سؤال وعايز رد
بس يكون بصراحه
قلبك مشغول بحد
ولا الطريق متاحه
متخافيش من رد
كل الردود متاحه
شغلتِ العين والقلب
وملكتِ أكبر مساحه
* * *
لو تقوليِ آه
أصرخ واقول الله
قلبي واللهِ حَبِكْ
وبقيتِى كل مُناه
لو يكون لأ
ينشق قلبي شق
يشيل أثر جرحك
وياريت يكمل حياه
* * *
واسهر ويا السهرانين
لحد ما قلبك يميل
واشوف عيونك الحلوين
أهرب من الآه والويل
إمتى توعدني يا جميل
إنتِ الدوا وأنا العليل
تقابلني إمتى وفين
ونغني آه يا ليل
* * * بقلمي
منتصر عبد رب النبي * * *
ليست هناك تعليقات:
إرسال تعليق