"غَرَّقُوه"
-----------
وقالوا إيه.. بيعوموه
لكن الحقيقة.. غرقوه
دول فطسوه..
أصبح مايسوى نص نكلة
من فلوس ايام زمان
أصبح مُهان..
والعَشَرة منه يادوب..
تمن علبة لبان..
ياميت خسارة على الجنيه
ماتيجوا نترحم عليه
ونفتكر أيام ماكنا بنعتمد
دايماً عليه..
كنا في الشدة نلاقيه
والجيوب دافيانة بيه
دلوقت أصبح ملطشة
وسط الفلوس...
وبكل قسوة عليه تدوس
روحوا اسألوا عنه الدولار
واسألوا عنه الريال أو الدينار
تلاقوه.. صبح محتار
ومعدش ليه أي احترام
جوه.. أو بره الديار
وقالوا إيه بيعوموه
لكن الحقيقة غرقوه
----------------------------
بقلمي؛
م /محمود الحريري
ليست هناك تعليقات:
إرسال تعليق