🥀إمتى؟🥀
قلبي عليك يازمن
بقى فيك كتير أوغاد
عايشين وكل الأذى
بينهم لقا.. ومعاد
****
نصاب وعنده الهمم
وشِباك وراها شِ
على كل طيب حسن
وارث من الأملاك
****
ووسيم. وعنده كلام
بيوقع الفتيات
يلعب. على قلبهم
والإثم عنده يبات
****
تاجر.. يبيع السلع
لا رحمة ولا إشفاق
على.. فقير بالغلا
والمُر منه.. داق
****
قلبي عليك يازمن
خالي من الإحسان
والشهم فيك إندثر
على إيد بخيل وجبان
****
إمتى نعود .. لزمان
فيه وقفة للجدعان
اللي.. بيحموا القيم
من ذئب أو خوان؟؟
****
🥀بقلمي/ صفاء الخواجة 🥀
🍁قلنا وقال🍁
يامكتفين نفسكم
بفلان معاه علان
وكلام قالوه يتوصف
بالغل والبهتان
****
متسمعوش للفتن
بصوا على قدام
سِبوكوا من ده و ده
وانتبهوا للأحلام
****
ح تلاقوا كله سكت
ونجاحكوا صار أمثال
يتحاكوا بيه ويوصفوا
عن جذع عمره ما مال
***"
🍁بقلمي/ صفاء الخواجة 🍁
😢حديث الشجن😢
لكل من رحلوا عنا فبات الدمع بالقلوب عليهم..
لما يغيبوا الصحاب
الدنيا تبقى وحشة
والضحكة تبقى غايبة
وتجينا كتير آهات.
لما يغيبوا الصحاب
حكايات كتيرة تبعد
فيها نجاحات بتسعد
ومعاها الذكريات
والدمعة ..تبقى فينا
بقلوبنا ..مش عنينا
مدفونة ..جوه منا
وناقصنا كتيرحاجات
أحلامنا تروح. وترحل
أمانينا برضه تصعب
تحقيقها شيء محال
تايهين جوه الساحات
دول كانوا نسمة حلوة
والطيبة فايحة منهم
والضحكة جميلة صافية
ولخيرهم خد و هات
(القلب).. صفاته حلوة
وصداقة فيها قوة
تسند للضهر.. تسعد
ليه قالوا إنه ..مات؟؟
ياقبر ياللي .. نازلك
ده جميل السيرة أوعى
تلقاه... إلا بمحبة
خليه بأمان ..يبات
وصيتك إيد ..تطبطب
والتانية..بيها سطب
أعماله. الحلوة فرشة
ومكانه فى الجنات
😢بقلمي / صفاء الخواجة 😢
تم تعديلها لتكون رثاء لكل من اوجعنا رحيلهم
لما يغيبوا الصحاب
الدنيا تبقى وحشة
والضحكة تبقى غايبة
وتجينا كتير آهات.
والدمعة ..تبقى فينا
بقلوبنا ..مش عنينا
مدفونة ..جوه منا
وناقصنا كتيرحاجات.
(سيد) كان نسمة حلوة
والطيبة فايحة منه
والضحكة جميلة صافية
وعلومه خد و هات
(صابر).. وصفاته حلوة
وصداقته فيها قوة
تسند للضهر.. تسعد
ليه قالوا إنه ..مات؟؟
ياقبر ياللي .. نازلك
ده جميل السيرة أوعى
تلقاه... إلا بمحبة
خليه بأمان ..يبات
وصيتك إيد ..تطبطب
والتانية..بيها سطب
أعماله. الحلوة فرشة
ومكانه فى الجنات
😢بقلمي / صفاء الخواجة 😢
🦋قول له عواف🦋
متسشوروش شعركم
ومترسموش فى وشام
***
متبينوش. نحركم
ومتلبسوش خلخال
***
دنيتكوا عايزة الهمم
والسعي ع الأرزاق
***
وولادكوا بالتربية
والعلم جوه الراس
***
ح يفيدوا كل البلد
ويهدوا 100متراس
***
الدنيا عايزة ..السبق
مش عايزة شد لحاف
***
لاجل مانعلى لقمم
حضارتنا تبقى أساس
***
ونعيد لمصر.. القيم
وكسلنا قول له عواف
***
🦋بقلمي/ صفاء الخواجة 🦋
"إِشْتَقْتُ لِلْبَيتِ الْعَتِيقِ"
------------------------
إِشْتَقْتُ لِلْبَيتِ الْعَتِيقِ وَنُورِهِ
فَأَتَيْتُ مُبْتَهِلَاً لِبَابِهِ سَاعِيَا
قَدْ جِئْتُ أَرْجُو تَوْبَةً بِضَرَاعَةٍ
وَالصَّوْتُ يَعْلُو بِالْهِتَافِ مُلَبِّيَا
خَشَعَ الْفُؤَادُ أَمَامَ بَيتِكَ رَبَّنَا
وَبِكُلِّ ضَعْفٍ قَدْ دَعَوْتُكَ رَاجِيَا
وَأَطُوفُ حَوْلَ الْبَيتِ أَلْتَمِسُ الرِّضَا
وَالْقَلْبُ يَلْهَثُ بِالدُّعَاءِ مُنَادِيَا
وَلَقَدْ سَعَيْتُ مِنَ الصَّفَا لِلْمَرْوَةِ
وَعَلَىٰ رَسُولِ الْلَّٰهِ كُنْتُ مُصَلِّيَا
وَشَرِبْتُ مَاءً طَيِّبَاً وَمُبَارَكَاً
وَالْمَاءُ كَانَ بِإِذْنِ رَبِّي شَافِيَا
غَادَرْتُ مَكَّةَ بَاكِيَاً مُتَأَثِّرَاً
وَرَجَوتُ رَبَّ العَالَمِينَ مُنَاجِيَا
حَتَّىٰ أَعُودَ لِكَي أَطُوفَ بِبَيْتِهِ
وَيَكُونُ قَلْبِي عِنْدَ بَابِهِ جَاثِيَا
وَمَضَيتُ كَي أَلْقَىٰ الْحَبِيبَ مُحَمَّدا
مَنْ جَاءَ بِالْحَقِّ الْمُبِينِ وَهَادِيَا
صَلَّىٰ عَلَيْكَ الْلَّٰهُ يَاخَيْرَ الْوَرَىٰ
يَامَنْ وَقَفٰتُ أَمَامَ قَبْرِهِ بَاكِيَا
وَدَعَوْتُ رَبِّي وَالدُّمُوعُ تَهُزُّنِي
أَلَّا أَكُونَ عَنِ الْأَمَانَةِ لَاهِيَا
وَلَقَدْ رَجَعْتُ وَبِالْفُؤَادِ عَزِيمَةٌ
وَمَضَيْتُ فِي دَرْبِي سَعِيدَاً رَاضِيَا
------------------------------------
بقلمي؛ م/محمود الحريري
على بحر الكامل
✨النخوة ويا الضمير✨
أكل الفقير .. محسوب
برغيف وحبة.. فول
لا لحمة ولا كتكوت
إلا لتاجر..غول
ناسي لرب ..الكون
وأنا لسه ياما هقول
****
النخوة.. ويا الضمير
راحوا وكان ياما كان
استقووا..ع .. الكتكوت
بالقتل و البهتان..
وفقيرنا راح وخلاص
دمه كمان أهو هان
****
امتى نقوم م النوم
لا شكوى فيه ولا لوم
والكل يعمل حسابه
بالآخرة واقف يوم
****
✨بقلمي/ صفاء الخواجة ✨
🤲الكسبان🤲
أوعى تقول الخير ده خلاص
مش. وداب جوه البلاص
أو من غيره الكل أهو لاص
ضعنا وتوهنا. مفيش إخلاص
*****
عمر الخير ماهيفنى ويمشي
قالها رسول الله بأمان
مالي نفوس الناس والأمة
يوم ورا يوم وفى كل زمان
*****
معدن غالي .. ونبحث عنه
نلقاه غاطس جوه تراب
هو الزرع الأخضر طارح
دايما لونه بيمحي سراب
*****
أوعى اليأس ف يوم يغلبنا
أو أحلامنا تروح وماترجع
عاهد دايما يبقى صباحك
مشرق منه الكل ح يشبع
*****
اربح حب الناس وساعدهم
كسبان عمرك ..خيره يدله
سيبك م اللي يبيع لثوابه
هو الخاسر .. طمعه يذله
*****
🤲بقلمي/ صفاء الخواجة 🤲
🍁يسألني🍁
وباب الدار يسألني
ويقسم أن أجاوبه
يقول كل من رحلوا
أماتوا؟ أم سلو دربه؟
🍁بقلمي/ صفاء الخواجة 🍁
. سجال بلاش الهم
د/صفاء الخواجه ابراهيم شيمر الجندى
💐دكتوره صفاء 💐
انــده بـعـلـو الـصـوت
وقـول يارب الـوجـود
قـويني و عـافـيني
يـسر لي ڪـل الأمـور
زلل لي صعب الدروب
م الـهـم احميني
🍇ابراهيم شيمر 🍇
يارب امين
ننسا الهـم وننسا الڪرب
ويجى الفرح بجد يارب
ونعيش سعاده يارب بجد
يارب امين متزعـل حـد
💐دكتورة صفاء 💐
بكره الفرح أكيد ح يكون
مالي قلوبنـا وڪـل الكون
لـما نآمـن بـاللي خـالـقنا
ويبقى توكالنا عليه ح تهون
🍇ابراهيم شيمر 🍇
اصـل الـدنيا مـزيڪا
بــدق ع الـغـلابـان
بنرقص شيڪا بيڪا
مـــن اســوة الايـام
ياخساره ياانسان
زرعت الـهـنا مـاطـرح
لكن شجر الـضنا طـرح
وزاد وڪـفـا ڪـمـان
وقــتل فـيـنا الاحـلام
💐دكتورة صفاء 💐
خلي التفاؤل .. حياتك
وغـايـة الأحـلام
بيـه ح تحقق مـرادك
وتمحي بيه آلام
🍇ابراهيم شيمر🍇
بنتفائل ومش شايفـين
نـرمي الهم يجينا حزين
نـقـــول يـارب ريـحـنا
نعيش ساعه مع العايشين
اتـارى الـدنيـا خـوانـه
تلف وتيجى ع المساكين
💐دكتورة صفاء 💐
ده طبع الدنيا والأحزان
يحاربونا .نعـيش أوهـام
وحُسن الـظـن.. بخالـقـنا
يخلي الـهم راح ولا دام
🍇ابراهيم شيمر 🍇
سبونى افرح اعيش حبه
قلبى خلاص ياناس عـبه
لـيه الـفــرح بـقـا احلام
ولـما أعــوزه يتـخـبه
💐دكتورة صفاء 💐
ح ييجي الفرح بحلاوته
ودمـع العـين عليه يشهد
ده بعد الڪـرب .يفرجها
وكل حـزيـن أكيد يسعد
سجال
♥️الحب بالعشرة♥️
بقلم الشاعر/ محمود عمار الزلباني
والشاعرة/ صفاء الخواجة
$$$$$
قصيدةللسجال
***************
الحب بالعشرة
*************
محمود
يا شيخه امشي بقى
خليتي حياتي مرار
مستني يوم. اللقا
برب غفور ستار
***********
صفاء
بعد العشرة تقولي أغور
معنى إن أمشي وأفوتك
ليه مش طايق العشرة معايا
بعد الخدمة وعيشتي بقوتك
********
محمود
انا اللي جبته لنفسي
لكي وروني. صوره
يا ريت اتكتم نفسي
لما قلت دي اموره
***********
صفاء
ياما لرضايا حاولت كتير
واتمنيت لنصيبي معاك
تنكر ليه الحب وتبعد
وأنا باتمنى كتير لشفاك
********
محمود
الشعر سايح يرفرف
والخد احمر طماطم
صوره فعلا تشرف.
دلوقت اصبحت لاطم
***********
صفاء
تلطم ليه .هو أنت شبابك
لسه معاك .مبقتش مكحكح
والا عنيك الزايغة مازالت
عايزة صبية .وجيبك لحلح
********
محمود
ارجوكي روحي غيتيني
القلب منك. ماحامل
ولا في نومي حتى تجيني
كرهت عمري بكامل
*************
صفاء
أنا فايتاك مش ح أرجع تاني ماشية حياتي أكيد من غيرك
مش بطرانة وراضية القسمة
ولا ح اتمسح مرة ف ديلك
*****
محمود
، انتي حلوة ملامح
لكن طبعك مرار
بلاقيه بالشقة سارح
الرزق. بلغ فرار
************
صفاء
البطران سكته قطران
ياما لبخلك كنت أدادي
بالشربات مليان البيت
رغم فسيخك كنت أعاني
******
محمود
شوفوا المصيبةيا ناس
انا منها جبت العيال
انا ف بلوي ومحتاس
وعيال في غاية الجمال
**************
صفاء
أحمد ربك... أنا ربيت
شغل وهدة بجوه البيت
أنا لحياتي ياخويا نسيت
ياما بقليلك عشت.رضيت
*****
محمود
صابر عليكي سنين
يجي يوم تفكي عني
وشارب مر وانين
ولا احد ناوي يعنى
*************
صفاء
أنت قالب .. للحقايق
واللي فيك بتجيبه فيا
روح ياشيخ ربي اشتكيت
من عمايلك طالبة ديا
******
محمود
،، اتاري ابوكي رماكي
من يوم فرحنا ما شفته
كسروا قلة وراكي
يا ريت ما كنت عرفته
*************
صفاء
يرحم ..ابويا وابوك
الأصول كانوا ليها راعي
لو عايشين ح يوقفوك
والكلام ماكان له داعي
******"
محمود
، مستخبي وبان قدام
وخازوق وانا. لبسته
عامله لي فيها مدام
لو شوفت ابوك حبسته
************
صفاء
ربي ح يحاسبك وظلمك
ليا راجع ..بالمحاسن
يوم قيامة حسابه واسع
راح تبان فيه المعادن
*****
محمود
علي قايمةانا رحت ماضي
اتاريني واقع. في خيه
وصبحت بالغلب راضي
ونكدك صبح وعاشية
*************
صفاء
قايمة ايه وابويا جايب
كل حاجة عشان يساعدك
ليه ماتحمد للي ساعد
واللي ساند يوم سعادتك
*****
محمود
طب فكي عني. سبوع
بلاش خليهم يومين
انا حاسس اني ملسوع
يا رب خدها امين
************
صفاء
ما أنا فايتاك ولآخر العمر
وأحمد ربي بإني خلصت
وأتمنى لك عيش واتهنى
ده أنا لبعادك كنت اتمنى
*****
محمود
سيبيني بس ايام
خليني ادور عليكي
وضبط في مخي الكلام
ممكن احن لكي
************
صفاء
مش عايزاك لا تحن وتيجي
ولا لحياتي تقرب تاني
أنا كفاني معاك يا أناني
غلب ومُر.. زماني سقاني
*****
محمود
هاعصر عليك ليمونه
وابلع كلامك ودبشك
بدال العيال ما يلومونا
استخبي جوه في عفشك
**************
صفاء
العيال مش ح يلومونا
كبروا .صاروا .يفهمونا
هما بينا .. ويرحمونا
مستحيل ح يدوخونا
*****
محمود
خليك زوجة حنونه
وبلاش القمص على الفاضي
القلب واصل جنونه
انا قابل فعلك وراضي
************
صفاء
بعد ايه بتراضي فيا
قلبي راضي البعد عنك
والأصيلة ح تفتكر لك
كل حلو ورغم بعدك
*****
سجال بقلم الشاعر
محمودعمارالزلباني
والشاعرة/ صفاء الخواجة
همسة هجر : ♥ ♥ ♥ ♥ ♥ ♥♥ ♥ ♥ وئد الأمل فى مهده .....ودفنت نفسي فى ثراه ومضى الربيع كأننا لم نلتق .عصف الخريف بما بناه والقلب شيبه الجفاء ......
