الشاعر / رضا البوشي
المسحراتي ( اداب الصيام )
وحد الدايم اصحى يانايم
🌹 وقول بكرة ناوي الصيام
واسأل على جارك وخلي الباب مفتوح
وتكالك على الفتاح
وزين كدة دارك بالحب والأخلاق
ترتاح في الدنيا ويوم الحساب ترتاح
اصحى يانايم وحد الدايم
الفجر صاحي والعمر ماشي
والطير مسافر والنمل رافع
ايدة بيسبح
وكل واحد رزقة ع الرزاق
🌹الفجر شقشق بيندة بصوت عالي
وعيال زي النمل بتحلم بسرير عالي
والاسطاوية صاحية وحتى كل المعالي
وعشان تنول الرضا وتمسك نجم السما العالي
صاحب عزيز النفس وسيبك من المتعالي
اصحى يا نايم وحد الدايم
الفجر صاحي والعمر ماشي
والطير مسافر والنمل رافع ايدة بيسبح
وكل واحد رزقة على الرزاق
🌹ياللي بتفطر في شهر الصوم
وحنكك كدة أوسع من البدروم
في ناس صيامها كلها شخط ونوم
ولا مرة واحدة تطل وتحن على المحروم
في ناس فطورها وسحورها فتة وناس مش لاقي حتى التوم
اصحى يا نايم وحد الدايم
الفجر صاحي والعمر ماشي
والطير مسافر والنمل رافع ايدة بيسبح
وكل واحد رزقة على الرزاق
ليست هناك تعليقات:
إرسال تعليق