر الكبير د. سمير خليل

 ---------+++ نيَّـةُ العَمَـل +++----------

ربَّنا ربُّ القـلوبِ المُؤَمَّنَّةُ بحِصْنِ الشُّهود

جَعل لنـا الأرضَ مَسجِدًا طَاهِرًا للسُّجود

وإنما الأعمالُ بالنِّياتِ اللهُ يَقبلُ صالحُها

مُوقِنُ بها فاعِلها ... ولوَجْهِ ربِّــهٍ المَعبود

د. سمير خليل

🍎غواص فى بحر الهوى🍎بقلم الشاعر الراقي م. محمود الحريري

 "غواص فى بحر الهوى" 

--------------------------------

غواص فى بحر الهوى

وأغوص فى أعماقِك

اغرس بذور المحبة

وأراعي أزهارِك

واعزف أنغام مودة

على كل أوتارِك 

واسأل كرات دمِّك

عن كل اسرارِك

        ،،،،،،، 

غواص فى بحر الهوى

وأصارع الأهوال .. 

ولما اشوف ضحكتك

أنسىٰ التعب فى الحال

واغزل خيوط المحبة

واهديها ليك ياغزال 

انتي هدية حياتي

والبعد عنِّك مُحَال     

        ،،،،،،، 

غواص فى بحر الهوى

والحب راس مالي.. 

مش ممكن ابعد عنك 

ولا اقول اشوف حالي 

دي النظرة منك دوا 

تصلح لي أحوالي.. 

إنتي العمر اللى جاي

إنتي.. هدف غالي.. 

--------------------------

بقلم : م/ محمود الحريرى

من ديواني "رضينا بالمقسوم"

🌹للحبايب رجعينا🌹سجال دويتو بقلم الشاعرة أ/ صفاء الخواجة والشاعر م. محمود الحريري

 

♥️للحبايب رجعينا ♥️

سجال دويتو بين

أ. صفاء الخواجة

م. محمود الحريري

---------------------------

صفاء

ليه نقاسي يادنيا فيكِ

ليه نحبك.تكرهينا

وأما ننوي خلاص نبيعك

تيجي تجري تطمعينا

محمود

هي أصلاً دنيا قاسية

وياما نلقاها تعادينا

 لو ف يوم نتعب ونحزن

لا تراضينا ولا تواسينا

*****************

صفاء

واللي فيكِ يحب فينا

عنه دايما ..تبعدينا  

واللي نكره.. قربه منا

ليه بوده .تلزمينا

محمود

فيها حاجة غريبة جدا

بيفارقنا اللي يصافينا

واللي دايما بيجافينا

بنلاقيه قدام عنينا

****************

صفاء

أمرك أنتِ غريب وياما

حيرة فيك تشبعينا

وتلومينا عشان بنحلم 

وفى آمالنا عزتينا 

محمود

أمرها بقى شئ يحير

كل ساعة بترازينا

يلا بينا نعيش حياتنا

نمسك الحلم بإيدينا

***************

صفاء

من عذابك .. أرحمينا

ازرعي الفرح بوادينا

وأما يوم تلاقينا توهنا

للحبايب.. رجعينا

محمود

ربنا عالم وقادر

بالسعادة يجود علينا

يزرع الحب ف قلوبنا

يبعت الأحباب إلينا

****************

بقلم :

  🌹أ. صفاء الخواجة 🌹

🌹م. محمود الحريري 🌹

🤲شهادة التوحيد🤲كلمات الشاعر الكبير د. سمير خليل

------+++ شهادَة التَّوحِيد +++------

خصََّك اللهُ يا مُسْلمَ شهادةَ التُّوْحِيدَ

حِينَ يقولها مُخلصًا للهِ فاكَ

جزاؤُها الـجَنَّاتُ العُلا ولدَيـهِ المَزِيدَ

ومَـا تّدَّعِى من نُـزُلِ مَـوْلاكَ

د. سمير خليل

🌹الوردة الذابلة🌹كلمات الشاعر د. حسني سيد أحمد

 الوردةُ الذابلةُ

ـ*******ـ

الوردةُ إن ذبلت يوما 

 .........................فرحيقُ ميسمها لا يزال باقيا 

 

 نرويها بماءِ الشعرِ بلسما

 ......................لروحها وخيالها الهيمان شافيا 

 

 يا وضاءةُ النور المبتسمِ

 .................................كلام الرحمن لكِ راقيا 

 

 سلمتِ وردتنا وزهرتنا 

 .......................وأنا لكِ يا زنبقةِ البستان فاديا 

 

 شذي من رحيقِ الجنانِ

 ...........................أوردتْ سحرا متألقا متعافيا

الجذرُ أصيلُ والساقُ نحيلُ

.......................والأوراقِ فواحةِ شذا متراميا

يحتار فيها العقل دوما

..............فالفن مبهاها والشعر والرأى القاضيا

يا أيكةَ التنسيق المتناغم

..............السقمُ يولى إِدبارا عنكمُ للوردةِ داعيا

وتمرُ لحظاتنا سائلة عنكم إن تغيبتم

..............................أينَ هذا الجمالُ الساجيا

يا بلسما وحنانا ونبضا وإلهاما

......................نهار العمر يتوسل إليكِ شاكيا

والليل الكحيل يقترب متسللا

..................يسألكِ السماحةِ والودِ حانيا باكيا

" د . حسنى سيد احمد حسين "

👏ومضات👏بقلم الشاعر الكبير د. سمير خليل

 ومضات

يا حب أنت الذى بالشَّوقِ ... بنَيْت له جنَّة العِشقِ

أيامنا مرت كما عمر الزهور ... وتعتِّقُ فى ٱنِية الحب العطور

د.سمير خليل

🌹شريط الذكريات🌹كلمات الشاعر الراقي م. محمود الحريري

 "شريط الذكريات" 

----------------------

ويَمُرُ أمامَ عَينِي

شَريطُ الذكرياتِ

يَجْتاحُ الحزنُ قلبي

وتسقط  العبراتِ

سنواتُ عُمرِى تُوَلِْي

وتذوبُ ثَنَايَا ذاتِي

أتذكرُ حينَ كُنَّا

ننطلقُ في الطرقاتِ

نلَهو ونلعبُ حِيناً

ونغوصُ في الضحكاتِ

ياحُلمَ عُمرِي وأمَلِي

فلتسمعي آهاتي؟ 

أشتاقُ إليكِ دَومَاً

لتُعِيدِي نورَ حياتِي

فحياتي دونَكِ عَدَمٌ

تمتلئُ بالعقباتِ

وَتمَكَّنَ يَأْسِي مِنِّي

وضاعتْ أُمْنِيَاتِي

وحينَ يَفِيضُ شَوْقِي

أَلُوذُ بذكرياتى. 

-------------------------------

بقلمي؛م/ محمود الحريري

من ديواني "أمواج الشوق

🌹احترت معاك🌹سجال دويتو بين الشاعر م. محمود الحريري والشاعرة أ/ صفاء الخواجة

 "إحترت معاك" 

سجال دويتو

بين الشاعر م. محمود الحريري

والشاعرة صفاء الخواجة 

-------------------

م. محمود

إحترت معاك وغلبت أنا فيك

ليه بس تلخبطلي كياني

أ. صفاء

ليه بس الحيرة تحيرنا

وتلخبط فينا.ماترحمنا؟

م. محمود

إحترت معاك وبقالي سنين

مش عارف أقول لك إيه تاني

أ.صفاء

أنا برضه معاك بالحيرة باعيش

وأتمنى الفرحة ترجعنا 

م. محمود

ليه دايما بتزيد في عذابي

وتخليني ف حبك أعاني 

أ. صفاء

أنا عمري مازودت عذابك

وأتمنى الحزن  يودعنا

م. محمود

يوم بتاخدني لِجَنة حبك

وتسمعني أحلى أغاني

أ. صفاء

ياما لجنة حب اخدتك

ياما غنينا وياما ابدعنا

م. محمود

ويوم تكويني بلهيب بُعدك

إوعى تكون ناوي على جناني

أ. صفاء

مش ناوية ياسيدي على جنانك

ولا عايزة عوازل تسمعنا

م.محمود

أعمل لك إيه علشان ارضيك

قربت أشيب قبل أواني

أ. صفاء

تراضيني بوصلة مدادية

لا تشيب..ولا تنسى الحنية

م. محمود

احترت معاك وتعبني هواك

حاول تتغير علشاني

إ. صفاء

أثبت لي اكيد أنت شاريني

 مش بس بشعرك ملاغية

م. محمود

زى ماريَّحتك ريَّحني

وبلاش على طول تبقى أناني

أ. صفاء

أنا راحتي ف ثقتي بأفعالك

ولا غدر ألقاه جوه آسية

م. محمود

وياإما تخليني في قلبك

ياتسيبني في حالي وتنساني

أ. صفاء

طب عهد تعالى... ونتعاهده

ما قلوبنا ف يوم تبقى ضحية

****

بقلم

م. محمود الحريري

أ. صفاء الخواجة

💥مستحيل💥كلمات الشاعرة/ صفاء الخواجة

 💐مستحيل💐

مهما روحنا والا جينا

والزمان يقسى علينا

مستحيل ننسى بقلوبنا

قلب ياما ليه ..دعينا

فاتنا غصب عنه سافر

والألم كان له ..و لينا

💐بقلمي/ صفاء الخواجة 💐

💐شريكي💐كلمات الشاعرة/ صفاء الخواجة

 🌹شريكي🌹

أنا جاية أحكي لكم وأتمنى

تسمعوا بقلوبكم وضميركم

عن حلم وكان.. كل حياتي

والسعد ده هو.. إبتساماتي

والشمس بتشرق على ضحكه

ومسايا وعمري.. وبسماتي

والحب وفاء عندي ومبدأ

ورحيله غلبني و ده مماتي

🌹بقلمي/ صفاء الخواجة 🌹

💐ركز معايا💐كلمات الشاعر/ إيهاب السقا

 ركز معايا

ف كل حرف من حبر القلم

عشان حروفه 

بسن دم علي حرف العَلَم

حبر النفاق 

لو حتى فاق

مفيش إجابه مقنعه 

كام مرة حاولت إنى أصدَّقه 

بس

الخداع كان هو لسة مبدأُه

طبع الكلام من حروفه تعشقه 

أقرا الكلام ببقي فى غاية الأمل 

أتاريه أونطة والكدب لازم يسبقه

كأنه شَربَة 

من برة حلوة وجواها ممررة

حروفه جَر 

وكل كلامه إعرابه مبتدأ 

مليانة شَر

والمكر على طَرفُه قد بدأ

أصل القلم 

مَسقِى حبر من برميل الوجع 

بيبخ سم بيلمع كالإزاز

شكله حلو علي هيئة رزاز 

وأمّا ينشف 

بيبقي صخر ومعدن من فولاذ 

كل محاولات التهدئه باءت بالفشل 

حبيت افكه من صباعه وانتشل 

برضوا مصمم إنه يكتب بالغلط 

كلامه ناعم 

وجوة منه كبشه من زلط 

،،،،إيهاب السقا،،،،

💥مجاراة قصيدة💥كلمات الشاعر / د. محمد مدحت

 ___([ مجاراة قصيدة ])___

كم تمضى بنا الأيام 

ما بين سرور و آلام  ...

على لحظات نندم 

و جعلت بيننا الصدام ...

ان الحياة ليست على وتيرة 

واحدة أو على استقام  ...

لم ندرى أ سعيدة  أم 

حزينة  هذه الأيام  ...

فكم ذكريــات ننساها 

و أخرى نتذكرها فى الختام  ...

فحياتنا التى عشناها 

صفحات كيف نطويها مادام  ...

الجراح ممكن يداويها الزمن 

و تنسجها لنا أحبار الأقلام  ...

فكم الشوق يجتاح كيانى 

فى صحوى و فى المنام  ...

و كم أراها كحقيقة 

و دائما أراها فى الأحلام  ...

فيا ربيــــع الهوى عود 

و عطر أنفاس الغرام  ...

و يا كؤوس المحبــة 

اثملينا بطسب الوئام ...

و يا عيون الأحبة أنظرى 

بعين الحياة للأمام  ...

و اجعلى من نار الشوق 

أنوار سعادة لسنين و أعوام  ...

و من نسيم الزهور بساتيــن 

تغرد فيها الطيور  ألحان و أنغام  ...

لننعم بأحاسيس طيبة 

تملؤها الطمأنينة و السلام  ...

بقلم  .. السفير د. محمد مدحت عبد الرؤف 

Mohamed Medhat

👏أنانية👏بقلم الأديب/ على حسن بغداى

 أنانية 

سكنت بحي المضربين عن الزواج .. تخلى الجميع عن مبادئهم واقتربوا منها طمعا في رضاها .. تمسكت بالجميع ..تصارعوا .. مات العديد .. وصلوا لحل ..

وافقوا على أن يتبادلوها حسب الشرع .. وافقت.

👏 أرض الخير👏كلمات الشاعرة/ هوي الامام

 أرض الخير

يا ارض الخير

اجبينا لماذا 

طرحك لم 

يعد يرضينا؟

اجف الماء بوادينا

فتبدل طرحك 

وأصبح شوك يؤذينا

امنع عطائك

وأصبحت بور

ف للصبار تهدينا

أم فقد الأحبة 

زرع غصة بالقلب

وما عاد يطربه فرحا

ولا ياسمينا

تبا لغياب مزق الڨلب

وامات النبض فينا 

     هوى الإمام

👏هي قصة عابرة ١١👏بقلم الأديب/ عادل تمام الشيمي

هِي ...قصة عابرة 

.حلقة  (١١)

بقلم/ 

عَادِلٌ تَمَام الشِّيمِيّ . . . 

. . . . . 

. تَنَاوَلَتْ الْكِتَابَ . . يَتَكَلَّم عَنْ الْحُبِّ . . . . . قَرَاتْ فَصْلًا عَن الْغَيْرَة . . . 

. الْغَيْرَةُ قَاتَلَةٌ فاتِنَةٌ . . تُلهِبُ نَارًا فِي الْقَلْبِ . . وتُشعلُ 

لهبًا فِي الصَّدْرِ . . وتُطعنُ الضَّمِيرِ فِي مَقْتَلٍ . . وتغَطي الْبَصَر . . وَتُعْمِي الْبَصِيرَة . . . 

. . تَأْكُل خَلَايَا الْجِسْم . . وَتُهْلِك 

الرَّسْم وَالْوَسْم . . 

......

. . الْغَيْرَة . . . تُجْعَل الْأَبْيَضُ اسودًا . . وَالْحَبّ 

كُرْهًا . . والهيامُ حِقْدًا . . وَاللَّوْعَة 

فِرَاقًا . . والضنيَ 

ضَغِينَة . . والجويَ جُبْنًا وَخُوَارًا وَهَزِيمَة . . 

......

الْغَيْرَة . . 

تُدَمّرُ النُّفُوس 

وتمحقُ الرُّؤس . 

وَتُزْرَع الْوَسَاوِس . . 

وَتَزِيدُ الهلاوس . . 

.......

. . ثُمّ . . . 

تَنَفَّسَتْ الصُّعَدَاءَ . . 

قَامَت تَنْظُر إلَي عَيْن الْبَابِ . . وَتَرْجِع إلَي حُضْن الْكِتَاب . . . 

. وَتَنَامُ عَلِي جَنْبِهَا الْأَيْمَن 

وَتُجْعَل ذِرَاعَهَا 

أريكتها . . . وتصمتُ طووويلا . . 

غارقةٌ فِي مُحِيطِ فِكْرهَا . . 

تَسِير بقاربٍ 

يَتَرَنَّح فِي 

مَوْجٍ عَاتٍ . 

يَعْلُو بمجداف رُوحِهَا أَعَلَي 

مُحِيط عَقْلِهَا . . 

ثُمّ . يَنْزِل مُنْحَدَرًا فِي 

تَيّارٍ يجرفها 

نَحْو قَاع غفوتها . . 

ولازالتْ تترنح . .

.............

👏اتق الله حيثما كنت 1👏بقلم الأديب م. نواف الحاج علي

 اتق الله حيثما كنت – ( 1 )

ما هي التقوى ؟؟ حين تتقي شيئا أو أمرا ما انما تجعل بينك وبينه حاجزا أو حائلا يحول بينك وبينه فلا يصيبك أذاه، فحين يقول الحق سبحانه وتعالى ( فاتقوا النار التي وقودها الناس والحجاره ) – أي اجعل بينك وبينها وقاية وذلك باتباع أوامر الله واجتتناب ما نهى عنه – وحين يقول الحق سبحانه وتعالى ( يا ايها الناس اتقوا ربكم ) فان لله صفات الجمال مثل اللطيف – الحليم – الغفار – الستير ---- وله صفات الجلال مثل – القهار - المنتقم – الجبار – المذل --- فمعنى اتقوا ربكم اي اجعلوا بينكم وبين صفات الجلال وقاية تقيكم بطش الله وعقابه --- 

 لقد عرفت التقوى بتعريفات عديده نوجز بعضا منها 

 الخوف من صفات الجليل والعمل بالتنزيل والاستعداد ليوم الرحيل .

 أن يطاع الله فلا يعصى – ويذكر فلا ينسى – ويشكر فلا يكفر .

 أن تعمل بطاعة الله على نور من الله - ترجو ثوابه وتترك معصية الله على نور من الله - وتخاف عقابه .

 عبودية لله وحده والخضوع لأوامره والسعي لقربه والأنس بمناجاته .

 التقوى هي فضيلة وسلوك الإنسان والتزام اتجاه الله واتجاه مخلوقاته - ويترجم ذلك في آداء واجباته اتجاه ربه، ووالديه، ووطنه ومجتمعه وامته ---

*****

♥️هروب اللقاء♥️كلمات الشاعر الكبير د. سمير خليل

 -------+++ هروب للقاء +++--------

عمق قلبك راحتي 

مهما أقصتني غربتي

فحبي لؤلؤة أعماقك

في ديباج محارتك

أحبك قدر شوق الجفاء

وقدر عناد غيث السماء

فليلي أجدب بالسواد 

وحبك فيه السهاد

بطيف يمر  في خاطري

يوقظ في رغبتي  سامري

أتناول منه  كأسا من ضحكاتك

على هروبي إليك كلي لبعضك

أحتمي في جوفه هربا منك إليك

بلا هروب في غربة الغروب

ولا عذاب في شروق القلوب

د. سمير خليل